ਈਸਟਰ ਵੀਕੈਂਡ ਤੋਂ ਪਹਿਲਾਂ ਪੈਟਰੋਲ ਦੀਆਂ ਕੀਮਤਾਂ ਵਧਣ ਦੀ ਸੰਭਾਵਨਾ ਜ਼ਾਹਿਰ ਕੀਤੀ ਜਾ ਰਹੀ ਹੈ।
'ਕਮਪੇਰ ਦ ਮਾਰਕੀਟ' ਸੰਸਥਾ ਮੁਤਾਬਕ ਈਸਟਰ ਵੇਲ਼ੇ ਸਕੂਲ ਦੀਆਂ ਛੁੱਟੀਆਂ ਦੇ ਦੌਰਾਨ ਕੀਮਤਾਂ ਦੋ ਡਾਲਰ ਪ੍ਰਤੀ ਲੀਟਰ ਤੋਂ ਉੱਤੇ ਜਾ ਸਕਦੀਆਂ ਹਨ। ਸਿਡਨੀ ਵਿੱਚ ਬਹੁਤ ਥਾਵਾਂ 'ਤੇ ਵਾਹਨ ਚਾਲਕ ਪਹਿਲਾਂ ਹੀ ਦੋ ਡਾਲਰ ਪ੍ਰਤੀ ਲੀਟਰ ਪੈਟਰੋਲ ਦਾ ਭੁਗਤਾਨ ਕਰ ਰਹੇ ਹਨ।
ਇਸ ਤੁਲਨਾ ਵੈਬਸਾਈਟ ਦੇ ਊਰਜਾ ਮਾਹਰ ਕ੍ਰਿਸ ਫੋਰਡ ਨੇ ਕਿਹਾ ਕਿ ਸਿਡਨੀ ਵਿੱਚ ਇਸ ਸਮੇਂ ਵੱਖ-ਵੱਖ ਪੈਟਰੋਲ ਪੰਪਾਂ ਤੇ ਪੈਟਰੋਲ ਦੀ ਕੀਮਤ ਵਿੱਚ 47-ਸੈਂਟਾਂ ਦਾ ਅੰਤਰ ਵੇਖਣ ਨੂੰ ਮਿਲ ਰਿਹਾ ਹੈ।
ਆਸਟ੍ਰੇਲੀਆ ਦੇ ਹੋਰ ਸ਼ਹਿਰਾਂ ਵਿੱਚ ਔਸਤ ਕੀਮਤਾਂ ਸਿਡਨੀ ਨਾਲੋਂ ਵਧੇਰੇ ਵਾਜਬ ਹਨ। ਮੈਲਬੌਰਨ ਵਿੱਚ ਔਸਤ ਕੀਮਤ ਤਕਰੀਬਨ 1.78 ਡਾਲਰ ਪ੍ਰਤੀ ਲੀਟਰ ਹੈ ਅਤੇ ਬ੍ਰਿਸਬੇਨ ਵਿੱਚ ਔਸਤ ਪੈਟਰੋਲ ਦੀ ਕੀਮਤ ਤਕਰੀਬਨ 1.79 ਡਾਲਰ ਪ੍ਰਤੀ ਲੀਟਰ ਹੈ।
ਪਿਛਲੇ ਪੰਦਰਾਂ ਦਿਨਾਂ ਵਿੱਚ ਪੈਟਰੋਲ ਦੀਆਂ ਥੋਕ ਦੀਆਂ ਕੀਮਤਾਂ ਵਿੱਚ ਛੇ ਸੈਂਟਾ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ ਜਿਸ ਨਾਲ਼ ਇਹ ਕੀਮਤ ਡਿੱਗ ਕੇ 1.69 ਡਾਲਰ ਪ੍ਰਤੀ ਲੀਟਰ ਹੋ ਗਈ ਹੈ।
