د آسټرالیا د احصایې ادارې لخوا خپرې شوې شمېرې ښيي چې اوسمهال له یو میلیون څخه زیاتو کسانو خپل کارونه له لاسه ورکړي او د بیکارۍ کچه ۷،۵ سلنه ته پورته شوې.
کووېډ-۱۹ ناروغۍ پرمهال یو زیات شمېر آسټرالیایانو خپل کارونه له لاسه ورکړي او د بیکارۍ کچه په تېرو ۲۰ کلونو کې د لومړي ځل لپاره لوړ حالت ته رسېدلې ده.
د آسټرالیا د احصایې ادارې لخوا خپرې شوې شمېرې ښيي چې له یو میلیون څخه زیاتو کسانو خپل کارونه له لاسه ورکړي او د بیکارۍ کچه ۷،۵ سلنه ته پورته شوې.
سره لدې چې په آسټرالیا د کرونا وېروس د وبا پر مهال په سلهاوو زره کسانو خپل کارونه له لاسه ورکړي او اټکل کېږي ترڅو یو زیات شمېر نور هم د روان کال تر پایه پورې بېکاره شي. د اس بي اس شبکې ته داسې معلومات په لاس ورغلي چې ښيي، د اسټرالیا اطرافي او کلیوالې سیمې د کارګرو له کموالي سره مخ دي.
د آسټرالیا په لرې پرتو او کلیوالو سیمو کې د نویو دندو لپاره اعلانونه بېرته زیات شوي او شمېر یې له کووېډ ۱۹ مخکې حالت ته رسیدلی. مګر په ښارونو کې د کارونو شمېر ډېر کم دی او کارګمارونکي د پخوا په پرتله کم شمېر نوي کسان په کار ګماري.
مهرباني وکړئ ، لا ډېر معلومات په راپور کې واورئ.
