ਨਿਊ ਵਰਲਡ ਹੈਲਥ ਨਾਂਅ ਦੀ ਸੰਸਥਾ ਮੁਤਾਬਿਕ, ਭਾਰਤ ਦੀ ਕੁੱਲ ਸੰਪਤੀ ੮,੨੩੦ ਬਿਲੀਅਨ ਅਮਰੀਕੀ ਡਾਲਰ ਹੈ। ਸੂਚੀ ਵਿੱਚ ੬੪,੫੪੮ ਬਿਲੀਅਨ ਡਾਲਰ ਦੀ ਸੰਪਤੀ ਨਾਲ ਅਮਰੀਕਾ ਪਹਿਲੇ ਨੰਬਰ ਤੇ ਕਾਬਜ਼ ਹੈ।
ਭਾਰਤ ਦੇ ਮੁਕਾਬਲੇ ਅਮਰੀਕਾ ਦੀ ਕੁੱਲ ਸੰਪਤੀ ਜਿੱਥੇ ਅੱਠ ਗੁਣਾ ਹੈ ਤਾਂ ਉੱਥੇ ਹੀ ਚੀਨ ਦੀ ਸੰਪਤੀ ਭਾਰਤ ਨਾਲੋਂ ਤਿੰਨ ਗੁਣਾ ਹੈ।
ਭਾਰਤ ਦੇ ੩,੩੦,੪੦੦ ਲੋਕਾਂ ਦੇ ਕੋਲ ਇੱਕ ਮਿਲੀਅਨ ਡਾਲਰ ਤੋਂ ਜ਼ਿਆਦਾ ਦੀ ਸੰਪਤੀ ਹੈ। ਇਸ ਮਾਮਲੇ ਵਿੱਚ ਵੀ ਅਮਰੀਕਾ ਪਹਿਲੇ ਨੰਬਰ ਤੇ ਹੈ। ਉੱਥੇ ੫੦,੪੭,੪੦੦ ਲੋਕਾਂ ਦੇ ਕੋਲ ਇੱਕ ਮਿਲੀਅਨ ਡਾਲਰ ਤੋਂ ਜ਼ਿਆਦਾ ਦੀ ਜਾਇਦਾਦ ਹੈ।
ਆਸਟਰੇਲੀਆ ਦੀ ਰੈਕਿੰਗ ਪ੍ਰਭਾਵੀ ਹੈ, ੬,੧੪੨ ਬਿਲੀਅਨ ਡਾਲਰ ਨਾਲ ਆਸਟ੍ਰੇਲੀਆ ਨੌਵੇਂ ਨੰਬਰ ਤੇ ਹੈ।
ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ੨੦੧੭ ਵਿੱਚ ਬਾਕੀ ਦੇਸ਼ਾਂ ਦੇ ਮੁਕਾਬਲੇ ਭਾਰਤ ਦੀ ਸੰਪਤੀ ਵਿੱਚ ਸਭ ਤੋਂ ਜ਼ਿਆਦਾ ਵਾਧਾ ਹੋਇਆ ਹੈ।
'ਟੋਟਲ ਵੈਲਥ' ਜਾਣੀਕਿ ਕਿਸੇ ਵੀ ਦੇਸ਼ ਜਾਂ ਸ਼ਹਿਰ ਵਿੱਚ ਰਹਿਣ ਵਾਲੇ ਲੋਕਾਂ ਦੀ ਕੁੱਲ ਪ੍ਰਾਈਵੇਟ ਸੰਪਤੀ ਵਿੱਚ ਹਰ ਸ਼ਖਸ ਦੀ ਸੰਪਤੀ (ਜਿਸ ਵਿੱਚ ਪ੍ਰਾਪਰਟੀ, ਕੈਸ਼, ਇਕਵੀਟੀਜ਼, ਬਿਜ਼ਨਸ ਇੰਟਰਸਟ) ਸ਼ਾਮਲ ਕੀਤੇ ਗਏ ਹਨ, ਹਾਲਾਂਕਿ ਇਸ ਰਿਪੋਰਟ ਵਿੱਚ ਸਰਕਾਰੀ ਫੰਡ ਨਹੀਂ ਜੋੜੇ ਗਏ ਹਨ।
ਨਿਊ ਵਰਲਡ ਹੈਲਥ ਸੰਸਥਾ ਦੀ ਅਮੀਰ ਦੇਸ਼ਾਂ ਸਬੰਧੀ ਪੇਸ਼ ਕੀਤੀ ਰਿਪੋਰਟ ਅਨੁਸਾਰ ਇਹ ਹਨ ਦੁਨੀਆਂ ਦੇ ਦਸ ਅਮੀਰਤਰੀਨ ਮੁਲਕ:
1. ਅਮਰੀਕਾ ੬੪,੫੮੪ ਬਿਲੀਅਨ ਡਾਲਰ ਨਾਲ ਪਹਿਲੇ ਸਥਾਨ ਤੇ ਹੈ।
2. ਚੀਨ ਨੇ $੨੪,੮੦੩ ਬਿਲੀਅਨ ਡਾਲਰ ਨਾਲ ਦੂਜਾ ਥਾਂ ਮੱਲਿਆ ਹੈ।
3. ਜਪਾਨ ੧੯,੫੨੨ ਬਿਲੀਅਨ ਡਾਲਰ ਦੀ ਧੰਨ-ਰਾਸ਼ੀ ਨਾਲ ਤੀਸਰੇ ਨੰਬਰ ਤੇ ਹੈ।
4. ਇੰਗਲੈਂਡ ਨੇ ੯,੯੧੯ ਬਿਲੀਅਨ ਡਾਲਰ ਨਾ ਚੌਥੀ ਥਾਂ ਲਈ ਹੈ।
5. ਜਰਮਨੀ $੯,੬੬੦ ਬਿਲੀਅਨ ਡਾਲਰ ਨਾਲ ਪੰਜਵੇਂ ਨੰਬਰ ਤੇ ਹੈ।
6. ਭਾਰਤ $੮,੨੩੦ ਬਿਲੀਅਨ ਡਾਲਰ ਨਾਲ ਛੇਵੀਂ ਥਾਂ ਤੇ ਕਾਬਿਜ ਹੈ।
7. ਫਰਾਂਸ ਅਮੀਰ ਮੁਲਕਾਂ ਚ' ੬,੬੪੯ ਬਿਲੀਅਨ ਡਾਲਰ ਨਾਲ ਸੱਤਵੇਂ ਨੰਬਰ ਤੇ ਹੈ।
8. ਕੈਨੇਡਾ ਨੇ ੬,੩੯੩ ਬਿਲੀਅਨ ਡਾਲਰ ਨਾਲ ਅੱਠਵੀਂ ਥਾਂ ਮੱਲੀ ਹੈ।
9.ਆਸਟ੍ਰੇਲੀਆ ੬,੧੪੨ ਬਿਲੀਅਨ ਡਾਲਰ ਨਾਲ ਨੌਵੇਂ ਨੰਬਰ ਤੇ ਹੈ।
10. ਇਟਲੀ ੪,੨੭੬ ਬਿਲੀਅਨ ਡਾਲਰ ਨਾਲ ਦਸਵਾਂ ਨੰਬਰ ਲੈਣ ਚ ਕਾਮਯਾਬ ਰਿਹਾ ਹੈ।
