ਇਹ 66 ਸਾਲਾਂ ਦਾ ਜੋਹਨ ਫੈਜ਼ਲੋਨ ਆਪਣੇ ਮਾਪਿਆਂ ਨਾਲ 61 ਸਾਲ ਪਹਿਲਾਂ ਆਸਟ੍ਰੇਲੀਆ ਵਿੱਚ ਆਇਆ ਸੀ ਪਰ ਕਦੀ ਵੀ ਇਥੋਂ ਦਾ ਨਾਗਰਿਕ ਨਹੀਂ ਸੀ ਬਣਿਆ।
ਸਾਲ 2008 ਵਿੱਚ ਇਸ ਨੇ ਭੰਗ ਦੀ ਤਸਕਰੀ ਸਵੀਕਾਰੀ ਸੀ ਅਤੇ 8 ਸਾਲਾਂ ਲਈ ਜੇਲ ਭੁਗਤੀ ਸੀ।
ਇਸ ਜੇਲ ਦੀ ਸਜਾ ਦੇ ਅੰਤ ਵਿੱਚ ਇਸ ਦਾ ਵੀਜ਼ਾ ਖਾਰਜ ਕਰ ਦਿੱਤਾ ਗਿਆ ਸੀ ਅਤੇ ਇਮੀਗ੍ਰੇਸ਼ਨ ਡਿਟੇਨਸ਼ਨ ਸੈਂਟਰ ਵਿੱਚ ਭੇਜ ਦਿੱਤਾ ਗਿਆ ਸੀ।
ਇਸ ਸਮੇਂ ਇਸ ਵਿਅਕਤੀ ਨੂੰ ਕਰਿਸਮਸ ਆਈਲੈਂਡ ਵਿੱਚ ਰੱਖਿਆ ਹੋਇਆ ਹੈ।
ਫੈਜ਼ਲੋਨ ਨੇ ਹਾਈ ਕੋਰਟ ਵਿੱਚ ਬੇਨਤੀ ਕੀਤੀ ਸੀ ਕਿ ਉਸ ਨੂੰ ਆਸਟ੍ਰੇਲੀਆ ਵਿੱਚੋਂ ਕੱਢਣ ਦਾ ਮਤਲਬ ਹੈ ਕਿ ਉਸ ਨੂੰ ਉਸ ਦੇ ਜੁਰਮ ਨਾਲੋਂ ਹੋਰ ਵੀ ਜਿਆਦਾ ਸਜਾ ਦਾ ਦੇਣਾ, ਕਿਉਂਕਿ ਉਸ ਨੇ ਆਪਣੇ ਜੁਰਮ ਦੀ ਸਜਾ ਤਾਂ ਜੇਲ ਕੱਟ ਕੇ ਭੁਗਤ ਹੀ ਲਈ ਹੈ।
ਪਰ ਹਾਈ ਕੋਰਟ ਨੇ ਸਰਬਸੰਮਤੀ ਨਾਲ ਫੈਸਲਾ ਕਰਦੇ ਹੋਏ ਇਸ ਦਲੀਲ ਨੂੰ ਖਾਰਜ ਕਰ ਦਿੱਤਾ ਹੈ।
ਕੋਰਟ ਵਲੋਂ ਹਦਾਇਤ ਮੁਤਾਬਕ ਪ੍ਰਵਾਸ ਮੰਤਰੀ ਕਿਸੇ ਵੀ ਵਿਅਕਤੀ ਦਾ ਵੀਜ਼ਾ ਉਸ ਸਮੇਂ ਕੈਂਸਲ ਕਰ ਸਕਦਾ ਹੈ, ਜਦੋਂ ਮੰਤਰੀ ਨੂੰ ਇਹ ਯਕੀਨ ਹੋ ਜਾਵੇ ਕਿ ਇਹ ਨੈਤਕਿਤਾ ਵਾਲੇ ਇਮਤਿਹਾਨ ਵਿੱਚੋਂ ਇਸ ਕਰਕੇ ਫੇਲ ਹੋ ਗਿਆ ਹੈ ਕਿਉਂਕਿ ਇਸ ਦਾ ਅਪਰਾਧਿਕ ਰਿਕਾਰਡ ਕਾਫੀ ਮਹੱਤਵਪੂਰਨ ਰਿਹਾ ਹੈ।
ਇਸ ਦੀ ਬੇਨਤੀ ਨੂੰ ਖਰਚੇ ਪਾਂਉਂਦੇ ਹੋਏ ਖਾਰਜ ਕਰ ਦਿੱਤ ਗਿਆ ਹੈ।
ਫੈਜ਼ਜੋਲਨ ਦੇ ਆਸਟ੍ਰੇਲੀਆ ਵਿੱਚ ਵਸ ਰਹੇ ਪਰਿਵਾਰ ਵਿੱਚ ਦੋ ਭੈਣਾਂ, ਚਾਰ ਭਰਾ ਅਤੇ ਚਾਰ ਬਾਲਗ ਬੱਚਿਆਂ ਦੇ ਨਾਲ ਦੱਸ ਪੋਤੇ ਪੋਤੀਆਂ ਵੀ ਹਨ।
ਇਸ ਦੀ ਇੱਕ ਭੈਣ ਐਨ ਫੈਜ਼ਲੋਨ ਨੇ ਐਸ ਬੀ ਐਸ ਨੂੰ ਦੱਸਿਆ ਕਿ ਇਸ ਫੈਸਲੇ ਨਾਲ ਉਹਨਾਂ ਦਾ ਸਾਰਾ ਪਰਿਵਾਰ ਬਹੁਤ ਹੀ ਟੁੱਟ ਗਿਆ ਹੈ।
ਉਸ ਨੇ ਇਹ ਵੀ ਕਿਹਾ ਕਿ ਉਸ ਦੇ ਭਰਾ ਨੂੰ ਨਸ਼ੇ ਦੀ ਤਸਕਰੀ ਦੀ ਬਹੁਤ ਹੀ ਭਿਆਨਕ ਸਜਾ ਭੁਗਤਣੀ ਪੈ ਗਈ ਹੈ।
