ਆਸਟ੍ਰੇਲੀਆ ਵਿੱਚ ਕੁਝ ਕਮਿਊਨਿਟੀ ਸੈਂਟਰਾਂ ਨੂੰ ਹੁਣ ਪੇਂਡੂ ਸੱਥ ਦਾ ਰੂਪ ਮਿਲਿਆ ਜਾਪਦਾ ਹੈ। ਹਾਲਾਂਕਿ ਇੰਨ੍ਹਾਂ ਸੈਂਟਰਾਂ ਵਿੱਚ ਹੋਰ ਵੀ ਬਹੁਤ ਸਾਰੀਆਂ ਸਰਗਰਮੀਆਂ ਹੁੰਦੀਆਂ ਹਨ ਪਰ ਇੱਥੇ ਤਾਸ਼ ਖੇਡਣ ਵਾਲੀ ਸੱਥ ਅਤੇ ਪੰਜਾਬੀ ਮਾਪਿਆਂ ਦੇ ਹਾਸੇ-ਮਖੌਲ ਨੂੰ ਖਿੱਚ ਦਾ ਮੁਖ ਕੇਂਦਰ ਕਿਹਾ ਜਾ ਸਕਦਾ ਹੈ। ਮੈਲਬੌਰਨ ਦੇ ਮਿਕਲਮ ਕਮਿਊਨਿਟੀ ਸੈਂਟਰ ਵਿੱਚੋਂ ਕੁੱਝ ਅਜਿਹੇ ਹੀ ਭਾਈਚਾਰਕ ਮੈਂਬਰਾਂ ਨੇ ਐਸ.ਬੀ.ਐਸ ਪੰਜਾਬੀ ਨਾਲ ਆਸਟ੍ਰੇਲੀਆ ਵਿੱਚ ਆਪਣਾ ਸਮ੍ਹਾਂ ਬਤੀਤ ਕਰਨ ਬਾਰੇ ਵਿਚਾਰ ਸਾਂਝੇ ਕੀਤੇ।
ਪਾਰਕ ਜਾਂ ਕਮਿਊਨਿਟੀ ਸੈਂਟਰ ਦੋ ਅਜਿਹੀਆਂ ਥਾਵਾਂ ਹਨ ਜਿੱਥੇ ਭਾਰਤ ਤੋਂ ਆਏ ਪੰਜਾਬੀ ਮਾਪੇ ਆਪਣਾਂ ਜ਼ਿਆਦਾਤਰ ਸਮਾਂ ਬਤੀਤ ਕਰਨਾ ਪਸੰਦ ਕਰਦੇ ਹਨ।
ਆਪਣੇ ਹਮ-ਉਮਰਾਂ ਨਾਲ ਮਿਲਕੇ ਉਹ ਇੱਥੇ ਹਾਸਾ-ਮਾਖੌਲ ਕਰਦਿਆਂ ਦਿਨ ਭਰ ਦੀ ਥਕਾਵਟ ਅਤੇ ਬੋਰੀਅਤ ਨੂੰ ਭੁਲਾ ਦਿੰਦੇ ਹਨ।
ਕੁੱਝ ਅਜਿਹੇ ਹੀ ਭਾਈਚਾਰੇ ਦੇ ਮੈਂਬਰਾਂ ਨਾਲ ਐਸ.ਬੀ.ਐਸ ਪੰਜਾਬੀ ਵੱਲੋਂ ਗੱਲਬਾਤ ਕੀਤੀ ਗਈ।
ਗੱਲਬਾਤ ਦੌਰਾਨ ਉਹਨਾਂ ਦੱਸਿਆ ਕਿ ਉਹ ਆਸਟ੍ਰੇਲੀਆ ਵਿੱਚ ਆਪਣੇ ਦੋਸਤਾਂ ਨੂੰ ਮਿਲਕੇ ਬਹੁਤ ਖੁਸ਼ ਹੁੰਦੇ ਹਨ।
ਹਾਲਾਂਕਿ ਉਹਨਾਂ ਦਾ ਮੰਨਣਾ ਹੈ ਕਿ ਭਾਰਤ ਲਈ ਉਹਨਾਂ ਦੇ ਦਿਲ ਵਿੱਚ ਇੱਕ ਖ਼ਾਸ ਥਾਂ ਹੈ ਪਰ ਉਹ ਆਸਟ੍ਰੇਲੀਆ ਨੂੰ ਵੀ ਹੁਣ ਆਪਣਾ ਘਰ ਮੰਨਦੇ ਹਨ।
ਇਕੱਠੇ ਹੋ ਕੇ ਉਹ ਕਿਹੜੀਆਂ ਗੱਲ੍ਹਾਂ ਕਰਦੇ ਹਨ ਅਤੇ ਕਿਵੇਂ ਠਹਾਕੇ ਲਾਉਂਦੇ ਹਨ, ਇਹ ਸੁਨਣ ਲਈ ਪੇਜ ਉਪਰ ਸਾਂਝੀ ਕੀਤੀ ਗਈ ਆਡੀਓ ਰਿਪੋਰਟ ਸੁਣੋ।
Share
