ਐਸ ਬੀ ਐਸ ਨੇ ਕੌਮੀ ਭਾਸ਼ਾ ਮੁਕਾਬਲੇ ਦੇ ਪੰਜ ਜੇਤੂਆਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਮੈਲਬੌਰਨ ਦੀ ਪੰਜਾਬੀ ਕੁੜੀ ਹਰਨੀਪ ਕੌਰ 8 ਤੋਂ 12 ਸਾਲ ਉਮਰ ਵਰਗ ਵਿੱਚ ਜੇਤੂ ਰਹੀ ਹੈ। ਇਸ ਮੁਕਾਬਲੇ ਵਿੱਚ ਦੇਸ਼ ਭਰ ਤੋਂ 82 ਬੋਲੀਆਂ ਵਿੱਚ 4000 ਤੋਂ ਵੀ ਵੱਧ ਐਂਟਰੀਆਂ ਆਈਆਂ ਸਨ।
ਨੈਸ਼ਨਲ ਲੈਂਗੂਏਜ ਮੁਕਾਬਲਾ ਐਸ ਬੀ ਐਸ ਦੀ ਕੌਮੀ ਮੁਹਿੰਮ ਦੀ ਉਹ ਕੜ੍ਹੀ ਹੈ ਜਿਸਦਾ ਉਦੇਸ਼ ਭਾਸ਼ਾ ਸਿੱਖਣ ਅਤੇ ਸਮਝਣ ਨੂੰ ਉਤਸ਼ਾਹਿਤ ਕਰਨਾ ਹੈ।
ਆਸਟ੍ਰੇਲੀਆ ਵਿੱਚ ਭਾਸ਼ਾ ਦੇ ਪੰਜ ਵਿਦਿਆਰਥੀਆਂ ਨੂੰ ਤੀਜੇ ਸਲਾਨਾ ਨੈਸ਼ਨਲ ਲੈਂਗੂਏਜ ਮੁਕਾਬਲੇ ਦੇ ਜੇਤੂ ਵਜੋਂ ਚੁਣਿਆ ਗਿਆ ਹੈ - ਮੁਕਾਬਲੇ ਲਈ 80 ਭਾਸ਼ਾਵਾਂ ਵਿੱਚ ਲਗਪਗ 4000 ਐਂਟਰੀਆਂ ਆਈਆਂ ਸਨ।
ਮੁਕਾਬਲੇ ਵਿੱਚ ਪੰਜ ਉਮਰ ਵਰਗਾਂ ਵਿੱਚੋਂ ਜੇਤੂ ਚੁਣੇ ਗਏ - ਚੋਣ ਵੇਲ਼ੇ ਰਚਨਾਤਮਕ ਪਹੁੰਚ ਅਤੇ ਵਿਲੱਖਣਤਾ ਨੂੰ ਖਾਸ ਅਹਿਮੀਅਤ ਮਿਲੀ।
ਜੇਤੂਆਂ ਵਿੱਚੋ ਇੱਕ 11-ਸਾਲਾ ਹਰਨੀਪ ਕੌਰ ਨੇ ਪੰਜਾਬੀ ਸਿੱਖਣ ਪਿਛਲੇ ਕਾਰਣ ਐਸ ਬੀ ਐਸ ਪੰਜਾਬੀ ਨਾਲ਼ ਸਾਂਝੇ ਕੀਤੇ।
ਹਰਨੀਪ ਨੇ ਇੱਕ ਹੋਰ ਬੋਲੀ ਸਿੱਖਣ ਦੀ ਅਹਿਮੀਅਤ ਬਾਰੇ ਬੋਲਦਿਆਂ ਕਿਹਾ ਕਿ ਪੰਜਾਬੀ ਉਸ ਨੂੰ ਪਰਿਵਾਰ ਅਤੇ ਸਭਿਆਚਾਰ ਨਾਲ ਜੋੜ੍ਹੀ ਰੱਖਦੀ ਹੈ।
ਉਹ ਕਹਿੰਦੀ ਹੈ, "ਪੰਜਾਬੀ ਨੂੰ ਸਿੱਖਣਾ ਵਧੀਆ ਲਗਦਾ ਹੈ, ਸਿੱਖਣ ਪਿੱਛੋਂ ਮੈਂ ਇਸਨੂੰ ਪੀੜ੍ਹੀ-ਦਰ-ਪੀੜ੍ਹੀ ਫੈਲਾ ਸਕਦੀ ਹਾਂ ਜਿਸ ਨਾਲ਼ ਇਸਨੂੰ ਵੱਧ ਤੋਂ ਵੱਧ ਲੋਕ ਬੋਲਣਗੇ।"
ਹਰਨੀਪ ਨਾਲ਼ ਪੂਰੀ ਗੱਲਬਾਤ ਸੁਨਣ ਲਈ ਉੱਪਰ ਦਿੱਤੇ ਆਡੀਓ ਲਿੰਕ ਉਤੇ ਕਲਿਕ ਕਰੋ...
ਮੁਕਾਬਲੇ ਦੇ ਜੇਤੂਆਂ ਬਾਰੇ ਪੂਰੀ ਜਾਣਕਾਰੀ ਲੈਣ ਲਈ ਹੇਠ ਦਿੱਤੇ ਆਡੀਓ ਲਿੰਕ ਜ਼ਰੀਏ ਵਿਸ਼ੇਸ਼ ਫ਼ੀਚਰ ਸੁਣੋ…
