د کويډ-۱۹ له امله اسټراليا کې کورني تاوتريخوالی ډير شوی او ياد ډيروالی افغانو کورنيو کې هم ليدل کيږي.
کرونا ويروس وبا نورو ټولنيزو ستونزو ترڅنګ يې پر کورني اړيکو هم خپلې اغيزې شيندلي، يو خوا خلکو خپل کارونه له لاسه ورکړي او بله خوا د ډيرو خلکو کورونو کې بند پاتې کيدو له امله کورني تاوتريخوالي کې ډيروالی راوستی.
اسټراليا کې يوازې تيره مياشت په هغو کورني تاوتريخوالي پيښو کې ۱۰ سلنه ډيروالی راغلی کوم کې چې د عاجلې مداخلې او يا مرستې غوښتنه شوې.
اسټراليا کې سړي او ښځې دواړه کورني تاوتريخوالي برخه کې د مرستې غوښتنه کوي.
بله خوا سيدني ښار کې ميشت وکيل او حقوقي چارو کارپوه ډاکټر نظير داور په وينا يوازې دده دفتر ته کورني تاوتريخوالو مراجعينو کې ۳۰ سلنه ډيروالی راغلی.
د ښاغلي داور په وينا، شته بنديزونه، اقتصادي فشارونه، حکومتي پيسو ته لاسرسي کې ستونزې او نور داسې عوامل دي چې کورني تاوتريخوالي کې يې ډيروالی راوستی.
د اسټراليا حکومت تيره مياشت اعلان وکړ چې پر کورني تاوتريخوالي څانګې سره ۳۲۸ ميليونه ډالر مرسته کوي.
ولې سوال دا پيدا کيږي چې ايا دا مرستې زمونږ د ټولنې کورنيو پورې رسيږي او يا کورنۍ له حکومتي مرستو څخه خبر دي؟
سيدني ښار کې ميشت وکيل ښاغلی داور وايي، زمونږ تجربې څخه معلومه شوې چې ډيري کورنۍ له حکومتي خدمتونو او يا مرستو څخه بې خبره دي.
اسټراليا کې ميشت له ځينو نورو هيوادو څخه راغلي مهاجر او کډوال هم له کورني تاوتريخوالي سره مخ کيږي ولې حکومتي مرستو او يا پوهاوې کمپاينو ترڅنګ د يادو هيوادو د خلکو جوړې شوې ټولنې هم ياده برخه کې رغنده رول لوبوي او ډيره کې له قربانيانو سره پوهاوي او يا مرستې برخه کې همکاري کوي.
د ښاغلي داور په وينا،اسټراليا کې افغانې ټولنې کولی شي يادې برخې کې رغنده رول ولوبوي ولې له بده مرغه دا ټولنې يادې مسلې ته ډير پام نه کوي.
له ښاغلي ډاکټر نظير داور سره بشپړه مرکه دلته اوريدلی شئ.
