ਪਿਛਲੇ ਦਿਨੀਂ ਆਸਟ੍ਰੇਲੀਅਨ ਕੰਪੀਟੀਸ਼ਨ ਐਂਡ ਕੰਜ਼ਿਊਮਰ ਕਮਿਸ਼ਨ ਵਲੋਂ ਜਾਰੀ ਕੀਤੀ ਗਈ ਚਾਈਲਡ ਕੇਅਰ ਜਾਂਚ ਰਿਪੋਰਟ ਤੋਂ ਇਹ ਪਤਾ ਲੱਗਦਾ ਹੈ ਕਿ ਸਰਕਾਰ ਵਲੋਂ ਪ੍ਰਦਾਨ ਕੀਤੀਆਂ ਜਾ ਰਹੀਆਂ ਸਬਸਿਡੀਆਂ ਕਰਕੇ ਪਰਿਵਾਰਾਂ ਲਈ ਚਾਈਲਡ ਕੇਅਰ ਲਾਗਤਾਂ ਵਿੱਚ ਕਮੀ ਆਈ ਹੈ।
ਪਰ ਇਸ ਰਿਪੋਰਟ ਵਿੱਚ ਇਹ ਵੀ ਪਾਇਆ ਗਿਆ ਕਿ ਬਾਲ ਕੇਂਦਰਾਂ ਤੋਂ ਇਲਾਵਾ ਬਾਲ ਦੇਖ਼ਭਾਲ ਨਾਲ਼ ਜੁੜੀਆਂ ਹੋਰ ਸੇਵਾਵਾਂ ਉੱਤੇ ਮਹਿੰਗਾਈ ਦਰ, ਅਤੇ ਖ਼ਾਸ ਕਰਕੇ ਕਾਮਿਆਂ ਦੀਆਂ ਤਨਖਾਹਾਂ ਵਿੱਚ ਵਾਧਾ, ਹੋਣ ਕਰਕੇ ਲੋਕਾਂ ਨੂੰ ਇਸ ਦਾ ਪੂਰਾ ਲਾਭ ਨਹੀਂ ਪਹੁੰਚ ਸਕਿਆ ਹੈ।
ਇਸ ਨੂੰ ਬਿਹਤਰ ਬਨਾਉਣ ਲਈ ਰਿਪੋਰਟ ਵਿੱਚ ਅੱਠ ਸਿਫ਼ਾਰਸ਼ਾਂ ਕੀਤੀਆਂ ਗਈਆਂ ਹਨ ਜਿਸ ਵਿੱਚ ਚਾਈਲਡ ਕੇਅਰ ਸਬਸਿਡੀ ਵਿੱਚ ਤਬਦੀਲੀਆਂ ਅਤੇ ਪ੍ਰਤੀ ਘੰਟਾ ਦਰ ਉੱਤੇ ਕੈਪ ਲਾਉਣਾ ਸ਼ਾਮਲ ਹਨ।
ਇੱਕ ਅੰਤਰਿਮ ਰਿਪੋਰਟ ਵਿੱਚ ਪਾਇਆ ਗਿਆ ਕਿ ਆਸਟ੍ਰੇਲੀਆ ਵਿੱਚ 2018 ਅਤੇ 2022 ਦਰਮਿਆਨ ਬਾਲ ਦੇਖਭਾਲ ਫੀਸਾਂ ਵਿੱਚ 22.8 ਪ੍ਰਤੀਸ਼ਤ ਦਾ ਵਾਧਾ ਹੋਇਆ ਹੈ ਜੱਦ ਕਿ ਇਸ ਸਮੇਂ ਦੌਰਾਨ ਦੂਜੇ ਵਿਕਸਤ ਦੇਸ਼ਾਂ ਵਿੱਚ ਸਿਰਫ਼ 6.2 ਪ੍ਰਤੀਸ਼ਤ ਦਾ ਵਾਧਾ ਦਰਜ ਕੀਤਾ ਗਿਆ।
