د لومړي ځل لپاره د کډوالو نړیواله ورځ په ۲۰۰۱ کال کې د ملګرو ملتونو د کډوالو د ۱۹۵۱ کال د کنواسیون د پنځوسمې کلیزې په خاطر ولمانځل شوه.
سږ کال دغه ورځ په داسې حال کې راځي چې د کډوالو ادارې یا( یو اېن ایچ سي آر) په خپل تازه راپور کې ویلي چې نړۍ کې د کډوالو شمېر په زیاتېدو دی او د راون کال تر می میاشتې يې شمېر ۱۲۰ میلیونو کسانو ته رسېدلی دی.
دغې ادارې ویلي چې دا تر ټولو لوی شمېر دی او د تېر کال په پرتله اته برابر زیاتوالي په کوته کوي.
راپور کې جګړه، تاوتریخوالی او طبیعي پېښې هغه لاملونه یاده شوي چې د کډوالو په شمېر کې يې زیاتوالی راوستی دی.
سږکال د ملګرو ملتونو د کډوالو ادارې لخوا دا ورځ " په ټوله نړۍ کې د کډوالو د زړورتیا او قدرت ستاینې" په نوم یاده شوې.
ددغې ادارې د راپور پر اساس افغانان بیا په نړۍ کې د کډوالو تر ټولو لوی شمېر جوړوي.
ددغه راپور له مخې، په ۲۰۲۳ کال کې څه باندې ۷۴۱ زره افغانان بېلابېلو هېوادونو ته کډوال شوي چې د تېر کال په پرتله ۱۳ سلنه زیاتوالی په کې راغلی او د افغان کډوالو ټولیز شمېر میلیونونو تنو ته رسېدلی دی.
لا ډېر معلومات په رپوټ کې اورېدلی شئ.
