ਕਥਿਤ ਤੌਰ 'ਤੇ ਆਨਲਾਈਨ ਨਸ਼ੇ ਵੇਚਣ ਦੇ ਦੋਸ਼ਾਂ ਤਹਿਤ ਪੁਲਿਸ ਨੇ ਭਾਰਤੀ ਖਿੱਤੇ ਦੇ ਤਿੰਨ ਨੌਜਵਾਨਾਂ ਨੂੰ ਕੀਤਾ ਚਾਰਜ

ਨਿਊ ਸਾਊਥ ਵੇਲਸ ਦੀ ਸਾਈਬਰ ਕ੍ਰਾਈਮ ਯੂਨਿਟ ਨੇ ਸਿਡਨੀ ਦੇ ਬੈਲਾ ਵਿਸਟਾ ਇਲਾਕੇ ਤੋਂ ਤਿੰਨ ਭਾਰਤੀ ਮੂਲ ਦੇ ਨੌਜਵਾਨਾਂ ਨੂੰ 'ਡਾਰਕਨੈਟ' ਆਨਲਾਈਨ ਮਾਰਕੀਟਪਲੇਸ ਉੱਤੇ ਕਥਿਤ ਤੌਰ 'ਤੇ ਨਸ਼ੇ ਵੇਚਣ ਦੇ ਦੋਸ਼ਾਂ ਅਧੀਨ ਗ੍ਰਿਫਤਾਰ ਕੀਤਾ ਹੈ।

Cybercrime Squad detectives have charged three men for their alleged involvement selling prohibited drugs on the Darknet under Strike Force Cyans. Credit: NSW police

ਨਿਊ ਸਾਊਥ ਵੇਲਜ਼ ਪੁਲਿਸ ਦੀ ਸਾਈਬਰ ਕਰਾਈਮ ਯੂਨਿਟ ਵਲੋਂ ਕਥਿਤ ਤੌਰ 'ਤੇ ਆਨਲਾਈਨ ਨਸ਼ੇ ਵੇਚਣ ਦੇ ਦੋਸ਼ਾਂ ਤਹਿਤ ਸਿਡਨੀ ਦੇ ਬੈਲਾਵਿਸਟਾ ਸਬਰਬ ਤੋਂ ਤਿੰਨ ਨੌਜਵਾਨਾਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ, ਜਿਹਨਾਂ ਵਿੱਚੋਂ ਦੋ ਦੀ ਉਮਰ 25 ਸਾਲ ਅਤੇ ਇੱਕ ਦੀ 27 ਸਾਲ ਹੈ।

ਵੀਰਵਾਰ 4 ਅਪ੍ਰੈਲ ਨੂੰ ਸਿਡਨੀ ਦੇ ਪੱਛਮੀ ਇਲਾਕੇ ਬੈਲਾਵਿਸਟਾ ਤੋਂ ਕੀਤੀ ਗਿਰਫ਼ਤਾਰੀ ਤੋਂ ਬਾਅਦ ਇਹਨਾਂ ਤਿੰਨਾਂ ਨੂੰ ਰਿਵਰਸਟਨ ਪੁਲਿਸ ਸਟੇਸ਼ਨ ਲਿਜਾਇਆ ਗਿਆ।

ਇਸ ਤੋਂ ਬਾਅਦ ਪੁਲਿਸ ਨੇ ਸਿਡਨੀ ਦੇ ਟੂੰਗੈਬੀ, ਬੈਲਾਵਿਸਟਾ ਅਤੇ ਗਲੈਨਵੁ‌ਡ ਸਬਰਬਾਂ ਦੇ ਘਰਾਂ ਵਿੱਚ ਛਾਪੇ ਮਾਰਦੇ ਹੋਏ ਨਜਾਇਜ਼ ਨਸ਼ੇ, ਇੱਕ ਕਾਰ, ਕ੍ਰਿਪਟੋਕਰੰਸੀ ਅਤੇ ਕੁਝ ਇਲੈਕਟ੍ਰੋਨਿਕਸ ਦੀਆਂ ਵਸਤਾਂ ਕਬਜ਼ੇ ਵਿੱਚ ਲਈਆਂ।

