ਸਿਡਨੀ ਵਿੱਚ ਰਹਿੰਦਾ 15 ਸਾਲਾ ਪੈਰਾ ਐਥਲੀਟ ਹਰਕੀਰਤ ਸਿੰਘ ਅੱਜਕੱਲ੍ਹ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਕਾਰਨ ਚਰਚਾ ਵਿੱਚ ਹੈ।
ਹਾਲ ਹੀ ਵਿੱਚ ਹੋਈ ਐਨ ਐਸ ਡਬਲਿਊ ਜੂਨੀਅਰ ਐਥਲੈਟਿਕਸ ਸਟੇਟ ਚੈਂਪੀਅਨਸ਼ਿਪ ਵਿੱਚ ਉਸਨੇ ਦੋ ਸੋਨੇ ਦੇ ਤਗਮੇ ਜਿੱਤ ਕੇ ਨਾ ਸਿਰਫ ਆਪਣੀ ਮਿਹਨਤ ਦਾ ਫਲ ਹਾਸਲ ਕੀਤਾ, ਸਗੋਂ ਕਈ ਹੋਰ ਨੌਜਵਾਨਾਂ ਲਈ ਪ੍ਰੇਰਣਾ ਦਾ ਸਰੋਤ ਵੀ ਬਣਿਆ ਹੈ।
ਹੁਣ ਉਹ ਅਪ੍ਰੈਲ ਵਿੱਚ ਬ੍ਰਿਸਬੇਨ ਵਿੱਚ ਹੋਣ ਵਾਲੀਂ ਜੂਨੀਅਰ ਪੈਰਾ ਨੈਸ਼ਨਲ ਚੈਂਪੀਅਨਸ਼ਿਪ ਵਿੱਚ ਹਿੱਸਾ ਲੈਣ ਲਈ ਤਿਆਰ ਹੈ।
ਹਰਕੀਰਤ ਦੀ ਜ਼ਿੰਦਗੀ ਦੀ ਕਹਾਣੀ ਬੇਹੱਦ ਹੌਸਲਾ ਦੇਣ ਵਾਲੀ ਹੈ।
ਉਸਦੀ ਮਾਤਾ ਹਰਪ੍ਰੀਤ ਕੌਰ ਨੇ ਐਸ ਬੀ ਐਸ ਪੰਜਾਬੀ ਨਾਲ ਗੱਲਬਾਤ ਦੌਰਾਨ ਦੱਸਿਆ, “ਜਦੋਂ ਉਹ ਅੱਠ ਮਹੀਨੇ ਦੀ ਗਰਭਵਤੀ ਸੀ, ਤਾਂ ਡਾਕਟਰਾਂ ਨੇ ਸਾਨੂੰ ਦੱਸਿਆ ਕਿ ਬੱਚੇ ਨੂੰ ਸਪਾਈਨਾ ਬਿਫਿਡਾ ਨਾਮ ਦੀ ਬੀਮਾਰੀ ਹੈ, ਜੋ ਕਿ ਫੋਲਿਕ ਐਸਿਡ ਦੀ ਕਮੀ ਕਾਰਨ ਹੁੰਦੀ ਹੈ।“
ਇਸ 'ਸਪਾਈਨਾ ਬਿਫਿਡਾ ' ਕਾਰਨ ਹਰਕੀਰਤ ਦੇ ਸਰੀਰ ਦਾ ਹੇਠਲਾ ਹਿੱਸਾ ਪ੍ਰਭਾਵਿਤ ਹੋ ਗਿਆ ਅਤੇ ਉਹ ਵ੍ਹੀਲਚੇਅਰ ਦੀ ਮਦਦ ਨਾਲ ਹੀ ਚੱਲਦਾ ਹੈ।Hapreet Kaur
