Fellaini alivyoiongoza Shandong kunyakua ubingwa wa kihistoria wa CSL

Kiungo wa kati wa zamani wa Manchester United Marouane Fellaini ameisaidia Shandong Taishan kutwaa taji lao la kwanza la Ligi Kuu ya Uchina kwa kufanya vyema katika ushindi wa mabao 2-0 dhidi ya Hebei FC.

Marouane Fellaini akishangilia baada ya kufunga goli Shandong Taishan ikiichapa 2-0 Hebei FC Source: Getty Images

Nyota huyo wa zamani wa Ligi ya Uingereza, alipata bao baada ya dakika 21 kabla ya kutoa asisti dakika saba kabla ya mechi kumalizika ambapo Xu Xin aliongeza bao la pili la Taishan.

Marouane Fellaini wakati akiwa na Manchester United Klabu Bingwa Ulaya Source: Getty Images

Matokeo hayo yalinyanyua uongozi wa Shandong Taishan kileleni mwa ligi ya CSL ambapo kwa sasa ina alama 51 ambazo haziwezi kufikiwa na timu zingine.

Fellaini akiwa katika majukumu uwanjani ligi ya Uchina Source: Getty Images

Akiwa amevalia kitambaa cha unahodha, Fellaini aliiweka Shandong mbele wakati kipa wa Hebei, Bao Yaxiong aliposhindwa kufanya vya kutosha kuzuia mpira uliokatwa wa Jin Jingdao kutoka upande wa kulia, na kumwacha kiungo huyo wa zamani wa Ubelgiji kuruka juu ya mstari.

 

Dakika saba kabla ya mchezo kumalizika, Fellaini alihusika tena, safari hii akimuona Bao akiokoa mpira wa kichwa pekee kwa Xu kufunga kwenye mpira uliorudi na kuifungia Shandong.

 

Ubingwa wa Shandong kunaashiria mwisho wa enzi iliyotawaliwa na vilabu vinavyoungwa mkono kwa kiasi kikubwa na wafanyabiasha wa majumba wa Uchina wenye matumizi makubwa.