ਸੰਯੁਕਤ ਰਾਸ਼ਟਰ ਦਾ ਅਨੁਮਾਨ ਹੈ ਕਿ 1 ਜੁਲਾਈ 2023 ਤੱਕ ਭਾਰਤ ਦੀ ਆਬਾਦੀ 1.429 ਬਿਲੀਅਨ ਹੋ ਜਾਵੇਗੀ ਜਦ ਕਿ ਚੀਨ ਦੀ ਆਬਾਦੀ ਉਸ ਵੇਲ਼ੇ 1.426 ਬਿਲੀਅਨ ਹੋਣ ਦੀ ਉਮੀਦ ਹੈ।
ਚੀਨ ਨੇ 1980 ਦੇ ਦਹਾਕੇ ਤੋਂ ਆਪਣੀ ਆਬਾਦੀ ਦੇ ਵਾਧੇ ਨੂੰ ਘਟਾਉਣ ਲਈ ਆਪਣੇ ਲੋਕਾਂ 'ਤੇ ਕਈ ਸਖ਼ਤ ਕਾਨੂੰਨ ਲਾਗੂ ਕੀਤੇ ਜਿਸ ਵਿਚ ਇੱਕ ਪਰਿਵਾਰ - ਇਕ ਬੱਚਾ ਨੀਤੀ ਸ਼ਾਮਲ ਸੀ। ਦੂਜੇ ਪਾਸੇ ਭਾਰਤ ਨੇ ਵੀ ਆਬਾਦੀ ਉਤੇ ਕਾਬੂ ਰੱਖਣ ਲਈ ਕਈ ਪਰਿਵਾਰ ਨਿਯੋਜਨ ਮੁਹਿੰਮਾਂ ਚਲਾਈਆਂ, ਪਰ ਆਬਾਦੀ ਦੇ ਵਾਧੇ ਉਤੇ ਨਿਯੰਤਰਣ ਪਾਉਣ ਵਿਚ ਚੀਨ ਦੀਆਂ ਨੀਤੀਆਂ ਵਧੇਰੇ ਕਾਮਯਾਬ ਰਹਿਆਂ।
ਸਭ ਤੋਂ ਵੱਧ ਜਨਸੰਖਿਆ ਵਾਲਾ ਦੇਸ਼ ਕਹਾਉਣ ਨਾਲ਼ ਜੁੜਿਆਂ ਦਰਪੇਸ਼ ਚੁਣੌਤੀਆਂ ਤੋਂ ਇਲਾਵਾ ਦੁਨੀਆ ਵਿਚ ਭਾਰਤ ਨੂੰ ਹੁਣ ਇਕ ਸ਼ਕਤੀਸ਼ਾਲੀ ਦੇਸ਼ ਵਜੋਂ ਦੇਖਿਆ ਜਾਵੇਗਾ ਅਤੇ ਸੰਯੁਕਤ ਰਾਸ਼ਟਰ ਸੁਰੱਖਿਆ ਪ੍ਰੀਸ਼ਦ ਦੀ ਸਥਾਈ ਸੀਟ ਪ੍ਰਾਪਤ ਕਰਨ ਵਿਚ ਵੀ ਭਾਰਤ ਦਾ ਕੇਸ ਮਜ਼ਬੂਤ ਹੋਵੇਗਾ।
ਆਬਾਦੀ ਦੇ ਇਸ ਵਾਧੇ ਕਾਰਨ ਭਾਰਤ ਨੂੰ ਇਕ ਹੋਰ ਲਾਭ ਵੀ ਹੋਇਆ ਹੈ। ਇਸ ਕੋਲ ਇਸ ਵੇਲੇ ਵਡੇ ਪੱਧਰ ਤੇ ਨੌਜਵਾਨ ਕਾਰਜਬਲ ਉਪਲਬਧ ਹੈ ਜਿਸ ਕਾਰਨ ਭਾਰਤ ਨੂੰ ਦੁਨੀਆ ਦੀ ਸਭ ਤੋਂ ਤੇਜ਼ੀ ਨਾਲ ਵਧ ਰਹੀ ਅਰਥਵਿਵਸਥਾ ਬਣਨ ਵਿਚ ਵੀ ਕਾਮਯਾਬੀ ਮਿਲ਼ੀ ਹੈ।
