ਫੈਡਰਲ ਸਰਕਾਰ ਦੇ ਨੈਸ਼ਨਲ 'ਅਰਲੀ ਈਅਰਜ਼ ਸਮਿਟ' ਲਈ ਕੈਨਬਰਾ ਵਿੱਚ ਲਗਭਗ 100 ਮਾਹਰਾਂ ਨੇ 'ਅਰਲੀ ਚਾਈਲਡਹੁੱਡ' ਵਿਕਾਸ ਨੀਤੀ ਵਿੱਚ ਸੁਧਾਰ ਲਈ ਇੱਕ ਬੈਠਕ ਕੀਤੀ ਹੈ। ਇਸ ਸੰਮੇਲਨ ਦਾ ਉਦੇਸ਼, ਪੰਜ ਸਾਲ ਅਤੇ ਇਸ ਤੋਂ ਘੱਟ ਉਮਰ ਦੇ ਬੱਚਿਆਂ ਦੇ ਨਤੀਜਿਆਂ ਵਿੱਚ ਸੁਧਾਰ ਕਰਨ, ਅਤੇ ਇੱਕ ਨਵੀਂ ਰਾਸ਼ਟਰੀ ਰਣਨੀਤੀ ਵਿਕਸਿਤ ਕਰਨ ਲਈ ਵਿਚਾਰ-ਚਰਚਾ ਕਰਨਾ ਸੀ।
ਫੈਡਰਲ ਸਰਕਾਰ ਦਾ ਦਾਅਵਾ ਹੈ ਕਿ ਉਹ ਨੌਜਵਾਨਾਂ ਨੂੰ ਵਧੀਆ ਸੇਵਾਵਾਂ ਦੇਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਸਰਕਾਰ ਸਿੱਖਿਆ, ਤੰਦਰੁਸਤੀ ਅਤੇ ਵਿਕਾਸ ਦੇ ਨਾਲ ਹੀ ਰਾਸ਼ਟਰਮੰਡਲ ਪ੍ਰੋਗਰਾਮਾਂ, ਫੰਡਿੰਗ ਅਤੇ ਸ਼ੁਰੂਆਤੀ ਬਚਪਨ ਨੂੰ ਪ੍ਰਭਾਵਿਤ ਕਰਨ ਵਾਲੇ ਢਾਂਚੇ ਵਿਚਕਾਰ ਵਧੇਰੇ ਤਾਲਮੇਲ ਨੂੰ ਵੀ ਯਕੀਨੀ ਬਣਾਉਣਾ ਚਾਹੁੰਦੀ ਹੈ।
ਸੋਸ਼ਲ ਸਰਵਿਸਿਜ਼ ਮੰਤਰੀ ਅਮਾਂਡਾ ਰਿਸ਼ਵਰਥ ਦਾ ਕਹਿਣਾ ਹੈ ਕਿ ਸਰਕਾਰ ਦਾ ਇਹ ਸਮਿਟ ਇਸ ਸਮੱਸਿਆ ਨੂੰ ਹੱਲ ਕਰਨ ਦੀ ਪ੍ਰਕਿਰਿਆ ਸ਼ੁਰੂ ਕਰਦਾ ਹੈ।
ਹੋਰ ਵੇਰਵੇ ਲਈ ਸੁਣੋ ਇਹ ਆਡੀਓ ਰਿਪੋਰਟ.....
Share
