Ugu yaraan 16 qof ayaa ku dhaawacmay shil tareen, oo ka dhacay magaalada Sydney abaarihii 10:00 arooryo ee saaka .
Shilkan ayaa ka dhacay goobta Richmond Station, oo Sydney waqooyi-galbeedkeeda ku taala.
Sababta Shilkan ayaa lagu sheegay, in boostaajada Richmond, oo ah dhamaadka tareenku uu ku istaago, ayaa tareenku uu ku dhuftay darbi adkaa oo ahaa dhamaadka khadka, halkaas oo xawaaraha daraadii dadku ay dhinacyada iyo daaqadaha tareenka ku dhaceen, sidaasna waxyeela ay ooga soo gaadhay.
Adeegyada Gurmadka degdega, oo diyaaradaha qumaatiga u kaca (helicopters) ay ka mid ahaayeen, ayaa iyagu goobta si dedega ku tagay, iya sidoo kale bilayska, iyagoo caawiyeen dadkii dhaawaca ahaa.
baadhitaano lagu samaynayo sababihii keenay shilkan ayaa iyagu biloowday, iyadoo sidoo kale wadaha tareenka la marsiiyay baadhitaanka hordhaca ah ee lagaga baadhayay maan-dooriyaasha.
