Raiisul Wasaarihii hore Malcolm Turnbull ayaa sheegay in xildhibaan Graig Kelly uusan ka baxsan tartan uu u galo xulashada musharaxnimada kursiga Hughes ee NSW oo ah halka lagasoo doortay.
Mr Kelly ayaa ka mid ahaa koox ka danbaysay cinqilaabkii lagaga qaaday hogaanka xisbiga Liberalka Mr Turbull bishii Agoosto.
Waxaa lasoo jeediyay in gudiga sare ee xisbiga Liberalka NSW ay ansixiyaan musharaxnimadiisa si looga baaqsado inuu galo tartan uu faraca xisbiga ee xaafadiisu maamusho, taas oo haddii ay dhacdo la filayo in looga adkaanayo.
Mr Turnbull ayaa ABC u sheegay in isaga loo sheegay in Mr Kelly uu ku hanjabay inuu dawlada ridayo oo uu ku biirayo xildhibaanada madaxa banaan.
Mr Turnbull ayaa sidoo kale kula talinya RW Scott Morrison inuu doorashada federalka qabto, isagoo intaa ku daray inay taasi caawinayso Premierada NSW Gladys Berejiklian inaan doorashada gobolka looga adkaan.
