ਹਰਜੀਤ ਸਿੰਘ ਕਹਿੰਦੇ ਹਨ ਕਿ ਟੈਕਸ ਵਿਭਾਗ ਨੇ ਉਹਨਾਂ ਲੋਕਾਂ ਲਈ ਕੁੱਝ ਖਾਸ ਛੋਟਾਂ ਦਾ ਐਲਾਨ ਕੀਤਾ ਹੈ ਜੋ ਕੋਵਿਡ-19 ਕਾਰਨ ਘਰਾਂ ਤੋਂ ਕੰਮ ਕਰ ਰਹੇ ਹਨ।
ਨਵੇਂ ਪ੍ਰਬੰਧਾਂ ਅਨੁਸਾਰ ਲੋਕਾਂ ਨੂੰ ਘਰ ਤੋਂ ਕੀਤੇ ਕੰਮ ਵਾਲੇ ਹਰ ਘੰਟੇ ਦੇ 80 ਸੈਂਟਸ ਫੁੱਟਕਲ ਖਰਚਿਆਂ ਵਜੋਂ ਮਿਲ ਸਕਦੇ ਹਨ।
ਖਾਸ ਨੁੱਕਤੇ:
- ਕਰਮਚਾਰੀ ਕੰਮ ਕਰਨ ਵਾਲੇ ਹਰ ਘੰਟੇ ਦੇ 80 ਸੈਂਟ ਪ੍ਰਤੀ ਘੰਟਾ ਦੇ ਹਿਸਾਬ ਨਾਲ ਟੈਕਸ ਛੋਟਾਂ ਵਜੋਂ ਪ੍ਰਾਪਤ ਕਰ ਸਕਦੇ ਹਨ
- ਕਰਮਚਾਰੀਆਂ ਨੂੰ ਉਹਨਾਂ ਵਸਤਾਂ ਤੇ ਛੋਟ ਨਹੀਂ ਮਿਲ ਸਕੇਗੀ ਜੋ ਉਹਨਾਂ ਨੂੰ ਰੁਜ਼ਗਾਰਦਾਤਾ ਵਲੋਂ ਦਿੱਤੀਆਂ ਗਈਆ ਹੋਣ
- ਛੋਟਾਂ ਤਿੰਨ ਤਰੀਕਿਆਂ ਨਾਲ ਮਿਲ ਸਕਦੀਆਂ ਹਨ
ਹਰਜੀਤ ਸਿੰਘ ਨੇ ਚਿਤਾਵਨੀ ਵਜੋਂ ਕਿਹਾ ਕਿ ਹਰੇਕ ਕੀਤੇ ਹੋਏ ਖਰਚੇ ਉੱਤੇ ਛੋਟ ਨਹੀਂ ਮਿਲ ਸਕਦੀ।
‘ਤੁਹਾਨੂੰ ਇਹ ਦਰਸਾਉਣਾ ਹੋਵੇਗਾ ਕਿ ਤੁਸੀਂ ਘਰੋਂ ਕੰਮ ਕਰਨ ਸਮੇਂ ਕੁੱਝ ਖਰਚੇ ਕੀਤੇ ਸਨ ਜੋ ਕਿ ਤੁਹਾਡੀ ਕਮਾਈ ਉੱਤੇ ਸਿੱਧੇ ਤੌਰ ਤੇ ਜੁੜੇ ਹੋਏ ਸਨ। ਨਾਲ ਹੀ ਤੁਹਾਨੂੰ ਕੀਤੇ ਖਰਚਿਆਂ ਦਾ ਰਿਕਾਰਡ ਵੀ ਸੰਭਾਲ ਕੇ ਰੱਖਣਾ ਹੋਵੇਗਾ’।
ਇਹਨਾਂ ਖਰਚਿਆਂ ਉੱਤੇ ਛੋਟਾਂ ਪ੍ਰਾਪਤ ਕਰਨ ਦੇ ਤਿੰਨ ਤਰੀਕਿਆਂ ਬਾਰੇ ਵਿਸਥਾਰ ਨਾਲ ਸਮਝਾਉਂਦੇ ਹੋਏ ਹਰਜੀਤ ਸਿੰਘ ਨੇ ਕਿਹਾ ਕਿ, ‘ਪਹਿਲਾ ਹੈ ਸਿੱਧਾ ਤੇ ਸਰਲ ਤਰੀਕਾ, ਦੂਜਾ ਫਿਕਸਡ-ਰੇਟ ਤਰੀਕਾ, ਅਤੇ ਤੀਜਾ ਹੈ ਅਸਲ ਖਰਚਿਆਂ ਵਾਲਾ ਤਰੀਕਾ’।
