ਮਾਈਗ੍ਰੇਸ਼ਨ ਨਿਯਮਾਂ ਵਿੱਚ ਨਵੀਂ ਤਬਦੀਲੀ ਤਹਿਤ ਆਸਟ੍ਰੇਲੀਆ ਵਿਚ ਰਹਿ ਰਹੇ ਲੱਖਾਂ ਨਿਊਜ਼ੀਲੈਂਡ ਵਾਸੀਆਂ ਲਈ ਆਸਟ੍ਰੇਲੀਆ ਦੀ ਨਾਗਰਿਕਤਾ ਫਾਸਟ-ਟਰੈਕ ਕੀਤੀ ਜਾ ਰਹੀ ਹੈ ਜਿਸ ਰਾਹੀਂ ਉਹ ਸਮਾਜਿਕ, ਰਿਹਾਇਸ਼ੀ ਅਤੇ ਅਪਾਹਜਤਾ ਸਹਾਇਤਾ ਸਮੇਤ ਵਿਦਿਆਰਥੀ ਕਰਜ਼ੇ ਅਤੇ ਵੋਟ ਦੇ ਅਧਿਕਾਰ ਵੀ ਲੈ ਸਕਣਗੇ। ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਵੱਲੋਂ ਇਸ ਤਬਦੀਲੀ ਨੂੰ ‘ਇਤਿਹਾਸਕ’ ਦੱਸਦਿਆਂ ਇਸ ਖ਼ਬਰ ਦਾ ਸਵਾਗਤ ਕੀਤਾ ਗਿਆ ਹੈ।
ਫੈਡਰਲ ਸਰਕਾਰ ਦਾ ਕਹਿਣਾ ਹੈ ਕਿ ਇਹ ਬਦਲਾਅ ਨਿਊਜ਼ੀਲੈਂਡ ਦੇ ਲੋਕਾਂ ਨੂੰ ਤਸਮਾਨ ਦੇ ਪਾਰ ਰਹਿੰਦੇ ਆਸਟ੍ਰੇਲੀਅਨ ਲੋਕਾਂ ਦੇ ਸਮਾਨ ਅਧਿਕਾਰ ਦੇਵੇਗਾ।
ਇਹ ਬਦਲਾਅ 1 ਜੁਲਾਈ ਤੋਂ ਲਾਗੂ ਹੋਣਗੇ। ਇਹ ਅਸਥਾਈ ਅਤੇ ਵਿਸ਼ੇਸ਼ ਸ਼੍ਰੇਣੀ ਦੇ ਵੀਜ਼ੇ 'ਤੇ ਨਿਊਜ਼ੀਲੈਂਡ ਦੇ ਲੋਕਾਂ 'ਤੇ ਲਾਗੂ ਹੋਣਗੇ ਜੋ ਘੱਟੋ-ਘੱਟ ਚਾਰ ਸਾਲਾਂ ਤੋਂ ਆਸਟ੍ਰੇਲੀਆ ਵਿਚ ਰਹਿ ਰਹੇ ਹਨ ਤੇ ਉਨ੍ਹਾਂ ਲਈ ਵੀ ਜੋ 2001 ਤੋਂ ਆਸਟ੍ਰੇਲੀਆ ਵਿੱਚ ਹਨ।
ਆਮਦਨ ਅਤੇ ਸਿਹਤ ਟੈਸਟਾਂ ਸਮੇਤ ਨਾਗਰਿਕਤਾ ਦੀਆਂ ਪਿਛਲੀਆਂ ਰੁਕਾਵਟਾਂ ਨੂੰ ਖਤਮ ਕਰ ਦਿੱਤਾ ਜਾਵੇਗਾ, ਪਰ ਮਿਆਰੀ ਅੰਗਰੇਜ਼ੀ ਅਤੇ ਅੱਖਰ ਟੈਸਟ ਲਾਗੂ ਰਹਿਣਗੇ ।
ਵੀਜ਼ਾ ਅਰਜ਼ੀ ਦੀ ਕੀਮਤ 490$ ਹੋਵੇਗੀ।
ਨਿਊਜ਼ੀਲੈਂਡ ਦੇ ਪ੍ਰਧਾਨ ਮੰਤਰੀ ਕ੍ਰਿਸ ਹਿਪਕਿਨਜ਼ ਨੇ ਬ੍ਰਿਸਬੇਨ ਵਿੱਚ ਐਂਥਨੀ ਅਲਬਾਨੀਜ਼ੀ ਨਾਲ ਇਸ ਖਬਰ ਦਾ ਸਵਾਗਤ ਕਰਦਿਆਂ ਇਸ ਨੂੰ ਇਤਿਹਾਸਿਕ ਐਲਾਨਿਆ ਹੈ।
ਜ਼ਿਆਦਾ ਜਾਣਕਾਰੀ ਲਈ ਇਹ ਪੌਡਕਾਸਟ ਸੁਣੋ...
Share
