ਸਿਡਨੀ ਨਿਵਾਸੀ ਰਵਜੋਤ ਕੌਰ ਧੱਟ ਪਿਛਲੇ 600 ਦਿਨਾਂ ਤੋਂ ਆਪਣੇ ਮੰਗੇਤਰ ਹਰਜੀਤ ਸਿੰਘ ਦੇ ਆਸਟ੍ਰੇਲੀਆ ਆਉਣ ਦਾ ਰਾਹ ਤੱਕ ਰਹੇ ਹਨ।
ਇਸ ਜੋੜੇ ਨੇ ਸਤੰਬਰ 2020 ਵਿੱਚ ਸੰਭਾਵੀ ਵਿਆਹ ਵੀਜ਼ਾ ਲਈ ਅਰਜ਼ੀ ਦਿੱਤੀ ਸੀ ਪਰ ਉਨ੍ਹਾਂ ਦਾ ਮੰਗੇਤਰ ਅਜੇ ਵੀ ਵੀਜ਼ੇ ਦੀ ਉਡੀਕ ਕਰ ਰਿਹਾ ਹੈ।
ਆਸਟ੍ਰੇਲੀਅਨ ਸਰਕਾਰ ਦੁਆਰਾ ਪ੍ਰੋਸਪੈਕਟਿਵ ਮੈਰਿਜ ਵੀਜ਼ਾ (ਪੀ ਐਮ ਵੀ) ਅਧੀਨ ਯਾਤਰਾ ਛੋਟ ਦੀ ਇਜਾਜ਼ਤ ਦੇਣ ਦੇ ਫ਼ੈਸਲੇ ਤੋਂ ਬਾਅਦ ਰਵਜੋਤ ਨੂੰ ਹੁਣ ਇੱਕ ਉਮੀਦ ਦੀ ਕਿਰਨ ਦਿਖਾਈ ਦੇ ਰਹੀ ਹੈ।
ਗ੍ਰਹਿ ਵਿਭਾਗ ਦੀ ਵੈਬਸਾਈਟ ਦੇ ਅਨੁਸਾਰ, ਇਸ ਵੀਜ਼ੇ ਦੀ ਫ਼ੀਸ ਲਗਭਗ 8,000 ਡਾਲਰ ਹੈ ਅਤੇ ਇਸ ਨੂੰ ਲੈਣ ਲਈ 23 ਤੋਂ 27 ਮਹੀਨਿਆਂ ਦਾ ਸਮਾਂ ਲੱਗ ਸਕਦਾ ਹੈ।
ਨਵੇਂ ਨਿਯਮਾਂ ਅਨੁਸਾਰ ਕੇਵਲ ਉਹ ਪੀ ਐਮ ਵੀ ਧਾਰਕ ਜਿੰਨ੍ਹਾਂ ਕੋਲ਼ ਪਹਿਲਾਂ ਹੀ ਸਬ ਕਲਾਸ 300 ਵੀਜ਼ਾ ਹੈ ਅਤੇ ਜਿੰਨ੍ਹਾਂ ਨੇ ਇਸ ਸਬਕਲਾਸ ਅਧੀਨ ਘੱਟੋ-ਘੱਟ 12 ਮਹੀਨੇ ਪਹਿਲਾਂ ਅਰਜ਼ੀ ਦਿੱਤੀ ਹੈ, ਨੂੰ ਯਾਤਰਾ ਛੋਟ ਦੇਣ ਲਈ ਵਿਚਾਰਿਆ ਜਾ ਸਕਦਾ ਹੈ।
ਐਸ ਬੀ ਐਸ ਪੰਜਾਬੀ ਦੀ ਵੈਬਸਾਈਟ ਨੂੰ ਬੁੱਕਮਾਰਕ ਕਰੋ ਅਤੇ ਐਸ ਬੀ ਐਸ ਰੇਡੀਓ ਐਪ ਲਈ ਐਪ ਸਟੋਰ ਉੱਤੇ ਜਾਓ। ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ। ਤੁਸੀਂ ਸਾਨੂੰ ਫੇਸਬੁੱਕ ਅਤੇ ਟਵਿੱਟਰ 'ਤੇ ਵੀ ਫ਼ਾਲੋ ਕਰ ਸਕਦੇ ਹੋ।
