ਮਲੇਸ਼ੀਆ ਵਿੱਚ ਪਿਛਲੇ ਪੰਦਰਾਂ ਸਾਲਾਂ ਤੋਂ ਕਿਸੇ ਹੋਰ ਵਿਅਕਤੀ ਦੀ ਪਛਾਣ ਤੇ ਕੰਮ ਕਰ ਰਹੇ ਭਾਰਤੀ ਵਿਅਕਤੀ ਦੀ ਉਸਨੂੰ ਡਿਪੋਰਟ ਕੀਤੇ ਜਾਣ ਸਮੇ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ।
ਮਲੇਸ਼ੀਆ ਦੇ ਗਲੋਬਲ ਰੈਸਕਿਊ ਹੁਮਾਨੀਟੀ ਦੇ ਪ੍ਰਧਾਨ ਟੀ ਕਮਲਾਨਾਥਨ ਨੇ ਮੱਕਲ ਓਸਾਈ ਅਖਬਾਰ ਨੂੰ ਦੱਸਿਆ ਕਿ ਓਹਨਾ ਨੂੰ 42 ਸਾਲ ਵਿਅਕਤੀ, ਜਿਸਦਾ ਨਾਂ ਆਰ ਪੰਡੀਆਰਾਜਨ ਸੀ, ਦੀ ਮੌਤ ਦੀ ਖ਼ਬਰ ਮਿਲੀ ਸੀ। ਜਿਸ ਉਪਰੰਤ ਓਹਨਾ ਹਸਪਤਾਲ ਵਿੱਚ ਜਾ ਕੇ ਉਸਦੇ ਬਾਰੇ ਹੋਰ ਜਾਣਕਾਰੀ ਇੱਕਠੀ ਕਰ ਕੇ ਉਸਦੀ ਧਰਮ ਪਤਨੀ ਨਾਲ ਸੰਪਰਕ ਕੀਤਾ।
ਪੰਡਿਆਰਾਜਨ ਦੀ ਮੌਤ 29 ਜਨਵਰੀ ਨੂੰ ਉਸ ਸਮੇ ਹੋਈ ਜਦੋਂ ਉਸਨੂੰ ਤਿੰਨ ਮਹੀਨੇ ਨਜ਼ਰਬੰਦ ਰੱਖਣ ਮਗਰੋਂ ਭਾਰਤ ਵਾਪਿਸ ਭੇਜਿਆ ਜਾ ਰਿਹਾ ਸੀ। ਓਹਨਾ ਇਹ ਵੀ ਦੱਸਿਆ ਕਿ ਉਹ ਮਲੇਸ਼ੀਆ ਵਿੱਚ ਕਿਸੇ ਹੋਰ ਵਿਅਕਤੀ ਦੇ ਪਾਸਪੋਰਟ ਅਤੇ ਪਛਾਣ ਤੇ ਕੰਮ ਕਰ ਰਿਹਾ ਸੀ। ਓਹਨਾ ਇਮੀਗ੍ਰੇਸ਼ਨ ਵਿਭਾਗ ਤੋਂ ਉਸਦੇ ਦਸਤਾਵੇਜ਼ ਹਾਸਿਲ ਕਰਨ ਲਈ ਸੰਪਰਕ ਕੀਤਾ ਹੈ।
ਕਮਲਨਾਥਨ ਨੇ ਦੱਸਿਆ ਕਿ ਓਹਨਾ ਦੀ ਜੱਥੇਬੰਦੀ ਮ੍ਰਿਤਕ ਦਾ ਸਰੀਰ ਉਸਦੇ ਪਰਿਵਾਰ ਕੋਲ ਭਾਰਤ ਵਿਚ ਤਾਮਿਲਨਾਡੂ ਭੇਜਣ ਦਾ ਪ੍ਰਬੰਧ ਵੀ ਕਰ ਰਿਹਾ ਹੈ।
Follow SBS Punjabi on Facebook and Twitter.
To see stories from SBS Punjabi on top of your Facebook news feed, click on three dots next to News Feed icon on the top left corner of the screen, click on Edit preferences, then Prioritise who to see first and select SBS Punjabi.
