'ਐਂਗਲਿਕੇਅਰ' ਨਾਮਕ ਸੰਸਥਾ ਦੇ ਮੁਖੀ ਨੇ ਐਸ ਬੀ ਐਸ ਨਿਊਜ਼ ਨੂੰ ਦੱਸਿਆ ਕਿ ਐਂਟਰੀ-ਪੱਧਰ ਦੀਆਂ ਨੌਕਰੀਆਂ ਵਿਚ ਬਹੁਤ ਕਮੀ ਦੇਖਣ ਨੂੰ ਮਿਲ ਰਹੀ ਹੈ ਜਿਸ ਕਾਰਣ ਯੋਗਤਾ ਜਾਂ ਤਜਰਬੇ ਤੋਂ ਬਿਨਾਂ ਰੋਜ਼ਗਾਰ ਲੱਭਣਾ ਬਹੁਤ ਮੁਸ਼ਕਿਲ ਹੁੰਦਾ ਜਾ ਰਿਹਾ ਹੈ।
ਪਿਛਲੇ ਸਾਲ ਹਰ ਐਂਟਰੀ-ਪੱਧਰ ਦੀ ਭੂਮਿਕਾ ਲਈ 15 ਨੌਕਰੀ ਲੱਭਣ ਵਾਲੇ ਹੁੰਦੇ ਸਨ ਪਰ ਇਸ ਰਿਪੋਰਟ ਮੁਤਾਬਕ ਇਸ ਵੇਲ਼ੇ ਆਸਟ੍ਰੇਲੀਆ ਵਿੱਚ ਇਸ ਤਰ੍ਹਾਂ ਦੀ ਖਾਲੀ ਥਾਂ ਲਈ 26 ਨੌਕਰੀ ਲੱਭਣ ਵਾਲੇ ਹਨ।
“ ਸਾਡਾ ‘ਨੌਕਰੀਆਂ ਉਪਲਬਧਤਾ ਸਨੈਪਸ਼ਾਟ’ ਦਿਖਾਉਂਦਾ ਹੈ ਕਿ ਮੌਜੂਦਾ ਹਲਾਤਾਂ ਵਿੱਚ ਲਗਭਗ 560,000 ਆਸਟ੍ਰੇਲੀਅਨ ਕੰਮ ਦੀ ਭਾਲ ਕਰ ਰਹੇ ਹਨ,” ਐਂਗਲਿਕੇਅਰ ਦੇ ਕਾਰਜਕਾਰੀ ਨਿਰਦੇਸ਼ਕ ਕੈਸੀ ਚੈਂਬਰਜ਼ ਨੇ ਕਿਹਾ।
ਇਹ 'ਸਨੈਪਸ਼ਾਟ' ਮਾਪਦਾ ਹੈ ਕਿ ਉਨ੍ਹਾਂ ਲੋਕਾਂ ਲਈ ਕਿੰਨੀਆਂ ਨੌਕਰੀਆਂ ਉਪਲਬਧ ਹਨ ਜਿਨ੍ਹਾਂ ਕੋਲ ਯੋਗਤਾਵਾਂ ਜਾਂ ਕੰਮ ਦਾ ਤਜਰਬਾ ਨਹੀਂ ਹੈ।
Share
