ਚੈਨਲ ਨਾਈਨ ਅਨੁਸਾਰ ੨੧-ਸਾਲਾ ਆਨੰਦ ਸਿੰਘ ਨੇ ਹਥਿਆਬੰਦ ਲੁਟੇਰੇ ਦੇ ਮੂਹਰੇ ਅੜਨ ਦੀ ਕੋਸ਼ਿਸ਼ ਵੀ ਕੀਤੀ ਤੇ ਬਹਾਦਰੀ ਨਾਲ ਆਪਣੇ ਦੋ ਸਾਥੀ ਕਾਮਿਆਂ ਨੂੰ ਮੁਸ਼ਕਿਲ ਤੋਂ ਵੀ ਬਚਾਇਆ।
ਆਨੰਦ ਮੁਤਾਬਿਕ ਲੁਟੇਰੇ ਨੇ ਚਾਰ ਗੋਲੀਆਂ ਚਲਾਈਆਂ ਜਿੰਨਾ ਚੋ' ਇੱਕ ਉੱਸਦੇ ਹੱਥ ਉੱਤੇ ਤੇ ਦੂਜੀ ਛਾਤੀ ਵਿੱਚ ਲੱਗੀ।
ਜ਼ਖਮੀ ਹਾਲਤ ਵਿੱਚ ਆਨੰਦ ਨੇ ਨੇੜੇ ਦੇ ਪੁਲਿਸ ਸਟੇਸ਼ਨ ਵਿੱਚ ਜਾਕੇ ਆਪਣੀ ਜਾਨ ਬਚਾਈ।
ਪੁਲਿਸ ਨੇ ਹਾਲਾਂਕਿ ਨੌਜਵਾਨ ਦੀ ਇਸ ਕੋਸ਼ਿਸ਼ ਦੀ ਸਿਫਤ ਕੀਤੀ ਹੈ ਪਰ ਨਾਲ-ਨਾਲ ਇਸ ਤਰਾਂਹ ਕਰਨ ਤੋਂ ਵਰਜਿਆ ਵੀ ਹੈ।
ਗ੍ਰੈਨਵਿਲ ਪੁਲਿਸ ਥਾਣੇ ਦੇ ਇੰਸਪੈਕਟਰ ਮੈਥਿਊ ਹਾਈਡ ਨੇ ਇਸ ਬਾਰੇ ਕਿਹਾ," ਉਹ ਇੱਕ ਬਹਾਦੁਰ ਨੌਜਵਾਨ ਹੈ ਪਰ ਪੁਲਿਸ ਇੱਦਾਂ ਕਰਨ ਦਾ ਸੁਝਾ ਨਹੀਂ ਦਿੰਦੀ। ਹਥਿਆਰਬੰਦ ਲੁਟੇਰੇ ਕਾਫੀ ਖ਼ਤਰਨਾਕ ਹੋ ਸਕਦੇ ਨੇ ਇਸ ਲਈ ਉਹਨਾਂ ਦੀ ਮੰਗ ਤੇ ਹਮੇਸ਼ਾ ਗੌਰ ਕਰਨਾ ਚਾਹੀਦਾ ਹੈ।"
ਪੁਲਿਸ ਮੌਕੇ ਤੋਂ ਫਰਾਰ ਹੋਏ ਦੋਸ਼ੀ ਦੀ ਤਲਾਸ਼ ਵਿੱਚ ਹੈ।
Follow SBS Punjabi on Facebook and Twitter.
Share
