د کرونا ويروس وبا چې ټوله نړۍ يې د روغتيا او قتصاد له ستر بحران سره مخ کړي اسټراليا کې يې هم سلګونه زره کسان بې کاره کړي.
د اسټراليا دويم درجه ښار ګوټو يا سيمه ايزو سيمو کې اوس هم کاري فرصتونه شتون لرې کوم چې مهاجر او کډوال یې په اسانۍ ډکولی شي.
د لويو ښارونو پر پرتله لرې پرتې سيمې د کرونا ويروس له ستر خطر څخه ډیره کې بچ پاتې شوي.
اسټراليا کي یوه اداره کوم چې لرې پرتو سميو کاري فرصتونه برابروي د ROA په نامه یادیږي.
د ROA اداره له پخوا راهيسې د اسټراليا لرې پرتو سيمو کې مهاجر او کډوال ميشتوي.
که چیرې کوم مهاجر یا کډوال لویو ښارونو کې په خپل خوښه کار نشي موندلی او یا د اسټرالیا دایمي ویزه نه لري هغوی لپاره ښه جانس دی ترڅو له کار سره دی دویم درجه ښارونو کې میشت شي.
یاده اداره اوس هم د کډولو او مهاجرو راجستر کولو او میشتولو جارې پر مخ وړي..
د يادې ادارې مشر ماهر مومند په وینا، سره لدې چې د کرونا وبا ډيرې ستونزې پيدا کړي ولې اوس هم لرې پرتو سيمو کې کاري فرصتونه شتون لري.
د ښاغلي مومند په وينا که د اسټراليا لويو ښارونو کې مهاجرو او کډوالو د کرونا ويروس له وجې يې خپل کار له لاسه ورکړی وي او غواړي د اسټراليا دويم درجه ښارونو کې په بيلابيلو برخو کې کار وکړي نو د ROA دفتر او ويبپاڼې له لارې دې ځان راجسټر کړي ترڅو ورته د کار کولو زمينه برابره شي.
د ROA ادارې تر دې دمه سلګونه کسان لرې پرتو سيمو کې ميشت کړي.
اس بي اس پښتو خپرونې د ROA ادارې له مشر ماهر مومند سره لرې پرتو سيمو کې کاري فرصتونو په اړه مرکه کړې چې تاسې لا نور معلومات په مرکه کې اوريدلی شئ.
Source: Supplied
