ਇਸ ਸਮੇਂ ਭਾਰਤੀ ਮੂਲ ਦੇ ਸੈਂਕੜੇ ਲੋਕ 'ਮਜਬੂਰੀ ਜਾਂ ਹਮਦਰਦੀ' ਦੇ ਹਲਾਤਾਂ ਕਾਰਣ ਭਾਰਤ ਦੀ ਯਾਤਰਾ ਕਰਨਾ ਚਾਹੁੰਦੇ ਹਨ ਪਰ ਉਨ੍ਹਾਂਦੀਨ ਬੇਨਤੀਆਂ ਕੁਝ ਸਖ਼ਤ ਨੀਤੀਆਂ ਕਾਰਨ ਠੁਕਰਾ ਦਿੱਤੀਆਂ ਗਈਆਂ ਹਨ।
ਇਨ੍ਹਾਂ ਲੋਕਾਂ ਵਲੋਂ ਹੁਣ ਆਸਟ੍ਰੇਲੀਅਨ ਸਰਕਾਰ ਨੂੰ ਇੱਕ ਪਟੀਸ਼ਨ ਰਾਹੀਂ ਅਪੀਲ ਕੀਤੀ ਜਾ ਰਹੀ ਤਾਂ ਕਿ ਸਰਕਾਰ ਬਾਹਰੀ ਯਾਤਰਾ ਛੋਟਾਂ ਲਈ ਆਪਣੇ ਸੀਮਤ ਮਾਪਦੰਡਾਂ ਦਾ ਵਿਸਥਾਰ ਕਰੇ।
ਇਸ ਪਟੀਸ਼ਨ ਉਤੇ ਇੱਕ ਦਿਨ ਵਿੱਚ 700 ਤੋਂ ਵੱਧ ਦਸਤਖ਼ਤ ਕੀਤੇ ਜਾ ਚੁੱਕੇ ਹਨ।
ਇਸ ਸਮੇਂ ਆਸਟ੍ਰੇਲੀਆ ਤੋਂ ਭਾਰਤ ਦੀ ਯਾਤਰਾ ਲਈ ਛੋਟ ਦੀ ਮੰਗ ਕਰ ਰਹੇ ਵਿਅਕਤੀਆਂ ਨੂੰ ਸਿਰਫ ਕੁੱਝ ਖਾਸ ਸਥਿਤੀਆਂ ਵਿੱਚ ਹੀ ਪ੍ਰਵਾਨਗੀ ਦਿੱਤੀ ਜਾ ਸਕਦੀ ਹੈ।
ਪਟੀਸ਼ਨਕਰਤਾਵਾਂ ਨੇ ਮੰਗ ਕੀਤੀ ਹੈ ਕਿ ਭਾਰਤ ਵਿੱਚ ਘਟ ਰਹੇ ਕੋਵਿਡ ਕੇਸਾਂ ਅਤੇ ਵੱਧ ਰਹੀ ਵੈਕਸੀਨੇਸ਼ਨ ਦਰ ਦੇ ਮੱਦੇਨਜ਼ਰ ਮੋਰਿਸਨ ਸਰਕਾਰ ਭਾਰਤ ਲਈ ਬਾਹਰੀ ਛੋਟ ਦੇ ਮੂਲ ਮਾਪਦੰਡਾਂ ਨੂੰ ਦੂਜੇ ਦੇਸ਼ਾਂ ਦੇ ਸਮਾਨ ਮੁੜ ਸਥਾਪਿਤ ਕਰੇ।
ਭਾਰਤ ਦੇ ਸਿਹਤ ਮੰਤਰਾਲੇ ਦੇ ਅੰਕੜਿਆਂ ਦੇ ਅਨੁਸਾਰ ਨਵੇਂ ਕੋਵਿਡ ਕੇਸਾਂ ਵਿੱਚ ਨਿਰੰਤਰ ਕਮੀ ਦਰਜ ਕੀਤੀ ਜਾ ਰਹੀ ਹੈ।
ਐਸ ਬੀ ਐਸ ਪੰਜਾਬੀ ਦੀ ਵੈਬਸਾਈਟ ਨੂੰ ਬੁੱਕਮਾਰਕ ਕਰੋ ਅਤੇ ਐਸ ਬੀ ਐਸ ਰੇਡੀਓ ਐਪ ਲਈ ਐਪ ਸਟੋਰ ਉੱਤੇ ਜਾਓ। ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ। ਤੁਸੀਂ ਸਾਨੂੰ ਫੇਸਬੁੱਕ ਅਤੇ ਟਵਿੱਟਰ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।
