استرالیا ته د اروپایانو تر راتګ وروسته د اعدام سزا د دغه هېواد د جزا د قانون برخه وګرځېده او تر هغه وروسته به د حکم له صادرېدو وروسته مجرمین اعدامیدل. د اعدام حکم په استرالیا کې د شاوخوا ۳۵۰ کلونو لپاره عملي کېده خو په ۱۹۲۲ کال کې د کوینزلنډ حکومت د اعدام سزا د جزا له قانون څخه وویستله او تر هغې وروسته د استرالیا په نورو ایالتونو کې هم د وخت په تېرېدلو سره د اعدام سزا منع وګرځول شوه.
تر ۱۹۸۵ کال پورې د استرالیا په ټولو ایالتونو کې د اعدام سزا منع ګرځول شوې خو د استرالیا فدرال حکومت په ۲۰۱۰ کال کې داسې قانون تصویب کړ چې د هغه پر اساس به د استرالیا ایالتونه ونشي کولای تر څو د اعدام سزا یو ځل بیا د جزا قانون ته ور زیاته کړي.
په استرالیا کې د اعدام سزا د تاریخ په اړه لاډېر مالومات په راپور کې واورئ.
