Iyadoo u muuqata sii jiidanka arintii sandkii dhamaaday 2017 buuqa ka dhex abuurtay labada aqal ee baarlamaanka Australia, ahaydna tuhunka laba jinsiyad-haysashada, ayaa Xukuumada Turnbull ay ka codsatay gabadha ka tirsan Laborka, ee xubinka baarlamaanka ah Susan Lamb, in ay iska casisho xubinimadeeda, hadii kale ay ku wareejin doonaan dacwadeeda maxkamada Sare.
Balse dhankooda, Xisbiga Laborka ayaa ku andocoonaya in hadii Susan Lamb lagu wareejiyo Maxkamada Sare, arimaha la xidhiidha jinsiyada dartood, in sidoo kale ay caadaaladu tahay, in qaar ka mida xubnaha dawaladana maxkamada loo diro iyagana.
Xukuumada ayaa iyadu u aragta in aqlabiyadeeda liidata ee aqalka hoose - oo ay isku hubsatay kadib liic-liic badan oo ay soo martay - in ay u adeegsato Susan Lamb, si ay maxkamada oogu dirto, hadii ay iskeed isu casili weydo.
Laborka ayaa ku adkaysanaya in Susan, ay kasoo baxday waxii looga baahnaa si ay ooga tanaasusho jinsiyadeedii Britain ay ka haystay.
Tan ayaa noqonaysa tusma cadaynaysa in ayna fari ka qodneyn arinta tuhunka laba-jinsiyad haysashada, ee guuxa siyaasadeed ka dhex abuurtay baarlamaanka Australia, sanadii na dhaaftay 2017.
