ਪਾਕਿਸਤਾਨ ਵਿੱਚ ਹੜਾਂ ਕਾਰਨ 1,100 ਤੋਂ ਵੱਧ ਲੋਕ ਹੁਣ ਤਕ ਆਪਣੀ ਜਾਨ ਗੁਆ ਚੁੱਕੇ ਹਨ ਜਿਸ ਵਿੱਚ ਬੱਚਿਆਂ ਦੀ ਗਿਣਤੀ 348 ਦਸੀ ਜਾ ਰਹੀ ਹੈ।
ਪ੍ਰਭਾਵਿਤ ਲੋਕਾਂ ਨੂੰ ਭੋਜਨ, ਪਾਣੀ ਅਤੇ ਸਹਾਇਤਾ ਦੀ ਇਸ ਵਕ਼ਤ ਸਖ਼ਤ ਲੋੜ ਹੈ। ਟੈਂਟ, ਪੈਕਡ ਭੋਜਨ, ਪਾਣੀ ਦੀਆਂ ਬੋਤਲਾਂ, ਕੰਬਲ, ਦਵਾਈਆਂ, ਚਾਦਰਾਂ ਅਤੇ ਗਦਿਆਂ ਨੂੰ ਲੋੜ ਦੀਆਂ ਸਭ ਤੋਂ ਅਹਿਮ ਵਸਤਾਂ ਦਸਿਆ ਜਾ ਰਿਹਾ ਹੈ।
ਪਾਕਿਸਤਾਨ ਐਸੋਸੀਏਸ਼ਨ ਆਫ਼ ਆਸਟ੍ਰੇਲੀਆ ਅਤੇ ਕ੍ਰੇਸੈਂਟ ਰਿਲੀਫ਼ ਆਸਟ੍ਰੇਲੀਆ ਵਰਗੇ ਸਮੂਹ ਪੀੜਤ ਲੋਕਾਂ ਦੀ ਸਹਾਇਤਾ ਕਰਨ ਵਿੱਚ ਇਸ ਵੇਲ਼ੇ ਸਰਗਰਮ ਹਨ।
ਪਾਕਿਸਤਾਨ ਕ੍ਰਿਕਟ ਬੋਰਡ (ਪੀਸੀਬੀ) ਨੇ ਵੀ ਐਲਾਨ ਕੀਤਾ ਹੈ ਕਿ ਪ੍ਰਭਾਵਿਤ ਲੋਕਾਂ ਦੀ ਮਦਦ ਲਈ ਇੰਗਲੈਂਡ ਵਿਰੁਧ ਕਰਾਚੀ ਵਿੱਚ ਖੇਡੇ ਜਾਣ ਵਾਲ਼ੇ ਅੰਤਰਾਸ਼ਟਰੀ ਟੀ-20 ਕ੍ਰਿਕਟ ਮੈਚ ਦੀ ਗੇਟ ਫੀਸ ਵੀ ਪ੍ਰਧਾਨ ਮੰਤਰੀ ਹੜ੍ਹ ਰਾਹਤ ਫੰਡ ਵਿੱਚ ਦਾਨ ਕੀਤੀ ਜਾਵੇਗੀ।
ਪੀਸੀਬੀ ਦੇ ਚੇਅਰਮੈਨ ਰਮੀਜ਼ ਰਾਜਾ ਨੇ ਕਿਹਾ ਕਿ, "ਦਰਸ਼ਕਾਂ ਨੂੰ ਵੱਡੀ ਗਿਣਤੀ ਵਿੱਚ ਪਹਿਲੇ ਟੀ-20 ਲਈ ਟਿਕਟਾਂ ਖਰੀਦ ਕੇ ਇਸ ਪਹਿਲਕਦਮੀ ਵਿੱਚ ਹਿੱਸਾ ਲੈਣਾ ਚਾਹਿਦਾ ਹੈ ਤਾਂ ਕਿ ਪ੍ਰਭਾਵਿਤ ਲੋਕਾਂ ਲਈ ਵੱਧ ਤੋਂ ਵੱਧ ਰਕਮ ਕੱਠੀ ਕੀਤੀ ਜਾ ਸਕੇ।"
