Sawv daws yeej paub tias tej neeg ntiag tug cov nyiaj superannuation yog cov nyiaj "super", uas yog ib cov nyiaj uas khaws tseg cia thaum peb tseem ua hauj lwm kom peb tau coj los siv rau lub caij peb so tsis ua hauj lwm lawm.
Txawm tias pej xeem Australia tau cov nyiaj laus (pension), los tsuas tau me ntsis los ntawm tsoom hwv xwb, yog li cov nyiaj superannuation thiaj yog ib co tseem ceeb heev yuav pab kom koj ua tau koj lub neej yooj yim rau yav lig.
“Thaum tej neeg sawv daws so tsis ua hauj lwm lawm, lawv thiaj yuav muaj nyiaj hauv lawv cov superannuation account, thiab muaj peev xwm rho tag nrho, los yog maj mam rho me ntsi rau txhua lub plua (weekly) los yog txhua txhua 2 plua (Limtiam) twg coj los siv tib yam li lawv cov nyiaj pension los tau. Feem ntau tej neeg sawv daws yeej tseem tau me ntsis nyiaj pension ntawm tsoom hwv Australia los pab rau lawv ntxiv thiab. Muaj qee tus kuj tau cov nyiaj pension txwm, hos lwm cov ces kuj tau me ntsis xwb," raws li Laura Wright uas yog tus coj sawv cev rau lub koom haum NGS Super uas yog lub tuam txhab super industry rau cov lees kais qhia ntawv thiab cov neeg ua hauj lwm pab tej neeg zejzog ntawd.
Source: Getty Images
Koj tus tswv lagluam uas ntiav koj ua hauj lwm yuav tsum them cov nyiaj super rau koj:
Tam sim no ces koj tus tswv lagluam ntawm lub tuam txhab koj ua hauj lwm rau yuav tsum them 9.5% ntawm tej nyiaj koj khwv tau los khaws tseg cia rau koj phau super fund account. Xyoo 2021 no yuav nce cov nyiaj super ua 10% thiab txog xyoo 2025 mam nce cov nyiaj super no ua 12%.
Cov nyiaj super yog ib co uas cov tswv lagluam yuav tsum tau them raws li tej nyiaj koj khwv tau rau koj, tsuas yog tias ntshe koj ho khwv tau nyiaj tsawg dua AUD 450 rau ib lub hlis twg xwb.
Koj tseem muaj peev xwm txhab tau nyiaj ntxiv rau koj cov nyiaj superannuation thiab:
Yog tias koj muaj peev xwm khaws tau los yog tso tau nyiaj txhab ntxiv rau koj cov nyiaj super, ces kuj yog ib lub tswv yim zoo uas koj muaj peev xwm make contributions yourself, dua ntawm cov uas koj tus tswv lagluam twb them rau koj lawm. Vim yog yus tso me ntsi nyiaj ntiag tug txhab ntxiv rau yus cov nyiaj super thaum ntxov, yuav ua rau yus tau txais txiaj ntsim ntau yam rau thaum yus so tsis ua hauj lwm lawm.
“Wright hais tias, yog txuas plua (weekly-Limtiam) es koj haus ib khob kasfes tsawg dua li ib txwm haus, thiab ho muab cov nyiaj AUD 3.50 uas koj txuag tau ntawm khob kasfes no coj mus khaws tseg cia nrog rau koj cov nyiaj superannuation account pib txij thaum koj tseem muaj 20 tawm xyoo mus txog rau lub caij koj muaj 60 xyoo uas so tsis ua hauj lwm lawm, ces koj twb tau cov nyiaj no txog AUD 25,000 lawm."
Tsis tas li no los tseem muaj lwm txoj hauv kev pab kom koj khaws tau nyiaj siv rau lub caij koj so tsis ua hauj lwm lawm thiab, xws li khaws nyiaj cia rau tom tuam txhab nyiaj, los sis yuav shares, tab sis tsoom hwv yeej xav txhawb nqa kom koj khaws tseg cia rau koj phau super account vim tau them se tsawg dua.
Xaiv seb koj nyiam qhib koj super account thiab khaws koj cov nyiaj super nrog lub tuam txhab lagluam super industries twg:
Tej nom tswv ntawm lwm cov teb chaws yog cov khaws pej xeem tej nyiaj super, tab sis hauv teb chaws Australia no, cov superannuation funds industries los yog cov private insurers yog cov khaws thiab ceev pej xeem tej nyiaj super no tseg cia. Thiab koj yuav yog tus xaiv seb xav khaws koj cov nyiaj super nrog lub twg ntawm yuav laug txog li 200 lub ntawd.
Koj tsis tas yuav yog ib tug pej xeem Australia es thiaj muaj cai koom tau cov nyiaj super funds no. Tsuav yog koj ua hauj lwm hauv teb chaws Australia thiab khwv tau nyiaj ntau tshaj AUD 450 xwb, ces koj tus tswv lagluam ntawm lub tuam txhab koj ua hauj lwm rau yeej them cov nyiaj super rau koj phau super fund account lawm.
