സിഡ്നി, ബ്ലൂ മൗൻടെയ്ൻസ്, ഇലവാര തുടങ്ങിയ ഗ്രെയ്റ്റർ സിഡ്നി മേഖലയിലെ എല്ലാ വീടുകൾക്കും വാണിജ്യ സ്ഥാപനങ്ങൾക്കും ഈ നിയന്ത്രണം ബാധകമാകും. ഒരു ദശാബ്ദത്തിന് ശേഷമാണ് ജലോപയോഗത്തിന് ഇത്തരത്തിലൊരു നിയന്ത്രണം NSW സർക്കാർ ഏർപ്പെടുത്തുന്നത്.
കഴിഞ്ഞ വർഷം സംസ്ഥാനം നേരിട്ട കഠിന വരൾച്ചയും ആവശ്യത്തിന് മഴ ലഭിക്കാത്തതും മൂലംആവശ്യത്തിന് മഴ ലഭിക്കാത്ത സാഹചര്യവും മൂലം നഗരത്തിലെ ഡാമുകളിൽ ജലനിരപ്പ് ക്രമാതീതമായി കുറഞ്ഞിരിക്കുകയാണ്.
സാധാരണ ജലനിരപ്പ് 50 ശതമാനമായി കുറയുമ്പോഴാണ് ഇത്തരത്തിലുള്ള നിയന്ത്രണങ്ങൾ ഏർപ്പെടുത്തുന്നത്. ചൊവ്വാഴ്ചയോടെ ഇത് 53.5 ശതമാനമായി കുറഞ്ഞതായാണ് WaterNSW ന്റെ റിപ്പോർട്ട്.
ഈ സാഹചര്യത്തിൽ ജലനിരപ്പ് നിശ്ചിത അളവിൽ നിന്നും കുറയുന്നതുവരെ കാത്തുനിൽക്കാതെ ഉടൻ നിയന്ത്രണങ്ങൾ ഏർപ്പെടുത്തേണ്ടത് ആവശ്യമാണെന്ന് ജല മന്ത്രി മെലിന്ഡ പാവെ വ്യക്തമാക്കി.
നിയന്ത്രണങ്ങൾ ഇവ
പൂന്തോട്ടങ്ങൾക്കും, ലോണുകൾക്കുമെല്ലാം വെള്ളം നനയ്ക്കാമെങ്കിലും വാട്ടർ ക്യാനുകളോ ബക്കറ്റുകളോ ഉപയോഗിച്ച് വേണം ഇത് ചെയ്യാൻ. എന്നാൽ ഹോസ് ഉപയോഗിച്ചാണ് ചെടികൾ നനയ്ക്കുന്നതെങ്കിൽ രാവിലെ പത്ത് മണിക്ക് മുൻപും വൈകിട്ട് നാല് മണിക്ക് ശേഷവും മാത്രമേ അനുവാദമുള്ളൂ. അതും നിയന്ത്രിതമായി വെള്ളം പുറത്തേക്ക് വരുന്ന ട്രിഗർ നോസിൽ ഉപയോഗിക്കണം. സാധാരണ ഹോസുകൾ ഉപയോഗിക്കാൻ പാടുള്ളതല്ല.
കൂടാതെ ഡ്രൈവ് വേയും മറ്റും അടിയന്തര ആവശ്യങ്ങൾക്ക് മാത്രമേ വൃത്തിയാക്കാൻ അനുവാദമുള്ളൂ. പ്രഷർ പമ്പുകൾ ഉപയോഗിച്ചോ ട്രിഗ്ഗർ നോസിൽ ഉപയോഗിച്ചോ വേണം ഇവ വൃത്തിയാക്കാൻ.
ഇതിനു പുറമെ വാഹനങ്ങൾ കഴുകുന്നതിനും, നീന്തൽ കുളങ്ങളിൽ വെള്ളം നിറയ്ക്കുന്നതിനുമെല്ലാം നിയന്ത്രണങ്ങൾ ഏർപ്പെടുത്തിയിട്ടുണ്ട്.
വാഹനങ്ങൾ കഴുകുമ്പോഴും പ്രഷർ പമ്പുകളോ ട്രിഗർ നോസിൽ ഉള്ള ഹോസുകളോ ഉപയോഗിക്കണം എന്നാണ് സിഡ്നി വാട്ടർ നൽകുന്ന നിർദ്ദേശം. സാധാരണ ഹോസുകൾ ഉപയോഗിക്കുകയോ ജലം പാഴാക്കുകയോ ചെയ്യാൻ പാടുള്ളതല്ല.
സമാനമായ രീതിയിൽ തന്നെ വേണം വേസ്റ്റ് ബിന്നുകളും മറ്റും വൃത്തിയാക്കാൻ. 
লেভেল টু পানি ব্যবহার-বিধির আওতায় লোকেরা তাদের বাগানে পানি দেওয়ার জন্য অনুমোদিত সময়ের মধ্যে কিংবা বালতি ব্যবহার করতে পারে Source: sydneywater
Source: sydneywater
Source: sydneywater
ജലം പാഴാക്കിയാൽ കഠിന പിഴ
ഈ നിയന്ത്രങ്ങൾ പാലിക്കാത്തവരിൽ നിന്നും കഠിന പിഴയാണ് സർക്കാർ ഈടാക്കുന്നത്. ജലം പാഴാക്കുന്ന വ്യക്തികൾക്ക് 220 ഡോളറും വാണിജ്യ സ്ഥാപനങ്ങൾക്ക് 550 ഡോളറുമാണ് പിഴ.
പിഴ ഈടാക്കാനുള്ള തീരുമാനമുണ്ടെങ്കിലും ആദ്യത്തെ മൂന്ന് മാസം വരെ പിഴ ഈടാക്കില്ല. സെപ്റ്റംബർ ഒന്ന് മുതൽ മാത്രമേ പിഴ ഈടാക്കി തുടങ്ങുകയുള്ളു.
ഇവയ്ക്ക് നിയന്ത്രണങ്ങൾ ഇല്ല
- Recycled water (supplied in some parts of Sydney through purple pipes)
- Greywater (water from sinks, showers, washing machines etc)
- Rainwater (as long as the tank/dam isn't topped up from, or switched to, the drinking water supply)
- Bore water
- River water (you need to have a licence)
