د پاکستان او افغانستان ترمينځ د خلکو تګ راتګ ډير لږ شوی او دواړه لورې ته خلک له ګڼو ستونزو سره. مخ دي.
کرونا ويروس وبا د پاکستان او افغانستان ترمينځ د خلکو تګ راتګ ډير اغيزمن کړی او ګڼ شمير خلک له ستونزو سر ټکوي.
اوس هم زرګونه افغانان هره ورځ هڅه کوي ترڅو د پاکستان ويزه ترلاسه کړي او ياد هيواد ته سفر وکړي، ولې د ويزې ترلاسه کول اسان کار نه بريښي خلک په شپو او ورځو انتظار کوي ترڅو ويزه ترلاسه کړي.
افغانان ډيره کې روغتيا خدمتونو، سوداګري او يا خپلو دوستانو ليدو لپاره د پاکستان ويزه ترلاسه کول غواړي.
تيره مياشت جلال آباد کې د پاکستان ويزې ترلاسه کولو ګڼه ګوڼه کې ۱۲ کسانو خپل ژوند له لاسه ورکړ او ګڼ شمير نور ټپيان شول.
د افغانستان حکومت بيا د پاکستاني ويزې ويش ښه تنظيم کولو لپاره د وېزو د وېش بهیر مسئولیت چارې د عامه محافظت رئیس جنرال خوشحال ستادات ته سپارلی
د پاکستان حکومت ژمنه کړې چې هغو افغانانو ته به د پاکستان اوږدمهاله ويزې ورکړې لپاره لومړيتوب ورکوي کوم چې ناروغه، سوداګر او يا زده کوونکی وي.
پيښور کې زمونږ همکار اسلام ګل افريدي پاکستان ته تللي افغانانو سره د ويزې ترلاسه کولو او نورو ستونزو برخه کې مرکې کړي چې تاسې دا ټول پدې رپوټ کې اوريدلی شئ.