ਇੱਕ ਸਾਲ ਦੀ ਉਮਰ ਵਿੱਚ ਹੀ ਹਰਕੀਰਤ ਆਪਣੀ ਮਾਂ ਨਾਲ ਆਸਟ੍ਰੇਲੀਆ ਆ ਗਿਆ ਸੀ, ਜਿੱਥੇ ਸਿਡਨੀ ਦੇ ਵੈਸਟਮੀਡ ਹਸਪਤਾਲ ਵਿੱਚ ਉਸਦਾ ਇਲਾਜ ਜਾਰੀ ਰਿਹਾ। ਮੁਸ਼ਕਲਾਂ ਦੇ ਬਾਵਜੂਦ, ਉਸਦੇ ਮਾਤਾ-ਪਿਤਾ ਨੇ ਕਦੇ ਉਸਦਾ ਹੌਂਸਲਾ ਟੁੱਟਣ ਨਹੀਂ ਦਿੱਤਾ।
ਅੱਜ ਹਰਕੀਰਤ ਸਿਰਫ ਖੇਡਾਂ ਵਿੱਚ ਹੀ ਨਹੀਂ, ਸਿੱਖਿਆ ਅਤੇ ਸੱਭਿਆਚਾਰਕ ਗਤੀਵਿਧੀਆਂ ਵਿੱਚ ਵੀ ਅੱਗੇ ਵਧ ਰਿਹਾ ਹੈ। ਉਹ ਆਪਣੀ ਮਾਂ ਬੋਲੀ ਪੰਜਾਬੀ ਨਾਲ ਵੀ ਗਹਿਰਾ ਨਾਤਾ ਰੱਖਦਾ ਹੈ।
ਭਵਿੱਖ ਲਈ ਉਸਦਾ ਸੁਪਨਾ ਵੀ ਖਾਸ ਹੈ, ਹਰਕੀਰਤ ਕ੍ਰਿਕਟ ਕੁਮੈਂਟੇਟਰ ਬਣਨਾ ਚਾਹੁੰਦਾ ਹੈ।
ਹਰਕੀਰਤ ਨੇ ਆਪਣੇ ਵੱਡੇ ਸੁਫਨੇ ਐਸਬੀਐਸ ਪੰਜਾਬੀ ਨਾਲ ਸਾਂਝੇ ਕਰਦੇ ਹੋਏ ਕਿਹਾ , "ਮੈਂ ਹਰ ਖੇਤਰ ਵਿੱਚ ਵਧੀਆ ਕੰਮ ਕਰਨਾ ਹੈ ਅਤੇ ਭਵਿੱਖ ਵਿੱਚ ਮੈਂ ਇੱਕ ਕ੍ਰਿਕਟ ਕੁਮੈਂਟੇਟਰ ਬਨਣਾ ਚਾਹੁੰਦਾ ਹਾਂ।" ਖਾਸ ਗੱਲ ਇਹ ਹੈ ਕਿ ਵ੍ਹੀਲਚੇਅਰ ‘ਤੇ ਰਹਿੰਦੇ ਹੋਏ ਵੀ ਉਹ ਭੰਗੜੇ ਦਾ ਸ਼ੌਕੀਨ ਹੈ ਅਤੇ ਸਿਡਨੀ ਵਿੱਚ ਕਈ ਮੰਚਾਂ ‘ਤੇ ਪ੍ਰਦਰਸ਼ਨ ਕਰ ਚੁੱਕਾ ਹੈ।"
ਹਰਕੀਰਤ ਸਿਡਨੀ ਦੇ ਗਲੇਨਵੁੱਡ ਐਥਲੈਟਿਕਸ ਕਲੱਬ ਵਿੱਚ ਹਰ ਹਫ਼ਤੇ 3 ਤੋਂ 4 ਘੰਟੇ ਦੀ ਕਠੋਰ ਟ੍ਰੇਨਿੰਗ ਕਰਦਾ ਹੈ। ਉਸਦੇ ਕੋਚ ਉਸਦੀ ਲਗਨ ਅਤੇ ਜਜ਼ਬੇ ਨੂੰ ਵੇਖਦਿਆਂ ਪੂਰਾ ਯਕੀਨ ਜਤਾਉਂਦੇ ਹਨ ਕਿ ਉਹ ਭਵਿੱਖ ਵਿੱਚ ਪੈਰਾ ਖੇਡਾਂ ਵਿੱਚ ਨਵੀਆਂ ਉੱਚਾਈਆਂ ਹਾਸਲ ਕਰੇਗਾ।