Thiab cov neeg ua hauj lwm feem ntau yeej muaj cai xaiv tias, seb lawv xav coj cov nyiaj super fund no mus tso nrog rau lub tuam txhab super funds twg, tab sis yeej muaj ib txhia tuam txhab lagluam yeej siv ib cov fund twg tsi ntsees uas koj yuav tau nrog lawv siv lawv lub xwb. Tej zaum cov tswv lagluam yuav qhia kom koj siv ib cov super fund twg los yog koj ho mus txheeb seb koj ho nyiam siv lub super fund twg thiaj zoo tshaj plaws raws li qhov koj xav tau.
Yog thaum koj tau ua tub koom siab nrog ib lub tuam txhab super fund twg lawm, ces koj muaj peev xwm txheeb tau koj phau super account seb muaj nyiaj super npaum li cas, thiab paub tias koj tej nyiaj raug cov mus siv nqes peev ua lagluam dab tsi.
Yog li koj cov nyiaj super no yeej raug coj mus khaws cia nrog lwm tus tub koom siab tej nyiaj, thiab raug cov neeg paub nqes peev lagluam coj mus seiv nqes peev lagluam ntau yam lawm. Thaum txwm ib xyoos thiab khwv tau nyiaj tsam los, ces mam li muab coj mus faib rau tej tub koom siab raws li lawv tau nqes peev nrog lub tuam txhab ntawd xwb.
Investment return Source: Getty Images
Muab koj cov nyiaj super los sib sau ua ke:
Yog ib qhov zoo tshaj plaws rau koj yog tias koj siv tib phau super account xwb kom txhob tau them ntau yam nqe.
Yog tias koj muaj cov nyiaj super nrog ntau lub tuam txhab super funds, thiab yog koj xav muab coj los tso ua ke ua tib phau super account xwb, ces koj muaj peev xwm mus txheeb xyuas cov super funds tej vam sab los yog hu xov tooj nrog lawv tham ces lawv mam qhia tias koj yuav ua li cas. Thiab cov txheej txheem ntawd yeej ua tau yooj yooj yim xwb.
Txawm koj tsis paub tias xyov yuav muab koj cov nyiaj super khaws cia nrog lub tuam txhab twg lawm If you’re not sure where your super los yog tias koj mus txheeb xyuas ntawm lub koom haum sau se hauv teb chaws Australia (Australian Tax Office-ATO) thiab hauv koj phau myGov account ces koj yeej muaj peev xwm txheeb tau tib yam thiab.
Thaum twg mam siv tau koj cov nyiaj super:
Yog tias koj yug tom qab hnub tim 30 lub 6 hli ntuj xyoo 1964, ces koj yuav tsum muaj hnoob nyoog 60 xyoo thiab 64 xyoos thiaj muaj cai rho tau cov nyiaj super access your super no siv. Tab sis feem ntau thaum sawv daws muaj hnoob nyoog 65 xyoos lawm ces yeej muaj cai siv tau cov nyiaj super no lawm txawm yuav so hauj lwm los yog tseem ua hauj lwm txuas ntxiv los yeej siv tau lawm.
Koj muaj peev xwm rho tag nrho ib pob kiag los yog maj mam rho me ntsi rau txhua lub plua los yog txhua txhua 2 limtiam twg coj los siv los tau tib yam.
Tsis tas li yog tias koj ho muaj mob es yuav tau siv nyiaj los yog txom nyem nyiaj txiag tiag, ces koj muaj peev xwm rho tau koj cov nyiaj super no los siv los tau, tab sis tsuas muaj tsawg tus thiaj siv tau li hais no xwb.
Yuav nrhiav cov xwm qhov twg koj thiaj totaub ntxaws txog cov nyiaj super no:
Yog koj xav totaub thiab paub ntxaws kom txaws tshaj no ntxiv txog cov nyiaj super, ces txheeb xyuas tau ntawm ATO, thiab ntawm Australian Securities and Investment Commission-ASIC, thiab muaj ib txhia super funds yeej muaj cov xov xwm qhia txog cov nyiaj superannuation ua ntau hom lus rau koj tau saib tau nyeem.
Los yog koj muaj peev xwm txheeb xyuas tau tias seb tsim nyog koj yuav tsum khaws kom tau nyiaj ntau npaum li cas thiaj yuav pab kom koj ua tau lub neej yooj yim raws li koj xav, ces txheeb xyuas tau ntawm lub vas sab no: https://www.superguide.com.au/boost-your-superannuation/comfortable-retirement-how-much-super-need
Mloog tau SBS Hmong hnub zwj Teeb (Thursday) 6 pm, hnub zwj Hnub (Sunday) 11 am, koom tau ntxiv ntawm Facebook, Google podcast, Apple postcast, los yog Spotify. Download SBS Adio App thiab mloog YouTube, caum Pod follow los yog lwm cov podcasts platforms (iHeart, Amazon Music & Podcasts).
