د اسټرالیا حکومت هڅه کوي ترڅو د نړۍ په نورو هېوادونو کې هم د اعدام سزا ته لیوالتیا را کمه شي.
نن ورځ د نړۍ په یو زیات شمېر هېوادونو کې مجرمین په اعدام نه محکومېږي بلکې د عمر بند سزا ورکول کېږې.
اسټرالیا هم د هغو هېوادونو په ډله کې دی چې د اعدام سزا نلري. له ۱۹۶۷ کال وروسته په اسټرالیا کې څوک ندي اعدام شوي او تر ۱۹۸۵ کال پورې د اسټرالیا په ټولو ایالتونو کې د اعدام سزا منع ګرځول شوې.
په ۲۰۱۰ کال کې د اسټرالیا فدرال پارلمان داسې قانون تصویب کړ چې د هغه پر اساس به د استرالیا ایالتونه ونشي کولای تر څو د اعدام سزا یو ځل بیا د جزا قانون ته ور زیاته کړي. دا چې په اسټرالیا کې ولې څوک نه اعدامېږي او څرنګه دغه سزا د استرالیا د ایالتونو له قوانینو څخه لرې شوې، پدې اړه لاډېر معلومات په راپور کې اوریدلی شئ.
شریکول
