ਆਸਟ੍ਰੇਲੀਅਨ ਗ੍ਰੀਨਸ ਪਾਰਟੀ ਦੇ ਲੀਡਰ ਸੈਨੇਟਰ ਰਿਚਰਡ ਡੀ ਨਟਾਲੀ ਨੇ ਆਸਟ੍ਰੇਲੀਅਨ ਪ੍ਰੈਸ ਕਲੱਬ ਵਿੱਚ ਬੋਲਣ ਦੌਰਾਨ ਹਰੇਕ ਆਸਟ੍ਰੇਲੀਅਨ ਲਈ ਯੂਨੀਵਰਸਲ ਬੇਸਿਕ ਇਨਕਮ ਤਹਿਤ ਵੇਲਫੇਯਰ ਪੇਮੈਂਟ ਸ਼ੁਰੂ ਕਰਨ ਦਾ ਪ੍ਰਸਤਾਵ ਰੱਖਿਆ ਹੈ। ਯੂਨੀਵਰਸਲ ਬੇਸਿਕ ਇਨਕਮ ਮੌਜੂਦਾ ਸੈਂਟਰੈਲਿੰਕ ਪੇਮੈਂਟ ਵਾਂਗ ਵਿਅਕਤੀ ਦੀ ਆਮਦਨ ਤੇ ਅਧਾਰਿਤ ਨਹੀਂ ਹੁੰਦੀ ਬਲਕਿ ਇਸਦੇ ਤਹਿਤ ਹਰੇਕ ਵਿਅਕਤੀ ਨੂੰ ਇੱਕ ਮਿੱਥੀ ਰਕਮ ਅਦਾ ਕੀਤੀ ਜਾਂਦੀ ਹੈ ਭਾਂਵੇ ਉਹਨਾਂ ਦੀ ਕਮਾਈ ਕੁਝ ਵੀ ਹੋਵੇ।
ਸੈਨੇਟਰ ਡੀ ਨਟਾਲੀ ਨੇ ਕਿਹਾ ਕਿ ਆਸਟ੍ਰੇਲੀਆ ਵਿੱਚ ਕੰਮ ਦੇ ਨਾਟਕੀ ਢੰਗ ਨਾਲ ਬਦਲਦੇ ਸਰੂਪ ਦੇ ਮੱਦੇ ਨਜ਼ਰ ਇਹ ਅਹਿਮ ਹੈ।
"ਲੋਕਾਂ ਦੇ ਕੰਮ ਸ਼ੁਰੂ ਕਰਨ ਤੋਂ ਬਾਅਦ ਦੋ ਦਹਾਕਿਆਂ ਤੱਕ ਉਸੇ ਨੌਕਰੀ ਵਿੱਚ ਰਹਿਣ ਵਾਲੇ ਦਿਨ ਹੁਣ ਲਗਭਗ ਖਤਮ ਹਨ," ਓਹਨਾ ਕਿਹਾ।
"ਸਾਡਾ ਮੌਜੂਦਾ ਸਮਾਜਿਕ ਸੁਰੱਖਿਆ ਸਿਸਟਮ ਪੁਰਾਣ ਹੋ ਚੁੱਕਿਆ ਹੈ। ਇਹ ਬੇਰੋਜ਼ਗਾਰੀ, ਅਸਥਿਰ ਰੋਜ਼ਗਾਰ ਅਤੇ ਰੋਜ਼ਗਾਰ ਦੇ ਅਣਮਿੱਥੇ ਘੰਟਿਆਂ ਜਿਹੀ ਸੱਸਿਆਵਾਂ ਚ ਘਿਰੇ ਲੋਕਾਂ ਦੀ ਪੂਰੀ ਤਰ੍ਹਾਂ ਮਦਦ ਨਹੀਂ ਕਰ ਸਕਦਾ।"
ਯੂਨੀਵਰਸਲ ਬੇਸਿਕ ਇਨਕਮ ਕਿ ਹੈ?
