ਲਿਬਰਲ ਪਾਰਟੀ ਰੀਵਿਊ ਮੁਤਾਬਿਕ ਸਕਾਟ ਮੌਰੀਸਨ ਸੀ ਫੈਡੇਰਲ ਚੋਣਾਂ ਵਿੱਚ ਹਾਰ ਦਾ ਪ੍ਰਮੁੱਖ ਕਾਰਣ

ਲਿਬਰਲ ਪਾਰਟੀ ਵਲੋਂ ਮਈ ਚੋਣਾਂ ਵਿੱਚ ਹੋਈ ਆਪਣੀ ਹਾਰ ਦੀ ਅੰਦਰੂਨੀ ਸਮੀਖਿਆ ਵਿੱਚ ਇਸ ਨਤੀਜੇ ਤੇ ਪਹੁੰਚਿਆ ਗਿਆ ਕਿ ਸਕਾਟ ਮੌਰੀਸਨ ਦੀ ਅਗਵਾਈ ਹੇਠ ਲਿਬਰਲ ਪਾਰਟੀ ਚੀਨੀ-ਆਸਟ੍ਰੇਲੀਅਨ ਭਾਈਚਾਰੇ ਦਾ ਭਰੋਸਾ ਜਿੱਤਣ ਵਿੱਚ ਅਸਫ਼ਲ ਰਹੀ ਜੋ ਪਾਰਟੀ ਦੀ ਹਾਰ ਦਾ ਪ੍ਰਮੁੱਖ ਕਾਰਣ ਬਣਿਆ।

ਇੱਕ ਅੰਦਰੂਨੀ ਸਰਵੇਖਣ ਵਿੱਚ ਕੀਤੀ ਗਈ ਪੜਚੋਲ ਵਿੱਚ ਪਾਇਆ ਗਿਆ ਕਿ ਚੀਨੀ ਪਿਛੋਕੜ ਦੇ ਵੋਟਰਾਂ ਵਿੱਚ ਲਿਬਰਲ ਪਾਰਟੀ ਦੀਆਂ ਨੀਤੀਆਂ ਬਾਰੇ ਬਣਾਈ ਧਾਰਨਾ 2022 ਫ਼ੈਡਰਲ ਚੋਣਾਂ ਵਿੱਚ ਨੁਕਸਾਨਦੇਹ ਸਾਬਿਤ ਹੋਈ।

ਲਿਬਰਲ ਪਾਰਟੀ ਵਲੋਂ ਇੱਕ ਰਿਪੋਰਟ ਵਿੱਚ ਇਹ ਵੀ ਪਾਇਆ ਗਿਆ ਕਿ ਸਾਬਕਾ ਪ੍ਰਧਾਨ ਮੰਤਰੀ ਸਕਾਟ ਮੌਰੀਸਨ ਔਰਤਾਂ ਨਾਲ ਵੀ ਸਾਰਥਕ ਮੁਦਿਆਂ 'ਤੇ ਪ੍ਰਭਾਵੀ ਰਿਸ਼ਤਾ ਬਣਾਉਣ ਵਿੱਚ ਨਾਕਾਮਯਾਬ ਰਹੇ।

ਸਮੀਖਿਆ ਵਿੱਚ ਇਹ ਵੀ ਪਾਇਆ ਗਿਆ ਕਿ ਲਿਬਰਲ ਪਾਰਟੀ ਦੇ ਇਤਿਹਾਸ ਵਿੱਚ ਹੋਈ ਇਹ ਸਭ ਤੋਂ ਮਾੜੀ ਹਾਰ ਵਿੱਚ ਸ਼੍ਰੀ ਮੌਰੀਸਨ ਦੀ ਅਗਵਾਈ ਅਤੇ ਨੀਤੀਆਂ ਪ੍ਰਮੁੱਖ ਕਾਰਣ ਸਨ।