د طالبانو واک ته رسيدو څخه له دوو مياشتو ډيره موده تيره شوه ولې لا اوس نړۍ له طالبانو سره نږدې کيدو ته ليوالتيا نه لري.
د طالبانو واک ته رسيدو سره لا تر اوسه د نړۍ يو هيواد هم د طالبانو اسلامي دولت په رسميت ندی پيژندلی.
پاکستان چې د طالبانو ملاتړی هيواد په توګه پيژندل کيږي لا تر اوسه دا طالبانو نوی حکومت په رسميت ندی پيژندلی.
طالبان له نړۍ څخه غواړي ترڅو يې په رسميت وپيژني او يا لږ تر لږه ځيني هيوادونه.
څيړونکی او سياسي چارو کارپوه محب اقبال صافی له اس بي اس پښتو خپرنې سره مرکه کې وويل، چې طالبانو تر اوسه پر خپل شوو وعدو عمل ندی کړی.
د طالبانو دومره چټکۍ سره قدرت ته رسيدو تمه د نړۍ هيوادونو نه کوله او همدا وجه ده چې ځيني هيوادونه لدې چټک بدلون سره خوښ نه بريښي.
دا ښاغلي اقبال په وينا، دا ويره هم شته چې د افغانانو راتلونکی يو ځل بيا د نړۍ سترو قدرتو لاس ته غورځيدو سره له ستونزو ډک وي.
بله خوا افغانستان ته نړۍ د ستونزې په نظر ګوري او غواړي چې دا حل کړي.
د طالبانو او نړۍ اړيکو په اړه لا ډير معلومات د ښاغلي محب اقبال صافی په بشپړه مرکه کې واورئ.
