د اسټراليا مهاجرت ادارې ته جعلي اسنادو سپارل ځينو کسانو لپاره ستر سر خوږی جوړيږي او د ځينو تابعيت او يا هم ويزو اخيستلو پروسه ځنډول کيږي.
د مهاجرت ادارې قانون له مخه يو پناه غوښتونکی اړ دی ترڅو يادې ادارې ته خپل ټول اصلي يا سم اسناد وسپاري او که يادې ادارې يا کومې بلې ادارې د ياد کس اسناد جعلي توب ثابت کړي بيا حکومت ددې واک لري چې د ياد کس ويزه او يا هم تابعيت تر پوښتنې لاندې راولي.
سيدني ښار کې ميشت وکيل او حقوقي چارو کار پوه ډاکټر نظير داور له اس بي اس پښتو خپرونې سره يادې مسلې لا روښانه کولو برخه کې مرکه کړې.
ښاغلی وايي، د اسټراليا حکومت په افغانستان او هم نورو ځايونو کې له ځايي ادارو سره نږدې اړيکې لري او کولی شي د يو پناه غوښتونکي يا مهاجر اسناد له ځايي ادارو له لارې وڅيړي.
د ښاغلي داور په وينا ډيره کې افغانان جعلي تذکرې او هم د موټر چلولو لايسنس ادارو ته سپاري چې لدې سره دوی ته ډيرې ستونزې پيدا کيږي.
Source: Supplied
داچې د جعلي اسنادو پر وړاندې د اسټراليا مهاجرت ادارې قانون څه دی او که کوم کس جعلي اسنادو لرل ثابت شي کوم حقوقي صلاحيتونه لري، دې ټولو پوښتنو ځواب مو له ښاغلي داور څخه غوښتي چې پدې مرکه کي يې اوريدلی شئ.
