Raiisul Wasaarihii hore John Howard ayaa diiday in warbaahinta ABC la iibiyo oo gacanta dadweynaha laga saaro. Hadalka RW hore ayaa imanay iaydoo dhowr asbuuc laga joogo markii xubnaha xisbiga Liberalka ay u codeeyeen in warbaahintan la iibiyo.
Mr Howard ayaa u sheegay xarunta cilmibaarista Centre for Independent Studies, in ABC loo daayo inay ku jirto gacanta dadweynaha oo dawladu maalgaliso.
Xubnaha xisbiga Liberalka ayaa Haa ugu codeeyay mooshin ugu baaqaya dawlada inay iibiso warbaahinta ABC marka laga reebo qaybeheeda magaalooyinka yaryar iyo dhulalka baadiyaha ah. Mooshinkaas ayaa loogu codeeyay shirka golaha federalka ee xisbiga oo dhacay bishii June.
Codkan ayaa Raiisul wasaare Malcolm Turnbull ku qasbay inuu balanqaado in warbaahintan dadweynaha aan waligeed la iibindoonin.