ਉਹਨਾਂ ਕਿਹਾ ਕਿ ਪਹਿਲਾ ਤਰੀਕਾ ਸਾਰਿਆਂ ਤੋਂ ਹਰਮਨ ਪਿਆਰਾ ਤਰੀਕਾ ਹੋ ਸਕਦਾ ਹੈ।
‘ਤੁਹਾਨੂੰ ਸਿਰਫ ਘਰੋਂ ਕੀਤੇ ਕੰਮ ਦੇ ਘੰਟਿਆ ਦਾ ਰਿਕਾਰਡ ਰੱਖਣ ਦੀ ਹੀ ਜਰੂਰਤ ਹੋਵੇਗੀ ੳਤੇ ਤੁਸੀਂ ਇਹਨਾਂ ਘੰਟਿਆਂ ਦੇ 80 ਸੈਂਟਸ ਪ੍ਰਤੀ ਘੰਟਾ ਟੈਕਸ ਵਿੱਚੋਂ ਵਾਪਸ ਲੈ ਸਕੋਗੇ’, ਕਿਹਾ ਹਰਜੀਤ ਸਿੰਘ ਨੇ।
ਆਸਟ੍ਰੇਲੀਆ ਵਿੱਚ ਲੋਕਾਂ ਨੂੰ ਇੱਕ-ਦੂਸਰੇ ਤੋਂ ਘੱਟੋ-ਘੱਟ 1.5 ਮੀਟਰ ਦੀ ਦੂਰੀ 'ਤੇ ਰਹਿਣਾ ਚਾਹੀਦਾ ਹੈ
ਇਕੱਠਾਂ ਉੱਤੇ ਲੱਗੀਆਂ ਪਾਬੰਦੀਆਂ ਬਾਰੇ ਆਪਣੇ ਰਾਜ ਦੀਆਂ ਪਾਬੰਦੀਆਂ ਜਾਂਚੋ।
ਕਰੋਨਾਵਾਇਰਸ ਦੀ ਜਾਂਚ ਹੁਣ ਆਸਟ੍ਰੇਲੀਆ ਭਰ ਵਿੱਚ ਵਿਆਪਕ ਤੌਰ ਤੇ ਉਪਲੱਬਧ ਹੈ।
ਜੇ ਤੁਸੀਂ ਠੰਡ ਜਾਂ ਫਲੂ ਦੇ ਲੱਛਣਾਂ ਦਾ ਸਾਹਮਣਾ ਕਰ ਰਹੇ ਹੋ ਤਾਂ ਆਪਣੇ ਡਾਕਟਰ ਨੂੰ ਫੋਨ ਕਰਕੇ ਟੈਸਟ ਦਾ ਪ੍ਰਬੰਧ ਕਰੋ ਜਾਂ ਕਰੋਨਾਵਇਰਸ ਸਿਹਤ ਜਾਣਕਾਰੀ ਨੂੰ 1800 020 080 ਤੇ ਸੰਪਰਕ ਕਰੋ।
ਫੈਡਰਲ ਸਰਕਾਰ ਦੀ ਕਰੋਨਾਵਾਇਰਸ ਟਰੇਸਿੰਗ ਐਪ ‘ਕੋਵਿਡਸੇਫ’ ਤੁਹਾਡੇ ਫੋਨ ਦੇ ਐਪ ਸਟੋਰ ਤੋਂ ਡਾਊਨਲੋਡ ਕੀਤੀ ਜਾ ਸਕਦੀ ਹੈ।
ਐਸ ਬੀ ਐਸ ਆਸਟ੍ਰੇਲੀਆ ਦੇ ਵਿਭਿੰਨ ਭਾਈਚਾਰਿਆਂ ਨੂੰ ਕੋਵਿਡ-19 ਦੇ ਵਿਕਾਸ ਬਾਰੇ ਤਾਜ਼ਾ ਜਾਣਕਾਰੀ ਦੇਣ ਲਈ ਵਚਨਬੱਧ ਹੈ।
ਇਸ ਬਾਰੇ ਵਿਸਥਾਰਤ ਜਾਣਕਾਰੀ ਉੱਪਰ ਫੋਟੋ ਵਿਚਲੇ ‘ਸਪੀਕਰ’ ਉੱਤੇ ਕਲਿੱਕ ਕਰਕੇ ਲਈ ਜਾ ਸਕਦੀ ਹੈ।
