Codaynta Mooshinkii ka dhanka ahaa Jawaare oo muda loo qabta.
Gudoomiye ku xigeenka koobaad ee aqalka hoose ee baarlamaanka Soomaaliya, Cabdiwali Sheikh Ibrahim Mudey, ayaa ku dhawaaqay in maalinta Sabtida ee nagu soo aadan ee bisha March ay 31 tahay in mooshinka Jawaari laga keenay cod loo qaadi doono.
Ku xigeenka koobaad ee baarlamaanka Cabdiwali Mudey, ayaa fariima uu u kala diray xubnaha baarlamaanka ee wadanka dibada ooga maqan, ku wargaliyay in ay Muqdisha yimaadaan ugu danbayn 29 march, si ay ooga qayb qaataan geedi socodka hawsha.
Maxamed Cusman Jawaari, ayaa isagu sheegay in uu ku yimid cod, kaliyana uu ku baxayo cod, isagoo muujiyay isku kalsoonaan dhnkiisa ah.
Jawaari ayaa waxa uu sheegay in arintan mooshinka uu ka danbeeyo Ra’iisul wasaaraha Somalia Xasan Ali Kheyre, balse khayre dhankiisa uusan wax jawaaba ka bixinin arintaas.
Madaxweynaha Soomaaliya Maxamed Cabdullahi Farmajo, ayaan isagu hawshan marnaba ka hadal, iyadoo shacabku aamuskiisaas siyaaba kala duwan ay u fasirteen.
Natiijada mooshinkan ayaan la odorasi karin, balse dadka siyaasada Soomaaliya indhaindheeya ayaa waxa ay odorasayaan in laba kooraba ay noqon doonto dhacda weyn oo aan ku ekaani doonin Jawaari bixidiisa iyo joogidiisa, iyadoo ay suura gal tahay in ay mooshina kale si cusub u dhashaan, iyadoon la garan karin meesha ay ku dhamaanayso saamanta dareenkaas.
