ਖੇਤਰੀ ਨਿਊ ਸਾਉਥ ਵੇਲਜ਼ ਵਿੱਚ ਸਥਿਤ ਵ੍ਹਾਈਟਹੇਵਨ ਨਾਮਕ ਕੋਲੇ ਦੀ ਖਾਨ ਦੇ ਵਿਸਤਾਰ ਲਈ ਦਿੱਤੀ ਸਰਕਾਰੀ ਮਨਜ਼ੂਰੀ ਉਤੇ ਰੋਕ ਲਾਉਣ ਲਈ ਇੱਕ ਸਮੂਹ ਵਲੋਂ 2020 ਵਿੱਚ ਕਲਾਸ-ਐਕਸ਼ਨ ਮੁਕੱਦਮਾ ਦਾਇਰ ਕੀਤਾ ਗਿਆ ਸੀ ਜਿਸ ਵਿੱਚ ਇਹ ਦਲੀਲ ਪੇਸ਼ ਕੀਤੀ ਗਈ ਸੀ ਕਿ ਵਾਤਾਵਰਣ ਮੰਤਰੀ ਨੂੰ ਇਨ੍ਹਾਂ ਖਾਣਾਂ ਨੂੰ ਮਨਜ਼ੂਰੀ ਦੇਣ ਸਮੇਂ ਕੀਤੇ ਮੁਲਾਂਕਣ ਵਿੱਚ ਨੌਜਵਾਨਾ ਦੇ ਭਵਿੱਖ ਨੂੰ ਖਿਆਲ ਵਿੱਚ ਰੱਖਣਾ ਚਾਹਿਦਾ ਸੀ।
ਪਿਛਲੇ ਮਈ ਵਿੱਚ ਫੈਡਰਲ ਅਦਾਲਤ ਦੇ ਜਸਟਿਸ ਬਰੋਮਬਰਗ ਨੇ ਆਪਣੀ ਸਹਿਮਤੀ ਦਿੰਦਿਆਂ ਕਿਹਾ ਸੀ ਕਿ ਵਾਤਾਵਰਣ ਮੰਤਰੀ ਮਿਸ ਲੇ ਦੀ ਇਹ ਨੈਤਿਕ ਜ਼ਿਮੇਵਾਰੀ ਬਣਦੀ ਸੀ ਪਰ ਫ਼ੇਰ ਵੀ 'ਖਾਣ' ਦੇ ਵਿਸਥਾਰ ਦੀ ਪ੍ਰਵਾਨਗੀ ਯੋਜਨਾ ਨੂੰ ਰੋਕਣ ਲਈ ਦਿੱਤੀ ਅਰਜ਼ੀ ਨੂੰ ਖਾਰਜ ਕਰ ਦਿੱਤਾ ਗਿਆ।
ਅਦਾਲਤ ਦੇ ਇਸ ਫੈਸਲੇ 'ਤੇ ਪ੍ਰਤੀਕਿਰਿਆ ਕਰਦੇ ਹੋਏ ਅੰਜਲੀ ਸ਼ਰਮਾ ਨੇ ਕਿਹਾ ਕਿ "ਮੇਰਾ ਮੰਨਣਾ ਹੈ ਕਿ ਆਸਟ੍ਰੇਲੀਆ ਇਸ ਸਮੇਂ ਉਸ ਥਾਂ 'ਤੇ ਖੜਾ ਹੈ ਜਿੱਥੇ ਭਵਿੱਖ ਨੂੰ ਸੁਰੱਖਿਅਤ ਕਰਣ ਲਈ ਸਾਫ਼ ਜਲਵਾਯੂ ਇੱਕ ਬੁਨਿਆਦੀ ਜ਼ਿਮੇਵਾਰੀ ਅਤੇ ਜ਼ਰੂਰਤ ਹੈ ਜਿਸ ਤੋਂ ਬਗੈਰ ਸਾਡਾ ਭਵਿੱਖ ਬੁਰੀ ਤਰ੍ਹਾਂ ਖ਼ਤਰੇ ਵਿੱਚ ਪੈ ਸਕਦਾ ਹੈ"।
ਉਨ੍ਹਾਂ ਐਸ ਬੀ ਐਸ ਹਿੰਦੀ ਨੂੰ ਕਿਹਾ ਕਿ "ਮੈਂ ਭਾਵੇਂ ਅਦਾਲਤ ਦੇ ਇਸ ਫ਼ੈਸਲੇ ਤੋਂ ਨਾਰਾਜ਼ ਹਾਂ ਪਰ ਮੈ ਆਪਣੇ ਆਪ ਨੂੰ ਬੇਵੱਸ ਨਹੀਂ ਮਹਿਸੂਸ ਕਰਦੀ ਅਤੇ ਮੈ ਜਲਵਾਯੂ ਨੂੰ ਸੁਰੱਖਿਅਤ ਰੱਖਣ ਲਈ ਆਪਣੀ ਲੜਾਈ ਜਾਰੀ ਰੱਖਾਂਗੀ "
For more details read this story in English
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