ਐਥਲੈਟਿਕਸ ਤੋਂ ਇਲਾਵਾ, ਹਰਕੀਰਤ ਇੱਕ ਵਧੀਆ ਤੈਰਾਕ ਵੀ ਹੈ ਅਤੇ ਟੈਨਿਸ ਤੇ ਕ੍ਰਿਕਟ ਖੇਡਣਾ ਉਸਨੂੰ ਬਹੁਤ ਪਸੰਦ ਹੈ। ਉਹ ਭਾਰਤੀ ਕ੍ਰਿਕਟਰ ਵਿਰਟ ਕੋਹਲੀ ਦਾ ਵੱਡਾ ਪ੍ਰਸ਼ੰਸਕ ਹੈ ਅਤੇ ਖੁਦ ਸਪਿਨ ਬੌਲਿੰਗ ਵਿੱਚ ਮਾਹਰ ਬਣਨਾ ਚਾਹੁੰਦਾ ਹੈ।
ਮੇਰਾ ਸੁਫਨਾ ਨੈਸ਼ਨਲਸ ਤੋਂ ਲੈ ਕੇ ਓਲੰਪਿਕਸ ਖੇਡਣ ਤੱਕ ਦਾ ਹੈ।Para Athlete Harkirat Singh
ਉਸਦੀ ਕਹਾਣੀ ਇਹ ਸਾਬਤ ਕਰਦੀ ਹੈ ਕਿ ਜੇ ਹੌਂਸਲਾ ਮਜ਼ਬੂਤ ਹੋਵੇ ਅਤੇ ਪਰਿਵਾਰ ਦਾ ਸਾਥ ਮਿਲੇ, ਤਾਂ ਕੋਈ ਵੀ ਰੁਕਾਵਟ ਸਫਲਤਾ ਦੇ ਰਸਤੇ ਵਿੱਚ ਆੜ ਨਹੀਂ ਬਣ ਸਕਦੀ।
ਹਰਕੀਰਤ ਸਿੰਘ ਵਰਗੇ ਨੌਜਵਾਨ ਖਿਡਾਰੀ ਸਾਡੇ ਸਮਾਜ ਲਈ ਸਿਰਫ ਮਾਣ ਨਹੀਂ, ਸਗੋਂ ਉਮੀਦ ਦੀ ਇਕ ਨਵੀਂ ਕਿਰਨ ਵੀ ਹਨ।
ਹੋਰ ਵੇਰਵੇ ਲਈ ਆਡੀਓ ਬਟਨ ਕਲਿਕ ਕਰੋ
ਐਸ ਬੀ ਐਸ ਪੰਜਾਬੀ ਦੁਨੀਆ ਸਾਡੇ ਸਾਰੇ ਪੌਡਕਾਸਟ ਇਸ ਲਿੰਕ ਰਾਹੀਂ ਸੁਣੇ ਜਾ ਸਕਦੇ ਹਨ।
ਭਰ ਦੀਆਂ ਤਾਜ਼ਾ-ਤਰੀਨ ਖ਼ਬਰਾਂ ਸਮੇਤ ਉਨ੍ਹਾਂ ਕਹਾਣੀਆਂ ਨਾਲ ਜੋੜਦਾ ਹੈ ਜੋ ਆਸਟ੍ਰੇਲੀਆ ਵਿਚਲੇ ਜੀਵਨ ਅਤੇ ਪੰਜਾਬੀ ਬੋਲਣ ਵਾਲੇ ਆਸਟ੍ਰੇਲੀਅਨ ਭਾਈਚਾਰੇ ਲਈ ਅਹਿਮ ਹਨ।
ਸਾਡਾ ਲਾਈਵ ਪ੍ਰੋਗਰਾਮ ਤੁਸੀਂ ਸੋਮਵਾਰ ਤੋਂ ਸ਼ੁੱਕਰਵਾਰ ਸ਼ਾਮ 4 ਵਜੇ SBS ਸਾਊਥ ਏਸ਼ੀਅਨ ਦੇ ਡਿਜੀਟਲ ਰੇਡੀਓ ਉੱਤੇ, ਆਪਣੇ ਟੈਲੀਵਿਜ਼ਨ 'ਤੇ ਚੈਨਲ 305 ਉੱਤੇ, SBS ਆਡੀਓ ਐਪ ਜਾਂ ਸਟ੍ਰੀਮ ਰਾਹੀਂ ਸੁਣ ਸਕਦੇ ਹੋ। ਹੋਰ ਜਾਣਕਾਰੀ ਲਈ ਸਾਨੂੰ ਵੈਬਸਾਈਟ, ਫੇਸਬੁੱਕ ਅਤੇ ਇੰਸਟਾਗ੍ਰਾਮ 'ਤੇ ਫਾਲੋ ਕਰੋ।
