- National Kabinet yé Buítbaré yan faisala goíjjede ki,zitara rapid antigen test ót positif oíbo tarattú PCR tes gora nó foribo biyaram oíyede yan fakka goribolla.
- New South Wales ar Victoria át COVID-19 ólla boli hocital bottí gora forede yan aro boçi zar goí.
- 8pm Buítbaré,1,609 manúic hocital bottí oíye NSW ót 1,491 manúic óttu 24 gonda report oíbade.131 zon intensive care ót asé.
- Victoria át ,631 manúic hocital bottí oíye 591 óttu.State yan ót 100 zon ehon ót ICU út asé.
- Queensland or hocital ót ehon 284 zon asé,buítbaré 265 aíccildé iintu.12 zon ICU ót asé.
- Aíjja 11.59pm óttu lotí hozon taí faribode yan ór limit curu goribo ar yan foroz report goribolla rapid antigen test ór resal positif oílé aramiyot ór departmen ór hasé.
- Fúl vaksin maíjja nojowan 20 bosor óijja zibattú hóno ekan biyaram naí COVID-19 ólla boli hocítal mara giyé.NSW health yé elan gori hoíyedé.
- England yé yan elan goíjjede ki ful vaksin maíjja golibode itara ar zitarar boc 18 bosor nisé asedé itara negatif PCR tes sara goli faribo 4am 7 Januari óttu lotí.
COVID-19 Stats:
New South Wales ót 34,994 noya kes rekopd oíye COVIOD-19 ór ar 6 zon mara giyé,Victoria át 21,997 kes rekod oíye ar 6 zon mara giyé.
Queensland ót 10,332 noya kes rekod oíye ar 1 zon mara giyé.
Tasmania át 751 noya kes rekod oíye,eík zon hocital bottí oíye.
Kuarantin ar tes goribar baabote state and territory government soúñlede:
Sofor
Thieñya fuca ár modot
COVID-19 Disaster Payment iba bodoli zabogoí states ye 70 ar 80 per cent ful vaksin maijja oíle: Getting help during Covid-19 from Services Australia in language
- Hobor ar maalumat 60 zuban ot sbs.com.au/coronavirus
- Gaidlaín tuañar state ya territory: NSW, Victoria, Queensland, Western Australia, South Australia, Northern Territory, ACT, Tasmania.
- Maalumat COVID-19 ór vaccine tuáñár zuban ót.
Zaí so torjuman goíjja maalumat ólla NSW Multicultural Health Communication Service:
Fottí state ar territory ír tes goribar kelinik:
