Latest

ਕੋਵਿਡ -19 ਅਪਡੇਟ: ਕਿਸ਼ੋਰਾਂ ਵਿੱਚ ਟੀਕਿਆਂ ਦੇ ਮਾੜੇ ਪ੍ਰਭਾਵ ਬਹੁਤ ਘੱਟ, ਨਵੇਂ ਅਧਿਐਨ ਦਾ ਦਾਅਵਾ

ਇਹ 8 ਅਗਸਤ, 2022 ਨੂੰ ਆਸਟ੍ਰੇਲੀਆ ਵਿੱਚ ਕਰੋਨਾਵਾਇਰਸ ਸਥਿਤੀ ਸਬੰਧੀ ਤਾਜ਼ਾ ਜਾਣਕਾਰੀ ਹੈ।

COVId-19 VACCINE ROLL-OUT

Una teenager riceve il vaccino contro il COVID-19 a Canberra. (file) Source: AAP / MICK TSIKAS/AAPIMAGE

Key Points
  • ਏ.ਸੀ.ਟੀ. ਵੱਲੋਂ ਪਬਲਿਕ ਹੈਲਥ ਐਮਰਜੈਂਸੀ ਨੂੰ ਵਧਾਇਆ ਗਿਆ
  • ਪੀ.ਸੀ.ਆਰ. ਟੈਸਟ ਕਰਵਾਉਣ ਵਾਲੇ ਤਸਮਾਨੀਆ ਦੇ ਲੋਕਾਂ ਦਾ ਸਾਹ ਦੇ ਹੋਰ ਵਾਇਰਸਾਂ ਦਾ ਵੀ ਹੋਵੇਗਾ ਟੈਸਟ
  • ਨਿਊ ਸਾਊਥ ਵੇਲਜ਼ ਅਤੇ ਵਿਕਟੋਰੀਆ ਵਿੱਚ ਮਾਂਕੀਪੌਕਸ ਦੀ ਵੈਕਸੀਨ ਦੀ ਹੋਈ ਸ਼ੁਰੂਆਤ
ਸੋਮਵਾਰ ਨੂੰ, ਆਸਟ੍ਰੇਲੀਆ ਵਿੱਚ ਘੱਟੋ-ਘੱਟ 14 ਕੋਵਿਡ-19 ਮੌਤਾਂ ਦਰਜ ਕੀਤੀਆਂ ਗਈਆਂ ਹਨ, ਜਿੰਨ੍ਹਾਂ ਵਿੱਚੋਂ 7 ਸਾਊਥ ਆਸਟ੍ਰੇਲੀਆ ਅਤੇ ਚਾਰ ਨਿਊ ਸਾਊਥ ਵੇਲਜ਼ ਤੋਂ ਸ਼ਾਮਲ ਹਨ।

ਜ਼ਿਆਦਾਤਰ ਰਾਜਾਂ ਅਤੇ ਪ੍ਰਦੇਸ਼ਾਂ ਵਿੱਚ ਨਵੀਆਂ ਲਾਗਾਂ ਅਤੇ ਹਸਪਤਾਲ ਵਿੱਚ ਭਰਤੀ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ ਵਿੱਚ ਗਿਰਾਵਟ ਦੇਖੀ ਜਾ ਰਹੀ ਹੈ।

ਇਥੇ ਤੁਸੀਂ ਕੋਵਿਡ-19 ਦੇ ਨਵੇਂ ਮਾਮਲਿਆਂ, ਹਸਪਤਾਲ ਭਰਤੀਆਂ ਅਤੇ ਮੌਤਾਂ ਬਾਰੇ ਤਾਜ਼ਾ ਜਾਣਕਾਰੀ ਹਾਸਲ ਕਰ ਸਕਦੇ ਹੋ।
ਏ.ਸੀ.ਟੀ. ਦੇ ਸਿਹਤ ਮੰਤਰੀ ਸਟੀਫਨ ਸਮਿੱਥ ਨੇ ਦੱਸਿਆ ਕਿ ਨਵੇਂ ਕੇਸਾਂ ਦੀ ਗਿਣਤੀ ਹੁਣ ਪ੍ਰਤੀਦਿਨ 1000 ਤੋਂ ਘੱਟ ਹੈ। ਹਾਲਾਂਕਿ, ਕਮਿਊਨਿਟੀ ਟਰਾਂਸਮਿਸ਼ਨ ਦਾ ਖਤਰਾ ਅਜੇ ਵੀ ਬਰਕਰਾਰ ਹੈ ਅਤੇ ਇਹ ਉਹਨਾਂ ਵਸਨੀਕਾਂ ਲਈ ਹੋਰ ਵੀ ਗੰਭੀਰ ਹੈ ਜੋ ਪਹਿਲਾਂ ਹੀ ਕਿਸੇ ਸਿਹਤ ਸਬੰਧੀ ਮੁਸ਼ਕਿਲ ਨਾਲ ਜੂਝ ਰਹੇ ਹਨ।
ਆਸਟ੍ਰੇਲੀਆ ਵਿੱਚ ਰਿਹਾਇਸ਼ੀ ਏਜ਼ਡ ਕੇਅਰ ਸਹੂਲਤਾਂ ਵਿੱਚ ਨਵੀਨਤਮ ਅੰਕੜਿਆਂ ਮੁਤਾਬਕ 952 ਸਰਗਰਮ ਮਾਮਲੇ ਹਨ।

ਨਿਊ ਸਾਊਥ ਵੇਲਜ਼ ਵਿੱਚ 310, ਵਿਕਟੋਰੀਆ ਵਿੱਚ 207 ਅਤੇ ਕੁਈਨਜ਼ਲੈਂਡ ਵਿੱਚ 201 ਸਰਗਰਮ ਮਾਮਲੇ ਰਿਪੋਰਟ ਕੀਤੇ ਗਏ ਹਨ।

ਆਸਟ੍ਰੇਲੀਆ ਦੇ ‘ਦਾ ਮੈਡੀਕਲ ਜਰਨਲ’ ਵਿੱਚ ਸੋਮਵਾਰ ਨੂੰ ਦੋ ਵੱਡੇ ਅਧਿਐਨ ਪ੍ਰਕਾਸ਼ਿਤ ਕੀਤੇ ਗਏ।

ਪਹਿਲੇ ਅਧਿਐਨ ਵਿੱਚ ਖੋਜਕਰਤਾਵਾਂ ਵੱਲੋਂ 16 ਸਾਲ ਤੋਂ ਘੱਟ ਉਮਰ ਦੇ ਨਿਊ ਸਾਊਥ ਵੇਲਜ਼ ਦੇ 17,000 ਤੋਂ ਵੱਧ ਬੱਚਿਆਂ ਦੇ ਡੇਟਾ ਨੂੰ ਦੇਖ ਕੇ ਇਹ ਸਿੱਟਾ ਕੱਢਿਆ ਗਿਆ ਕਿ ਡੈਲਟਾ ਵੇਰੀਐਂਟ ਨਾਲ ਸੰਕਰਮਿਤ ਜ਼ਿਆਦਾਤਰ ਬੱਚਿਆਂ ਨੂੰ ਜਾਂ ਤਾਂ ਲੱਛਣ ਬਹੁਤ ਹਲਕੇ ਸਨ ਅਤੇ ਜਾਂ ਕੋਈ ਵੀ ਲੱਛਣ ਨਹੀਂ ਸੀ।

