ਆਸਟ੍ਰੇਲੀਆ ਦੇ ਕੁੱਝ ਹਿੱਸੇ ਭਿਆਨਕ ਸੋਕੇ ਦਾ ਕਰ ਸਕਦੇ ਹਨ ਸਾਹਮਣਾ

ਆਸਟ੍ਰੇਲੀਆ ਦਾ ਭਵਿੱਖ ਵਿਚਲਾ ਮਾਡਲ ਇਸ਼ਾਰਾ ਕਰਦਾ ਹੈ ਕਿ ਆਉਣ ਵਾਲੇ ਸਮੇਂ ਵਿੱਚ ਇੱਥੇ ਸੋਕੇ ਦੇ ਭਿਆਨਕ ਆਸਾਰ ਦੇਖੇ ਜਾ ਸਕਦੇ ਹਨ, ਜੋ ਕਿ 20 ਸਾਲਾਂ ਤੋਂ ਵੱਧ ਸਮੇਂ ਤੱਕ ਦੇਸ਼ ਨੂੰ ਪ੍ਰਭਾਵਿਤ ਕਰ ਸਕਦੇ ਹਨ। ਆਸਟ੍ਰੇਲੀਅਨ ਨੈਸ਼ਨਲ ਯੂਨੀਵਰਸਿਟੀ ਅਤੇ ‘ਏ.ਆਰ.ਸੀ ਸੈਂਟਰ ਆਫ਼ ਐਕਸੀਲੈਂਸ ਫਾਰ ਕਲਾਈਮੇਟ ਐਕਸਟ੍ਰੀਮਜ਼’ ਦੀ ਇੱਕ ਖੋਜ ਵਿੱਚ ਪਾਇਆ ਗਿਆ ਹੈ ਕਿ ਇਹ ਸੋਕੇ ਇਤਿਹਾਸ ਦੇ ਪਿਛਲੇ ਅਨੁਭਵਾਂ ਤੋਂ ਭਿਆਨਕ ਹੋ ਸਕਦੇ ਹਨ।

---

ਪਿਛਲੇ 24 ਸਾਲਾਂ ਵਿੱਚ ਅਮਰੀਕਾ ਦਾ ਦੱਖਣ-ਪੱਛਮੀ ਖੇਤਰ ਸੋਕੇ ਦੀ ਮਾਰ ਹੇਠ ਹੈ।

ਨਵੀਂ ਖੋਜ ਸੁਝਾਅ ਦਿੰਦੀ ਹੈ ਕਿ ਅਮਰੀਕਾ ਵਰਗੇ ਹਾਲਾਤ ਇੱਕ ਦਿਨ ਇੱਥੇ ਆਸਟ੍ਰੇਲੀਆ ਵਿੱਚ ਵੀ ਪੈਦਾ ਹੋ ਸਕਦੇ ਹਨ।

ਖੋਜ ਵਿੱਚ ਇਹ ਵੀ ਪਾਇਆ ਗਿਆ ਹੈ ਕਿ ਆਸਟ੍ਰੇਲੀਆ ਦੇ ਕੁਝ ਹਿੱਸੇ ਪਹਿਲਾਂ ਹੀ ਮੌਸਮੀ ਤਬਦੀਲੀ ਦੇ ਕਾਰਨ ਲੰਬੇ ਸੋਕੇ ਦਾ ਸਾਹਮਣਾ ਕਰ ਰਹੇ ਹਨ - ਜਿਸ ਵਿੱਚ ਮਰੇ-ਡਾਰਲਿੰਗ ਬੇਸਿਨ ਵੀ ਸ਼ਾਮਲ ਹੈ।

ਦੱਸਣਯੋਗ ਹੈ ਕਿ ਆਸਟ੍ਰੇਲੀਆ ਵਿੱਚ 1860 ਦੇ ਦਹਾਕੇ ਤੋਂ ਲੈ ਕੇ ਹੁਣ ਤੱਕ ਲਗਭਗ 10 ਗੰਭੀਰ ਸੋਕੇ ਪਏ ਹਨ, ਜਿਸ ਵਿੱਚ 2001 ਤੋਂ 2009 ਤੱਕ ਚੱਲਿਆ ਮਿਲੇਨਿਅਮ ਸੋਕਾ ਵੀ ਸ਼ਾਮਲ ਹੈ।