Following extensive inquiries, strike force detectives arrested three men in a vehicle on Francesco Drive in Bella Vista. Credit: NSW Police

ਪੁਲਿਸ ਵੱਲੋਂ ਕਥਿਤ ਤੌਰ 'ਤੇ ਦੋਸ਼ ਲਾਇਆ ਗਿਆ ਹੈ ਕਿ ਭਾਰਤੀ ਖਿੱਤੇ ਨਾਲ ਸੰਬੰਧਿਤ ਇਹ ਤਿੰਨੋ ਨੌਜਵਾਨ 2023 ਤੋਂ ਆਨਲਾਈਨ ਨਸ਼ੇ ਵੇਚ ਰਹੇ ਸਨ ਅਤੇ ਬਦਲੇ ਵਿੱਚ ਕ੍ਰਿਪਟੋ ਕਰੰਸੀ ਪ੍ਰਾਪਤ ਕਰ ਰਹੇ ਸਨ।

ਪੁਲਿਸ ਵਲੋਂ ਜਾਰੀ ਮੀਡੀਆ ਰਿਪੋਰਟ ਅਨੁਸਾਰ ਅਨੁਸਾਰ ਬਲੈਕਟਾਊਨ ਅਦਾਲਤ ਵਲੋਂ ਇਹਨਾਂ ਦੀ ਜ਼ਮਾਨਤ ਰੱਦ ਕਰ ਦਿੱਤੀ ਗਈ ਹੈ।

Police released a media report Credit: NSW Police

ਸਾਈਬਰ ਕਰਾਈਮ ਦੇ ਕਮਾਂਡਰ ਮੈਥਿਊ ਕਰਾਫਟ ਨੇ ਕਿਹਾ ਕਿ ਬੇਸ਼ੱਕ 'ਡਾਰਕਨੈਟ' ਪੁਲਿਸ ਵਾਸਤੇ ਇੱਕ ਨਵੀਂ ਚੁਣੌਤੀ ਪੈਦਾ ਕਰ ਰਿਹਾ ਹੈ, ਪਰ ਇਸ ਨਾਲ ਨਿਪਟਣ ਵਾਸਤੇ ਪੁਲਿਸ ਹੁਣ ਪੂਰੀ ਤਰ੍ਹਾਂ ਸਮਰੱਥ ਹੋ ਚੁੱਕੀ ਹੈ।

ਕਮਾਂਡਰ ਕਰਾਫਟ ਅਨੁਸਾਰ, "ਡਾਰਕਨੈਟ ਉੱਤੇ ਨਸ਼ੇ ਅਤੇ ਹਥਿਆਰਾਂ ਵਰਗੀਆਂ ਹੋਰ ਗੈਰ ਕਾਨੂੰਨੀ ਵਸਤਾਂ ਨੂੰ ਵੇਚਣ ਸਮੇਂ ਆਪਣੀ ਪਹਿਚਾਣ ਨੂੰ ਪੁਲਿਸ ਕੋਲੋਂ ਛੁਪਾਉਣਾ ਹੁਣ ਸੰਭਵ ਨਹੀਂ ਰਿਹਾ।"

ਵਧੇਰੇ ਵੇਰਵਿਆਂ ਦੀ ਉਡੀਕ ਕੀਤੀ ਜਾ ਰਹੀ ਹੈ।

ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ ਸਾਡਾ ਪੰਜਾਬੀ ਪ੍ਰੋਗਾਮ ਪੌਪ ਦੇਸੀ  ਤੇ ਸੁਣੋ। ਸਾਨੂੰ  ਫੇਸਬੁੱਕ ਤੇ ਟਵਿੱਟਰ ਉੱਤੇ ਵੀ ਫਾਲੋ ਕਰੋ।