ਆਪਣੇ ਨਵੇਂ ਜੰਮੇ ਬੱਚੇ ਨਾਲ਼ ਆਪਣੀ ਜ਼ਿੰਦਗੀ ਦਾ ਸਭ ਤੋਂ ਅਹਿਮ ਸਮਾਂ ਬਿਤਾਉਣ ਲਈ ਸਿਲਵੀਆ ਨਾਗਪਾਲ ਨੇ ਇੱਕ ਸਾਲ ਦੀ 'ਪੇਰੈਂਟਲ ਲੀਵ' ਲੈਣ ਦਾ ਫੈਸਲਾ ਕੀਤਾ। ਇਸ ਵਿੱਚੋਂ ਫੈਡਰਲ ਸਰਕਾਰ ਵਲੋਂ ਕੇਵਲ 18 ਹਫ਼ਤਿਆਂ ਦੀ ਛੁਟੀ ਹੀ ਤਨਖ਼ਾਹ-ਸਹਿਤ ਦਿਤੀ ਗਈ ਜਿਸ ਕਾਰਨ ਸ਼੍ਰੀਮਤੀ ਨਾਗਪਾਲ ਘਰੇਲੂ ਆਮਦਨ ਵਿੱਚ ਕੋਈ ਆਰਥਿਕ ਯੋਗਦਾਨ ਪਾਉਣ ਵਿੱਚ ਅਸਮਰੱਥ ਰਹੇ।
ਫੈਡਰਲ ਕਾਨੂੰਨਾਂ ਦੇ ਤਹਿਤ ਆਸਟ੍ਰੇਲੀਆ ਵਿੱਚ ਨਵੇਂ ਮਾਪੇ 20 ਹਫ਼ਤਿਆਂ ਦੀ 'ਪੇਡ ਪੇਰੈਂਟਲ ਲੀਵ' ਦੇ ਹੱਕਦਾਰ ਹਨ।
ਉਸ ਛੁੱਟੀ ਵਿੱਚੋਂ ਬੱਚੇ ਦੀ ਪਰਵਰਿਸ਼ ਕਰਨ ਵਿੱਚ ਜੋ ਮਾਪਿਆਂ ਵਿਚੋਂ ਮੁੱਖ ਤੌਰ ਉੱਤੇ ਆਪਣਾ ਯੋਗਦਾਨ ਪਾ ਰਿਹਾ ਹੋਵੇ ਉਸਨੂੰ 'ਪ੍ਰਾਇਮਰੀ' ਦੇਖਭਾਲ ਕਰਨ ਵਾਲਾ ਮੰਨਕੇ 18 ਹਫ਼ਤਿਆਂ ਦੀ 'ਪੇਰੈਂਟਲ ਲੀਵ' ਮਿਲਦੀ ਹੈ - ਜੋਕਿ ਜ਼ਿਆਦਾਤਰ ਮਾਮਲਿਆਂ ਵਿੱਚ ਮਾਂ ਹੁੰਦੀ ਹੈ। ਬਾਕੀ ਦੋ ਹਫ਼ਤਿਆਂ ਦੀ ਛੁੱਟੀ 'ਗੈਰ-ਪ੍ਰਾਇਮਰੀ' ਦੇਖਭਾਲ ਕਰਨ ਵਾਲੇ - ਜੋ ਜ਼ਿਆਦਾਤਰ ਮਾਮਲਿਆਂ ਵਿੱਚ ਪਿਤਾ ਹੁੰਦਾ ਹੈ - ਲਈ ਦਿੱਤੀ ਜਾਂਦੀ ਹੈ।
ਓਈਸੀਡੀ ਮੁਲਕਾਂ ਵਿੱਚ ਉਹ ਮਾਪੇ, ਜੋ ਮੁੱਖ ਤੌਰ ਉੱਤੇ ਬੱਚੇ ਦੀ ਦੇਖਭਾਲ ਨਹੀਂ ਕਰ ਰਹੇ, ਤਨਖ਼ਾਹ ਸਹਿਤ 8.7 ਹਫ਼ਤਿਆਂ ਦੀ ਛੁੱਟੀ ਲੈ ਸਕਦੇ ਹਨ।
ਹੋਰ ਮੁਲਕਾਂ ਦੇ ਵੇਰਵੇ ਇਹਨਾਂ ਤਸਵੀਰਾਂ ਵਿੱਚੋਂ ਲਏ ਜਾ ਸਕਦੇ ਹਨ।
ਐਸ ਬੀ ਐਸ ਨਿਊਜ਼ ਨੂੰ ਦਿੱਤੇ ਇੱਕ ਬਿਆਨ ਵਿੱਚ ਸਮਾਜਿਕ ਸੇਵਾਵਾਂ ਬਾਰੇ ਮੰਤਰੀ, ਅਮਾਂਡਾ ਰਿਸ਼ਵਰਥ ਨੇ ਕਿਹਾ ਕਿ "ਸਰਕਾਰ ਇੱਕ 'ਪੇਡ ਪੇਰੈਂਟਲ ਲੀਵ 'ਸਕੀਮ ਲਈ ਵਚਨਬੱਧ ਹੈ ਜੋ ਕੰਮ ਕਰਨ ਵਾਲੇ ਮਾਪਿਆਂ ਲਈ ਮਹਤਵਪੂਰਣ ਅਤੇ ਢੁਕਵਾਂ ਵਿਕਲਪ ਉਪਲਬਧ ਕਰਾਏਗੀ।
For more details read this story in English
ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਐਸ ਬੀ ਐਸ ਪੰਜਾਬੀ ਦਾ ਪ੍ਰੋਗਰਾਮ ਸੁਣੋ ਅਤੇ ਸਾਨੂੰ ਫੇਸਬੁੱਕ ਉੱਤੇ ਵੀ ਫਾਲੋ ਕਰੋ।
