ਸ਼ੈਪਰਟਨ ਹਾਦਸੇ ਦੇ ਕੁਝ ਦਿਨ ਬਾਅਦ, ਜਿਸ ਵਿੱਚ ਭਾਰਤੀ ਮੂਲ ਦੇ ਚਾਰ ਵਿਅਕਤੀਆਂ ਦੀ ਮੌਤ ਹੋ ਗਈ ਸੀ, ਇੱਕ ਹੋਰ ਦੁਖਾਂਤ ਕਾਰਨ ਭਾਈਚਾਰੇ ਵਿੱਚ ਸੋਗ ਦੀ ਲਹਿਰ ਹੈ। ਇੱਕ 21-ਸਾਲਾ ਪੰਜਾਬੀ ਨੌਜਵਾਨ ਦੀ 10 ਜਨਵਰੀ ਨੂੰ ਕੈਨਬਰਾ ਵਿਚ ਹੋਏ ਭਿਆਨਕ ਕਾਰ ਹਾਦਸੇ ਵਿੱਚ ਮੌਤ ਹੋ ਗਈ ਹੈ।
ਪੰਜਾਬ ਦੇ ਫਿਰੋਜ਼ਪੁਰ ਇਲਾਕੇ ਨਾਲ ਸਬੰਧ ਰੱਖਦਾ ਅੰਤਰਰਾਸ਼ਟਰੀ ਵਿਦਿਆਰਥੀ ਕੁਨਾਲ ਚੋਪੜਾ ਜਦੋਂ ਸਵੇਰੇ 7 ਵਜੇ ਕੰਮ ਤੋਂ ਵਾਪਸ ਆ ਰਿਹਾ ਸੀ ਤਾਂ ਕੋਪਿਨਸ ਕਰਾਸਿੰਗ ਤੋਂ 500 ਮੀਟਰ ਪੱਛਮ ਵਿੱਚ ਵਿਲੀਅਮ ਹੋਵਲ ਡਰਾਈਵ 'ਤੇ ਉਸ ਦੀ ਨੀਲੀ ਹੁੰਡਈ ਗੇਟਜ਼ ਕਾਰ ਇੱਕ ਕੰਕਰੀਟ ਪੰਪਿੰਗ ਟਰੱਕ ਨਾਲ ਟਕਰਾ ਗਈ।
ਮੁੱਢਲੀ ਜਾਂਚ ਅਨੁਸਾਰ, ਉਸਦੀ ਹੁੰਡਈ ਕਾਰ ਸੜਕ ਦੇ ਗਲਤ ਪਾਸੇ ਚਲੀ ਗਈ ਤੇ ਸਾਮਣੇ ਆਓਂਦੇ ਇੱਕ ਟਰੱਕ ਵਿੱਚ ਜਾ ਵੱਜੀ।
ਆਸਟ੍ਰੇਲੀਅਨ ਕੈਪੀਟਲ ਟੈਰੀਟਰੀ (ਏਸੀਟੀ) ਐਂਬੂਲੈਂਸ ਸਰਵਿਸ ਪੈਰਾਮੈਡਿਕਸ ਦੁਆਰਾ ਇਸ 21 ਸਾਲਾ ਨੌਜਵਾਨ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਉਸ ਨੂੰ ਮੌਕੇ 'ਤੇ ਮ੍ਰਿਤਕ ਦੱਸਿਆ ਗਿਆ।
ਕੈਨਬਰਾ ਤੋਂ ਭਾਈਚਾਰਕ ਨੁਮਾਇੰਦੇ ਗੁਰਪ੍ਰੀਤ ਸਿੰਘ ਗਿੱਲ ਨੇ ਦੱਸਿਆ ਕਿ ਇਸ ਦੁਖਾਂਤ ਕਾਰਨ ਭਾਈਚਾਰੇ ਵਿੱਚ ਸੋਗ ਦੀ ਲਹਿਰ ਹੈ।
ਹੋਰ ਵੇਰਵੇ ਜਾਨਣ ਲਈ ਇਹ ਆਡੀਓ ਰਿਪੋਰਟ ਸੁਣੋ....
Share
