ਏ ਟੀ ਓ ਵਿਭਾਗ ਵੱਲੋਂ ਪ੍ਰਵਾਸੀਆਂ ਦੇ ਟੈਕਸ ਤੇ ਸੁਪਰਏਨੂੰਏਸ਼ਨ ਬਾਰੇ ਅਹਿਮ ਜਾਣਕਾਰੀ ਦੀ ਪੜਤਾਲ ਕੀਤੀ ਜਾ ਰਹੀ ਹੈ।
ਕੀਤੇ ਜਾ ਰਹੇ ਆਡਿਟ ਵਿਚ ਉਹ ਲੋਕ ਸ਼ਾਮਿਲ ਹੋਣਗੇ ਜਿੰਨਾ ਨੂੰ ੧ ਜੁਲਾਈ ੨੦੧੭ ਤੋਂ ੨੦ ਜੂਨ ੨੦੨੦ ਦੇ ਵਿਚਕਾਰ ਵੀਜ਼ਾ ਲੱਗਿਆ ਸੀ।
ਏ ਟੀ ਓ ਅਨੁਸਾਰ ਇਹ ਆਡਿਟ ਉਹਨਾਂ ਦੇ ਪਹਿਲਾਂ ਤੋਂ ਚੱਲੇ ਆਉਂਦੇ ਮਾਡਲ ਵਿਚ ਤਰੁਟੀਆਂ ਲੱਭਣ ਲਈ ਕੀਤਾ ਜਾ ਰਿਹਾ ਹੈ।
ਇਹ ਪੜਤਾਲ ਕਰ-ਦਾਤਾ ਦੁਆਰਾ ਦਿੱਤੇ ਕਰ ਅਤੇ ਸੁਪਰਏਨੂੰਏਸ਼ਨ ਬਾਰੇ ਜਾਣਕਾਰੀ ਇਕੱਠੀ ਕਰਕੇ ਸਿਸਟਮ ਨੂੰ ਹੋਰ ਸੁਚਾਰੂ ਬਣਾਉਣ ਵਿਚ ਮਦਦ ਕਰੇਗਾ।
ਇਸਦੇ ਚਲਦਿਆਂ ਉਹ ਪ੍ਰਵਾਸੀ ਜੋ ਆਪਣਾ ਸੁਪਰਏਨੂੰਏਸ਼ਨ ਲਏ ਬਿਨਾ ਹੀ ਵਤਨ ਵਾਪਿਸ ਮੁੜ ਗਏ ਸਨ, ਇਸ ਰਾਸ਼ੀ ਤੇ ਹੁਣ ਆਪਣਾ ਹੱਕ ਜਤਾ ਸਕਣਗੇ।
ਆਡਿਟ ਵਿਚ ਵੀਜ਼ਾ ਸਪੋਂਸਰਜ਼ ਅਤੇ ਮਾਈਗ੍ਰੇਸ਼ਨ ਮਾਹਿਰਾਂ ਦੇ ਇਸ ਸਬੰਧੀ ਦਿੱਤੇ ਸਹਿਯੋਗ ਬਾਰੇ ਵੀ ਪੜਤਾਲ ਹੋਵੇਗੀ।
Follow SBS Punjabi on Facebook and Twitter.
Share