ਹਸਪਤਾਲਾਂ ਵਿੱਚ ਭਰਤੀ ਹੋਣ ਦਾ ਅੰਕੜਾ ਮੁਕਾਬਲਤਨ ਕਾਫੀ ਘੱਟ ਸੀ। ਅਧਿਐਨ ਵਿੱਚ ਕਿਹਾ ਗਿਆ ਹੈ ਕਿ ਹਸਪਤਾਲਾਂ ਵਿੱਚ ਜ਼ਿਆਦਤਰ ਬੱਚੇ ਮੈਡੀਕਲ ਕਾਰਨਾਂ ਕਰ ਕੇ ਨਹੀਂ ਬਲਕਿ ਸਮਾਜਿਕ ਕਾਰਨਾਂ ਕਰ ਕੇ ਭਰਤੀ ਹੋ ਰਹੇ ਹਨ।

ਇਸ ਵਿੱਚ ਇਹ ਵੀ ਦੱਸਿਆ ਗਿਆ ਹੈ ਕਿ ਮੈਡੀਕਲ ਕਾਰਨਾਂ ਕਰ ਕੇ ਹਸਪਤਾਲਾਂ ਵਿੱਚ ਦਾਖਲ ਹੋਣ ਵਾਲੇ ਜਨਮ ਤੋਂ ਲੈ ਕੇ 5 ਤੋਂ 11 ਸਾਲ ਤੱਕ ਦੇ ਬੱਚਿਆਂ ਦੀ ਸੰਭਾਵਨਾ ਘੱਟ ਹੋ ਗਈ ਹੈ ਪਰ ਦੂਜੇ ਪਾਸੇ 12 ਤੋਂ 15 ਸਾਲ ਦੀ ਉਮਰ ਲਈ ਇਹ ਸੰਭਾਵਨਾ ਵੱਧ ਗਈ ਹੈ।

ਦੂਜੇ ਅਧਿਐਨ ਵਿੱਚ ਇਹ ਦੱਸਿਆ ਗਿਆ ਹੈ ਕਿ (COVID-19 mRNA) ਟੀਕਿਆਂ ਦੇ ਥੋੜ੍ਹੇ ਸਮੇਂ ਦੇ ਮਾੜੇ ਪ੍ਰਭਾਵ ਪੈਣ ਦਾ ਖਤਰਾ 12-18 ਸਾਲਾਂ ਦੇ ਕਿਸ਼ੋਰਾਂ ਵਿੱਚ ਐਨਾ ਨਹੀਂ ਹੈ ਜਿਨਾਂ ਕਿ ਵਾਇਰਸ ਤੋਂ ਹੋਣ ਵਾਲੀਆਂ ਪੇਚੀਦਗੀਆਂ ਤੋਂ ਹੈ।

ਨਿਊ ਸਾਊਥ ਵੇਲਜ਼ ਵੱਲੋਂ ਮਾਂਕੀਪੌਕਸ ਦੀ ਵੈਕਸੀਨ ਲਗਾਉਣੀ ਸ਼ੁਰੂ ਕਰ ਕਰ ਦਿੱਤੀ ਗਈ ਹੈ।

ਵੈਕਸੀਨ ਲਗਾਵਾਉਣ ਲਈ ਯੋਗ ਵਿਕਟੋਰੀਆ ਦੇ ਵਾਸੀ, ਵਿਕਟੋਰੀਅਨ ਮੈਲਬੌਰਨ ਸੈਕਸੁਅਲ ਹੈਲਥ ਸੈਂਟਰ, ਥੌਰਨ ਹਾਰਬਰ ਹੈਲਥ, ਨੌਰਥਸਾਈਡ ਕਲੀਨਿਕ, ਕੋਲਿਨਜ਼ ਸਟ੍ਰੀਟ ਮੈਡੀਕਲ ਸੈਂਟਰ ਅਤੇ ਪ੍ਰਹਰਾਨ ਮਾਰਕੀਟ ਕਲੀਨਿਕ ਤੋਂ ਟੀਕਾਕਰਨ ਕਰਵਾ ਸਕਦੇ ਹਨ।

