Hogaamiyaha xisbiga one Nation Pauline Hanson ayaa dafirtay inay haysato labo dhalasho iyadoo intaa ku dartay inaysan arintaas ka hubin wasaarada arimaha gudaha Britain.
Iyadoo ka jawaabaysa hadalo laysla dhexmarayo oo sheegay inay haysato dhalasho Britain ah, Senatorad Hanson ayaa sheegtay in labadeeda waalidba ay Australia ku dhasheen inkastoo waalidka hooyadeed ay Brithis ahaayeen.
Senator Hanson ayaa la sheegay inay joornaalka Womens Day u sheegtay Febaraayo 2010 inay Britain u guurayso halkaas oo ay dhalasho labaad ku leedahay.
Bishii lasoo dhaafay ayay maxkamada sare ee Australia xukuntay in 5 xildhibaano iyo Senataro aysan xaq u lahayn inay baarlamaanka kusii jiraan waxaana ka mid ahaa RW ku xigeenkii Barnaby Joyce.
Kii u danbeeyay ee fadeexadan labada dhalasho qabsatay ayaa wxuu ahaa John Alexander oo ah xildhibaan Liberal ah oo shaacoyay inay dhici karto inuu labo dhalasho leeyahay.
Senator Hanson ayaa sheegtay inay ku taageertay RW malcolm Turnbull baaqiisii ahaa in laga doonayo xildhibaanada inay dhamaantood cadeeyaan inay labo dhalasho haystaan iyo in kale.
Hanson ayaa intaa ku dartay inay iyadu diyaar u tahay inay soo bandhigto waraaqeheeda cadaynta u ah inaysan lahayn labo dhalasho.
