ਜਿਦਾਂ ਹੀ ਇਹ ਵਿਅਕਤੀ ਨਿਊਕਾਸਲ ਦੇ ਮਾਈਲੇਨਿਅਮ ਬਰਿੱਜ ਤੇ ਇਸ ਬਾਲੜੀ ਨੂੰ ਮਿਲਣ ਲਈ ਪਹੁੰਚਿਆ ਤਾਂ ਉਸ ਦਾ ਸਵਾਗਤ ‘ਗਾਰਡੀਅਨਸ ਆਫ ਦਾ ਨਾਰਥ’ ਅਤੇ ਪੁਲਿਸ ਵਲੋਂ ਹੋਇਆ।
ਇਸ ਵਿਅਕਤੀ ਨੂੰ ਬਾਲੜੀ ਨੇ ਕਈ ਵਾਰ ਕਿਹਾ ਸੀ ਕਿ ਉਹ ਸਿਰਫ 13 ਸਾਲਾਂ ਦੀ ਹੀ ਹੈ। ਇਸ ਬਾਲੜੀ ਨਾਲ ਇਸ ਵਿਅਕਤੀ ਨੇ ਜਿਨਸੀ ਸਬੰਧਾਂ ਅਤੇ ਮਿਲਣੀ ਬਾਬਤ ਕਈ ਵਾਰ ਗੱਲਾਂ ਕੀਤੀਆਂ ਸਨ।
ਪੁੱਛਗਿੱਛ ਕੀਤੇ ਜਾਣ ਉਤੇ ਇਸ ਰਾਇਹਾਨ ਨਾਮਕ ਬੰਗਲਾਦੇਸ਼ੀ, ਜੋ ਕਿ ਨਿਊਕਾਸਲ ਦਾ ਹੀ ਰਹਿਣ ਵਾਲਾ ਹੈ, ਨੇ ਤੁਰੰਤ ਹੀ ਆਪਣਾ ਦੋਸ਼ ਸਵੀਕਾਰ ਕਰ ਲਿਆ।
ਇਸ ਦਾ ਬਚਾਅ ਕਰਨ ਵਾਲੇ ਵਕੀਲ ਨਿੱਕ ਕਾਰਮੇਲ ਨੇ ਦਲੀਲ ਦਿੱਤੀ ਕਿ ਇਹ ਵਿਅਕਤੀ ਇਹੋ ਜਿਹੇ ਕੰਮਾਂ ਦਾ ਅਭਿਆਸੀ ਨਹੀਂ ਹੈ। ਇਸ ਨੇ ਆਪਣਾ ਦੋਸ਼ ਤੁਰੰਤ ਸਵੀਕਾਰ ਕਰ ਲਿਆ ਹੈ ਅਤੇ ਦਿੱਲ ਤੋਂ ਆਪਣੇ ਕੀਤੇ ਉੱਤੇ ਮਾਫੀ ਵੀ ਮੰਗ ਰਿਹਾ ਹੈ।
ਪਿਛੋਕੜ ਵਿੱਚ ਉਸ ਵਲੋਂ ਕੋਈ ਵੀ ਹੋਰ ਅਪਰਾਧ ਨਾ ਕੀਤੇ ਹੋਣ ਦੇ ਮੱਦੇਨਜ਼ਰ, ਜੱਜ ਨੇ ਉਸ ਨੂੰ 12 ਮਹੀਨਿਆਂ ਦੀ ਸਜਾ ਸੁਣਾਈ। ਅਤੇ ਨਾਲ ਹੀ ਕਿਹਾ ਕਿ ਰਾਇਹਾਨ ਦਾ ਰੈਜ਼ੀਡੈਂਟ ਸਟੇਟਸ ਹੁਣ ਖਤਰੇ ਵਿੱਚ ਹੈ ਅਤੇ ਇਸ ਨੂੰ ਵਾਪਸ ਭੇਜਿਆ ਜਾ ਸਕਦਾ ਹੈ।
