'ਫਰੋਜ਼ਨ' ਆਲੂ ਚਿਪਸ ਦੀ ਆਸਟ੍ਰੇਲੀਆ-ਵਿਆਪੀ ਘਾਟ ਨੇ ਕੁਝ ਕੈਫੇ ਅਤੇ ਰੈਸਟੋਰੈਂਟ ਮਾਲਕਾਂ ਨੂੰ ਆਲੂ ਦੇ ਚਿਪਸ ਨੂੰ ਅਸਥਾਈ ਤੌਰ 'ਤੇ 'ਸਵੀਟ ਪੋਟੈਟੋ' ਨਾਲ ਬਦਲਣ 'ਤੇ ਮਜਬੂਰ ਕਰ ਦਿੱਤਾ ਹੈ। ਕਈਆਂ ਨੇ ਤਾਂ ਚਿਪਸ ਨੂੰ ਪੂਰੀ ਤਰ੍ਹਾਂ 'ਮੈਨਯੂ' ਤੋਂ ਹਟਾਉਣਾ ਵੀ ਸ਼ੁਰੂ ਕਰ ਦਿੱਤਾ ਹੈ।
ਪਿਛਲੇ ਸਾਲ ਆਏ ਹੜ੍ਹਾਂ ਅਤੇ ਲਗਾਤਾਰ ਗਿੱਲੇ ਮੌਸਮ ਨੇ ਆਸਟ੍ਰੇਲੀਆ ਵਿੱਚ ਆਲੂ ਦੀ ਪੈਦਾਵਾਰ ਨੂੰ ਬਹੁਤ ਪ੍ਰਭਾਵਿਤ ਕੀਤਾ ਹੈ।
ਇਸ ਕਮੀ ਨੂੰ ਨਜਿੱਠਣ ਲਈ 'ਕੋਲਸ' ਸੁਪਰਮਾਰਕੀਟ ਨੂੰ ਕ੍ਰਿਸਮਸ ਤੋਂ ਪਹਿਲਾਂ 'ਫਰੋਜ਼ਨ' ਆਲੂ ਦੀ ਖਰੀਦ ਉੱਤੇ ਪਬੰਦੀ ਵੀ ਲਾਉਣੀ ਪਈ। ਜਦਕਿ ਤਾਜ਼ੇ ਆਲੂਆਂ ਦੀ ਖਰੀਦ 'ਤੇ ਫਿਲਹਾਲ ਕੋਈ ਪਬੰਦੀ ਨਹੀਂ ਹੈ।
ਵਿਕਟੋਰੀਅਨ ਫਾਰਮਰਜ਼ ਫੈਡਰੇਸ਼ਨ ਦੀ ਉਪ ਪ੍ਰਧਾਨ ਕੈਥਰੀਨ ਮਾਇਰਸ ਨੇ ਐਸ ਬੀ ਐਸ ਨਿਊਜ਼ ਨੂੰ ਦੱਸਿਆ ਕਿ 'ਫਰੋਜ਼ਨ ਚਿਪਸ' ਦੀ ਘਾਟ ਇਹ ਪੂਰਾ ਸਾਲ ਜਾਰੀ ਰਹਿ ਸਕਦੀ ਹੈ।
Share
