Sleep on it دا اصطلاح لږ خندونکې ښکاري، که څنګه؟ که ټکي په ټکي یې وژباړو نو داسې ده لکه یو څوک د خپل خوب ځای کې یو شی واچوي او پرې ويده شې! خو په رښتيا کې دا معنا لري چې د پرېکړې کولو مخکې لږ وخت واخله لږ نور فکر هم پرې وکړه ،ویده شه یعنی تر سبا پورې انتظار وکړه، ترڅو بېځايه پرېکړه ونهکړې.
دا اصطلاح ډېره پخوانۍ ده. لومړی ځل د ۱۵۱۹ کال په شاوخوا کې د انګلستان پاچا اتم هنري Henry VIII دا کارولې وه. هغه ويلي وو: "زه به پرې ويده شم او خوب به پرې ووينم" مخکې له دې چې يوه مهمه پرېکړه وکړي. هغه وخت هم خلک پدې پوهېدل چې ښه ويده کېدل ذهن روښانه کوي!
نن هم موږ دا اصطلاح ډیری وخت کاروو. مثلاً که څوک درنه وغواړي سمدستي پرېکړه وکړې، خو ته وخت ته اړتيا لرې، نو ويلای شې
- I’m not sure. I’ll sleep on it and tell you tomorrow.
یا د خپل کار په ځای کې ویلی شی:
- My manager wants an answer today, but I think I’ll sleep on it first.
په ورځنيو حالاتو کې هم دا اصطلاح په پراخه ډول کارېږي، مثلاً کله چې پرېکړه کوې چې سفر ته ولاړ شې که نه نو ویلی شئ
- I’m not sure if I want to go hiking this weekend. Let me sleep on it.
دا اصطلاح د مشورې ورکولو پر مهال هم کارېږي
- Don’t rush your choice — sleep on it and see how you feel in the morning.
نور مالومات په پاډکاسټ کې واورئ.
د انګلیسي ژبې د زده کړې نور پاډکاسټونه په اپل او سپوټیفای کې هم اوریدلئ شئ.