ਇਸ ਸਮੇਂ ਆਸਟ੍ਰੇਲੀਆ ਵਿੱਚ ਮਾਂਕੀਪੌਕਸ ਦੇ 60 ਮਾਮਲੇ ਹਨ ਜਿੰਨ੍ਹਾਂ ਵਿੱਚੋਂ 33 ਨਿਊ ਸਾਊਥ ਵੇਲਜ਼ ਵਿੱਚ ਅਤੇ 22 ਵਿਕਟੋਰੀਆ ਵਿੱਚ ਹਨ।

9 ਅਗਸਤ ਤੋਂ, ਰਾਜ ਸੰਚਾਲਿਤ ਲੈਬਾਂ ਵਿੱਚ ਪੀ.ਸੀ.ਆਰ. ਟੈਸਟ ਕਰਵਾਉਣ ਵਾਲੇ ਤਸਮਾਨੀਆ ਦੇ ਲੋਕਾਂ ਦਾ ਹੁਣ ਇਨਫਲੂਐਂਜ਼ਾ ਏ, ਇਨਫਲੂਐਂਜ਼ਾ ਬੀ ਅਤੇ ਰੈਸਪੀਰੇਟਰੀ ਇੰਸੀਟੀਅਲ ਵਾਇਰਸ ਦਾ ਵੀ ਟੈਸਟ ਕੀਤਾ ਜਾਵੇਗਾ।
ਆਪਣੇ ਰਾਜ ਦੀਆਂ ਕੋਵਿਡ-19 ਟੈਸਟਿੰਗ ਕਲੀਨਿਕਾਂ ਬਾਰੇ ਜਾਣੋ।

ਆਪਣੇ ਆਰ ਏ ਟੀ (RAT) ਨਤੀਜੇ ਰਜਿਸਟਰ ਕਰੋ।

ਤੁਸੀਂ ਆਸਟ੍ਰੇਲੀਆ ਵਿੱਚ ਕੀ ਕਰ ਸਕਦੇ ਹੋ ਅਤੇ ਕੀ ਨਹੀਂ ਕਰ ਸਕਦੇ, ਇਸ ਬਾਰੇ ਜਾਣੋ।

ਜੇਕਰ ਤੁਹਾਨੂੰ ਵਿੱਤੀ ਸਹਾਇਤਾ ਦੀ ਲੋੜ ਹੈ ਤਾਂ ਆਪਣੇ ਵਿਕਲਪਾਂ ਬਾਰੇ ਜਾਣੋ

ਤੁਹਾਡੀ ਭਾਸ਼ਾ ਵਿੱਚ ਕੋਵਿਡ-19 ਸ਼ਬਦ ਨੂੰ ਸਮਝਣ ਲਈ ਇਥੇ ਕਲਿਕ ਕਰੋ। 

'ਤੇ ਆਪਣੀ ਭਾਸ਼ਾ ਵਿੱਚ ਕੋਵਿਡ-19 ਜਾਣਕਾਰੀ ਪੜ੍ਹੋ।

Share

Published

Source: SBS

Share this with family and friends


Follow SBS Punjabi

Download our apps
SBS Audio
SBS On Demand

Listen to our podcasts
Independent news and stories connecting you to life in Australia and Punjabi-speaking Australians.
Understand the quirky parts of Aussie life.
Get the latest with our exclusive in-language podcasts on your favourite podcast apps.

Watch on SBS
Punjabi News

Punjabi News

Watch in onDemand
ਕੋਵਿਡ -19 ਅਪਡੇਟ: ਕਿਸ਼ੋਰਾਂ ਵਿੱਚ ਟੀਕਿਆਂ ਦੇ ਮਾੜੇ ਪ੍ਰਭਾਵ ਬਹੁਤ ਘੱਟ, ਨਵੇਂ ਅਧਿਐਨ ਦਾ ਦਾਅਵਾ | SBS Punjabi