ਵਿਕਟੋਰੀਆ ਦੀ ਊਰਜਾ, ਵਾਤਾਵਰਣ ਅਤੇ ਜਲਵਾਯੂ ਪਰਿਵਰਤਨ ਮੰਤਰੀ ਲਿਲੀ ਡੀ ਅਮਬਰੋਸੀਓ ਨੇ ਸ਼ਨੀਵਾਰ ਨੂੰ ਐਲਾਨ ਕੀਤਾ ਕਿ 2023 ਤੱਕ ਕੁੱਝ ਖ਼ਾਸ ਇਕਲੌਤੀ ਵਰਤੋਂ ਵਾਲੀ ਪਲਾਸਟਿਕ ਸਮਗ੍ਰੀ ਜਿਵੇਂ ਕਿ ਸਟ੍ਰਾਅ, ਪਲੇਟਾਂ ਅਤੇ ਪੌਲੀਸਟੀਰੀਨ ਦੇ ਡੱਬੇ ਅਤੇ ਕੱਪ 'ਤੇ ਪਾਬੰਦੀ ਲਗਾਈ ਜਾਏਗੀ।
ਹਰ ਵਿਕਟੋਰੀਅਨ ਪ੍ਰਤੀ ਸਾਲ ਲਗਭਗ 68 ਕਿਲੋਗ੍ਰਾਮ ਪਲਾਸਟਿਕ ਬਰਬਾਦ ਕਰਦਾ ਹੈ ਜਿਸਦਾ ਮਾੜਾ ਨਤੀਜਾ ਵਾਤਾਵਰਣ ਨੂੰ ਭੁਗਤਣਾ ਪੈਂਦਾ ਹੈ। ਮਿਸ ਅਮਬਰੋਸੀਓ ਨੇ ਕਿਹਾ ਕਿ ਪਲਾਸਟਿਕ ਸਮਗ੍ਰੀ 'ਤੇ ਪਾਬੰਦੀ ਲਗਾਉਣਾ ਵਾਤਾਵਰਣ ਨੂੰ ਬਚਾਉਣ ਵਿੱਚ ਇੱਕ ਅਹਿਮ ਕਦਮ ਹੈ।
ਪਾਬੰਦੀ ਦੇ ਦਾਇਰੇ ਵਿੱਚ ਡਾਕਟਰੀ ਜਾਂ ਵਿਗਿਆਨਕ ਉਪਕਰਣ ਸ਼ਾਮਲ ਨਹੀਂ ਹੋਣਗੇ ਅਤੇ ਲੋੜਵੰਦ ਐਮਰਜੈਂਸੀ, ਅਪੰਗਤਾ ਅਤੇ ਬਜ਼ੁਰਗ ਦੇਖਭਾਲ ਸੇਵਾਵਾਂ ਨੂੰ ਲੋੜ ਮੁਤਾਬਿਕ ਛੋਟਾਂ ਦਿੱਤੀਆਂ ਜਾਣਗੀਆਂ।
ਮਿਸ ਅਮਬਰੋਸੀਓ ਨੇ ਕਿਹਾ ਕਿ ਇਸ ਦੌਰਾਨ ਆਉਣ ਵਾਲ਼ੀ ਲਾਗਤ ਦੇ ਬਾਵਜੂਦ ਵੀ ਵਿਕਟੋਰੀਅਨ ਲੋਕ ਇਹ ਤਬਦੀਲੀ ਚਾਹੁੰਦੇ ਹਨ।
ਐਸ ਬੀ ਐਸ ਪੰਜਾਬੀ ਦੀ ਵੈਬਸਾਈਟ ਨੂੰ ਬੁੱਕਮਾਰਕ ਕਰੋ ਅਤੇ ਐਸ ਬੀ ਐਸ ਰੇਡੀਓ ਐਪ ਲਈ ਐਪ ਸਟੋਰ ਉੱਤੇ ਜਾਓ।
ਐਸ ਬੀ ਐਸ ਪੰਜਾਬੀ ਸੋਮਵਾਰ ਤੋਂ ਸ਼ੁੱਕਰਵਾਰ ਰਾਤ 9 ਵਜੇ ਸੁਣਿਆ ਜਾ ਸਕਦਾ ਹੈ।
