37 ਸਾਲ ਦੇ ਉਬਰ ਡਰਾਈਵਰ ਅਨਿਲ ਥਾਮਸ ਤੇ ਪਿਛਲੇ ਸਾਲ ਇੱਕ 16 ਸਾਲ ਦੀ ਕੁੜੀ ਦੇ ਨਾਲ ਬਲਾਤਕਾਰ ਕਰਨ ਦਾ ਦੋਸ਼ ਲੱਗਿਆ ਸੀ। ਦੋਸ਼ ਹੈ ਕਿ ਪਿਛਲੇ ਸਾਲ 7 ਜੁਲਾਈ ਨੂੰ ਬ੍ਰਿਸਬੇਨ ਦੇ ਬੇ ਸਾਈਡ ਇਲਾਕੇ ਵਿੱਚ ਉਸ ਵੇਲੇ ਬਲਾਤਕਾਰ ਕੀਤਾ ਜਦੋਂ ਕੁੜੀ ਸੁਪਰਮਾਰਕੀਟ ਤੋਂ ਆਪਣੇ ਇੱਕ ਦੋਸਤ ਦੇ ਘਰ ਜਾਣ ਲਈ ਉਬਰ ਵਿੱਚ ਸਵਾਰ ਹੋਈ ਸੀ।
ਪੁਲਿਸ ਵੱਲੋਂ ਲਾਏ ਦੋਸ਼ ਮੁਤਾਬਿਕ, ਜਿਸ ਵੇਲੇ ਉਹ ਪੀੜਿਤ ਦੀ ਮੰਜ਼ਿਲ ਨੇੜੇ ਪਹੁੰਚੇ, ਅਨਿਲ ਥਾਮਸ ਆਪਣੀ ਗੱਡੀ ਨੂੰ ਇੱਕ ਸੁਨਸਾਨ ਥਾਂ ਤੇ ਲੈ ਗਿਆ ਅਤੇ ਦਰੱਖਤਾਂ ਦੇ ਓਹਲੇ ਰੋਕ ਦਿੱਤੀ। ਪੁਲਿਸ ਮੁਤਾਬਿਕ, ਉਸਨੇ ਉਸੇ ਥਾਂ ਕੁੜੀ ਨਾਲ ਜ਼ਬਰਦਸਤੀ ਕੀਤੀ ਅਤੇ ਉਸਦੇ ਨਾਲ ਬਲਾਤਕਾਰ ਕੀਤਾ। ਇਸ ਮਗਰੋਂ ਉਸਨੇ ਕੁੜੀ ਨੂੰ ਉਸਦੇ ਦੋਸਤ ਦੇ ਘਰ ਛੱਡਿਆ।
ਇਸ ਕਥਿਤ ਘਟਨਾ ਦੇ ਕੁੱਝ ਦਿਨ ਮਗਰੋਂ ਪੀੜਿਤ ਕੁੜੀ ਨੇ ਪੁਲਿਸ ਨੂੰ ਅਨਿਲ ਥਾਮਸ ਦੇ ਵਿਰੁੱਧ ਸ਼ਿਕਾਇਤ ਕੀਤੀ।
ਅਦਾਲਤ ਵਿੱਚ ਸੁਣਵਾਈ ਦੌਰਾਨ ਅਨਿਲ ਥਾਮਸ ਵੱਲੋਂ ਇਹਨਾਂ ਦੋਸ਼ਾਂ ਤੋਂ ਇਨਕਾਰ ਕੀਤਾ ਗਿਆ ਹੈ।
ਬ੍ਰਿਸਬੇਨ ਦੀ ਅਦਾਲਤ ਵਿੱਚ ਮੁਕੱਦਮਾ ਜਾਰੀ ਹੈ।
Listen to SBS Punjabi Monday to Friday at 9 pm. Follow us on Facebook and Twitter.