ਯੂਨੀਵਰਸਲ ਬੇਸਿਕ ਇਨਕਮ ਸਰਕਾਰਾਂ ਵੱਲੋਂ ਦਿੱਤੀ ਜਾਂਦੀ ਹੋਰ ਵੈਲਫੇਅਰ ਤੋਂ ਅਲੱਗ ਹੈ। ਇਸਦੇ ਤਹਿਤ ਹਰੇਕ ਨੂੰ ਇੱਕ ਸਮਾਂ ਰਕਮ ਅਦਾ ਕੀਤੀ ਜਾਂਦੀ ਹੈ ਜੋ ਕਿ ਮੀਨਸ ਟੇਸਟੇਡ ਨਹੀਂ ਹੁੰਦੀ। ਇਸ ਨੂੰ ਹਾਸਿਲ ਕਰਣ ਵਾਲਾ ਪੈਸੇ ਆਪਣੀ ਮਰਜੀ ਅਨੁਸਾਰ ਖਰਚ ਕਰ ਸਕਦਾ ਹੈ ਅਤੇ ਸਰਕਾਰ ਕੋਈ ਸੁਆਲ ਨਹੀਂ ਪੁੱਛਦੀ।
ਇਸ ਨੂੰ ਕਈ ਮੁਲਕਾਂ ਵਿੱਚ ਇੱਕ ਪ੍ਰਯੋਗ ਤੇ ਤੌਰ ਤੇ ਸ਼ੁਰੂ ਕੀਤਾ ਗਿਆ ਹੈ। ਪਿਛਲੇ ਸਾਲ ਫਿਨਲੈਂਡ ਵਿੱਚ ਇਹ 2000 ਵਿਅਕਤੀਆਂ ਦੇ ਇੱਕ ਗਰੁੱਪ ਤੋਂ ਸ਼ੁਰੂ ਕੀਤਾ ਗਿਆ ਹੈ ਜਿਸਦੇ ਵਿੱਚ ਇਹਨਾਂ ਨੂੰ ਦੋ ਸਾਲ ਲਈ ਹਰ ਮਹੀਨੇ 560 ਯੂਰੋ ਦਿੱਤੇ ਜਾਣਗੇ। ਇਸ ਸਮੇ ਦੌਰਾਨ ਵੈਲਫੇਅਰ ਹਾਸਿਲ ਕਰਣ ਵਾਲਿਆਂ ਤੇ ਇਸਦੇ ਅਸਰ ਬਾਰੇ ਰਿਸਰਚ ਕੀਤੀ ਜਾ ਰਹੀ ਹੈ ਕਿ ਇਸਦਾ ਉਹਨਾਂ ਦੇ ਕੰਮ ਕਰਨ ਵਲ ਰਵਈਏ ਤੇ ਕਿ ਅਸਰ ਹੁੰਦਾ ਹੈ।
ਜਾਣਕਾਰਾਂ ਮੁਤਾਬਿਕ, ਫਿੰਡਲੈਂਡ ਵਿੱਚ ਜਾਰੀ ਪ੍ਰਯੋਗ ਨੂੰ ਜੇਕਰ ਓਥੋਂ ਦੇ ਸਾਰੇ ਲੋਕਾਂ ਤੱਕ ਵਧਣਾ ਹੈ ਤਾਂ ਦਿੱਤੀ ਜਾਣ ਵਾਲੀ ਰਕਮ ਨੂੰ 560 ਯੂਰੋ ਤੋਂ ਘਟਾਉਣਾ ਪਵੇਗਾ, ਜੋ ਕਿ ਮੌਜੂਦਾ ਤੌਰ ਤੇ ਓਥੇ ਬੇਰੋਜ਼ਗਾਰੀ ਭੱਤੇ ਦੇ ਬਰਾਬਰ ਹੈ।
ਫੇਸਬੂਕ ਦੇ ਸੰਸਥਾਪਕ ਮਾਰਕ ਜ਼ਕਰਬਰਗ ਅਤੇ ਟੇਸਲਾ ਤੇ ਮੁਖੀ ਏਲੋਨ ਮਸਕ ਇਸ ਦੇ ਵੱਡੇ ਪੈਰੋਕਾਰਾਂ ਵਿੱਚ ਸ਼ਾਮਿਲ ਹਨ। ਇਹ ਮੰਨਦੇ ਹਨ ਕਿ ਯੂਨੀਵਰਸਲ ਬੇਸਿਕ ਇਨਕਮ ਅਜਿਹੇ ਲੋਕਾਂ ਲਈ ਸਹਾਈ ਹੋਵੇਗੀ ਜੋ ਮਸ਼ੀਨਾਂ ਅਤੇ ਰੋਬੋਟ ਕਰਕੇ ਆਪਣਾ ਰੋਜ਼ਗਾਰ ਗੁਆ ਸਕਦੇ ਹਨ।
ਫੈਡਰਲ ਵਿਰੋਧੀ ਧਿਰ ਲੇਬਰ ਦੇ ਆਗੂ ਬਿਲ ਸ਼ੋਰਟਨ ਨੇ ਕਿਹਾ ਕਿ ਲੋਕਾਂ ਨੂੰ ਪੈਨਸ਼ਨ ਦੀ ਲੋੜ ਹੈ ਪਰੰਤੂ ਯੂਨੀਵਰਸਲ ਬੇਸਿਕ ਇਨਕਮ ਬੜੇ ਦੂਰ ਕਿ ਕੌੜੀ ਹੈ।
ਇਸਤੋਂ ਅਲਾਵਾ ਸੈਨੇਟਰ ਦੀ ਨਟਾਲੀ ਨੇ ਇੱਕ ਰਿਜ਼ਰਵ ਬੈਂਕ ਓਫ ਆਸਟ੍ਰੇਲੀਆ ਵੱਲੋਂ ਹੋਮ ਲੋਨ ਦਰਾਂ ਨਿਰਧਾਰਿਤ ਕਰਨ ਅਤੇ ਇੱਕ ਪੀਪਲਜ਼ ਬੈਂਕ ਦਾ ਐਲਾਨ ਕੀਤਾ ਤਾਂ ਜੋ ਹੋਮ ਲੋਨ ਸਸਤੇ ਹੋ ਸਕਣ।
